Pan Card: ఈ ట్రాన్సాక్షన్లకు ఇకపై పాన్ కార్డు తప్పనిసరి.. కఠిన రూల్స్ తీసుకొచ్చిన కేంద్రం..

కేంద్ర ప్రభుత్వం పాన్ కార్డుల విషయంలో కీలక మార్పులు చేసింది. గతంలో ఉన్న నిబంధనలను పూర్తిగా మార్చేసింది. అలాగే ఆర్దిక లావాదేవీలకు పాన్ కార్డులను తప్పనిసరి చేసింది. గతంలో ఉన్న నిబంధనలను మరింత కఠినతరం చేసింది. కొత్త రూల్స్ ఏంటి అనేది చూద్దాం.

Pan Card

Venkatrao Lella |
Updated on: Apr 28, 2026 | 2:54 PM

పాన్ కార్డ్ ఉన్నవారికి అలర్ట్. కేంద్రం ప్రభుత్వం రూల్స్‌లో భారీ మార్పులు చేసింది. అధిక విలువ గల ఆర్ధిక లావాదేవీలకు కార్డు అందించడాన్ని తప్పనిసరి చేసింది. నగదు ట్రాన్సాక్షన్లలో పారదర్శకత కోసం కేంద్రం కఠిన నిబంధనలను అమల్లోకి తెచ్చింది. ఇక నుంచి రూ.50 వేలు దాటిన లావాదేవీలకు తప్పనిసరిగా పాన్ అందించాల్సి ఉంటుంది. ఈ మేరకు ఇన్‌కమ్ ట్యాక్స్ యాక్ట్ 2025, ఆదాయపు పన్ను నియమావళి-2026లో కొత్త నియమాలు ప్రవేశపెట్టింది. ఈ మార్గదర్శకాల ప్రకారం పరిమితి దాటిన ఆర్ధిక లావాదేవీలకు పాన్ కార్డు తప్పనిసరిగా అందించాల్సి ఉంటుంది. ఎలాంటి ట్రాన్సాక్షన్లకు కార్డు అవసరం..? పరిమితులు ఏంటి? అనే విషయాలు ఇప్పుడు చూద్దాం.

ఈ పరిమితి దాటితే..

కారు, బైక్, బంగారం, భూమి, ఇల్లు, ఇతర పెట్టుబడులు కొనుగోలుకు సంబంధించి రూ.50 వేలకుపైగా చేసే ట్రాన్సాక్షన్లకు పాన్ కార్డు అవసరం. పాన్ కార్డు లేనప్పుడు గతంలో బంగారం కొనుగోలు, డీమ్యాట్ అకౌంట్ ఓపెనింగ్‌కు ఫామ్ 60 ఇస్తే సరిపోయేది. దీని ద్వారా కొత్త ఇన్‌కమ్ ట్యాక్స్ చట్టంలో ఫామ్ 97 తీసుకొచ్చారు. అయితే ఇక నుంచి రూ.50 వేలు దాటిన లావాదేవీలకు ఈ ఫామ్ ఇస్తే సరిపోదు. పాన్ తప్పనిసరిగా ఇవ్వాల్సి ఉంటుంది. ఏప్రిల్ 1 నుంచి ఈ కొత్త రూల్ అమల్లోకి వచ్చింది. అలాగే గతంలో పాన్ కార్డుకు దరఖాస్తు చేసుకునేందుకు ఉన్న పాత అప్లికేషన్ల స్ధానంలో కొత్త వాటిని ప్రవేశపెట్టారు. దీంతో ఈ కొత్త పాన్ నిబంధనల గురించి ప్రతీఒక్కరూ తెలుసుకోవాల్సిన అవసరముంది. దీని వల్ల ఆర్దిక లావాదేవీల విషయంలో మీకు ఎలాంటి ఇబ్బందులు ఉండవు.