Paytm: పేటీఎం బంపర్‌ ఆఫర్‌.. రూ.50 కోట్ల క్యాష్‌బ్యాక్‌లు.. యాప్‌ ద్వారా చెల్లింపులు జరిపే వారికి బెనిఫిట్స్‌..!
Paytm Cashback Offer: డిజిటల్‌ ఇండియా కార్యక్రమం ప్రారంభమై ఆరు సంవత్సరాలు పూర్తయిన నేపథ్యంలో ప్రముఖ పేమెంట్‌ యాప్‌ పేటీఎం ప్రత్యేక ఆఫర్‌ను ప్రకటించింది.?
Paytm Cashback Offer: డిజిటల్‌ ఇండియా కార్యక్రమం ప్రారంభమై ఆరు సంవత్సరాలు పూర్తయిన నేపథ్యంలో ప్రముఖ పేమెంట్‌ యాప్‌ పేటీఎం ప్రత్యేక ఆఫర్‌ను ప్రకటించింది. వ్యాపారులు, వినియోగదారులకు క్యాష్‌బ్యాక్‌ రూపంలో రివార్డులు అందించేందుకు రూ.50 కోట్లు కేటాయించినట్లు తెలిపింది. పేటీఎం యాప్‌ ద్వారా లావాదేవీలు జరిపే ప్రతి ఒక్కరికీ బెనిఫిట్స్‌ అందుతాయని వెల్లడించింది. దేశ వ్యాప్తంగా మొత్తం 200 జిల్లాల్లో దీనిని అమలు చేయనున్నట్లు పేటీఎం ప్రకటించింది. కర్ణాటక, కేరళ, తమిళనాడు, ఏపీ, తెలంగాణ రాష్ట్రాల్లో ప్రత్యేక డ్రైవ్‌లు నిర్వహించనున్నట్లు తెలిపింది. డిజిటల్‌ చెల్లింపుల కోసం విసృతంగా వినియోగించి డిజిటల్‌ ఇండియాను విజయవంతం చేయడానికి వ్యాపారులు కీలక పాత్ర పోషించారని సంస్థ పేర్కొంది.
దీపావళి వరకు పేటీఎం యాప్‌ ద్వారా అత్యధిక లావాదేవీలు జరిపిన వ్యాపారులకు ప్రశంసాపత్రంతో పాటు సౌండ్‌బాక్స్‌ ఐఓటీ పరికరాన్ని ఉచితంగా అందించనున్నట్లు తెలిపింది. పేటీఎం బిజినెస్ యాప్‌ వాడుతున్న వ్యాపారస్థుల్లో ఎంపిక చేసిన వారికి ఆడియో డివైజ్‌, సౌండ్‌బాక్స్‌ 50 శాతం రాయితీకి అందజేస్తామని వెల్లడించింది. దుకాణాల వద్ద క్యూఆర్‌ కోడ్‌ స్కాన్‌ చేసి చెల్లింపులు చేసే ప్రతి లావాదేవీకి కస్టమర్లకు క్యాష్‌బ్యాక్‌ వస్తుందని వెల్లడించింది.
ఇవీ కూడా చదవండి:
Royal Enfield: జూన్‌ నెలలో దూసుకెళ్లిన రాయల్‌ ఎన్‌ఫీల్డ్ అమ్మకాలు.. మే నెలతో పోలిస్తే ఇది ఎక్కువే
Postal Scheme: పోస్టాఫీసులోని ఈ స్కీమ్‌లో చేరాలనుకుంటున్నారా..? రూ. లక్ష పెడితే రూ.2 లక్షల వరకు పొందవచ్చు..!
