Fatigue Causes: బాగా నిద్రపోయిన తర్వాత కూడా అలసటగా అనిపిస్తోందా? ఈ 6 కారణాలు కావచ్చు!
ఆరోగ్యకరమైన జీవనానికి ఆహారం, వ్యాయామం ఎంత ముఖ్యమో, సరైన నిద్ర కూడా అంతే అవసరం. నిద్ర మన మెదడును, శరీరాన్ని రీఛార్జ్ చేస్తుంది. అయితే, కొంతమంది రాత్రి 7 నుండి 8 గంటల పాటు గాఢ నిద్రపోయినా, ఉదయం నిద్రలేవగానే విపరీతమైన అలసట, నీరసంతో బాధపడుతుంటారు. దీనినే 'స్లీప్ ఫెటీగ్' (Sleep Fatigue) అంటారు. ఇది మీ వృత్తిపరమైన పనితీరుపైనే కాకుండా, మానసిక ఉత్సాహంపై కూడా ప్రభావం చూపుతుంది. కేవలం నిద్రపోవడం మాత్రమే కాదు, ఆ నిద్ర నాణ్యతగా ఉందో లేదో చూడటం ముఖ్యం. బాగా నిద్రపోయిన తర్వాత కూడా మీరు ఎందుకు అలసిపోయినట్లు అనిపిస్తుందో ఆ 6 ప్రధాన కారణాలు ఇక్కడ వివరంగా తెలుసుకోండి.
Updated on: Apr 28, 2026 | 2:41 PM
స్లీప్ అప్నియా శ్వాస సమస్యలు… నిద్రలో శ్వాస తీసుకోవడంలో ఇబ్బంది కలగడాన్ని ‘స్లీప్ అప్నియా’ అంటారు. గొంతులోని వాయుమార్గం తాత్కాలికంగా మూసుకుపోవడం వల్ల నిద్రలో శ్వాస పదేపదే ఆగిపోతుంటుంది. అప్పుడు మన మెదడు శ్వాసను పునరుద్ధరించడానికి మనల్ని స్వల్పంగా మేల్కొలుపుతుంది. ఇది మీకు తెలియకుండానే జరుగుతుంది కాబట్టి, రాత్రంతా నిద్రపోయినట్లు అనిపించినా, మీ శరీరానికి కావాల్సిన విశ్రాంతి అందదు. దీనివల్ల ఉదయం లేవగానే మగతగా, నీరసంగా అనిపిస్తుంది.
మానసిక ఆరోగ్యం, దీర్ఘకాలిక వ్యాధులు
ఆందోళన (Anxiety), డిప్రెషన్ వంటి సమస్యలు మన శక్తి స్థాయిలను గణనీయంగా తగ్గిస్తాయి. మానసిక ఒత్తిడి వల్ల నిద్ర సరిగ్గా పట్టకపోవడమే కాకుండా, నిద్రపోయినా శరీరం అలసటగా ఉంటుంది. అలాగే మధుమేహం, గుండె జబ్బులు, మూత్రపిండాల సమస్యలు లేదా థైరాయిడ్ వంటి దీర్ఘకాలిక వ్యాధులు ఉన్నవారిలో శరీరం ఇన్ఫెక్షన్లతో పోరాడటానికి ఎక్కువ శక్తిని ఖర్చు చేస్తుంది. దీనివల్ల నిరంతరం అలసటగా అనిపించడం సహజం.
సర్కాడియన్ రిథమ్
మన శరీరానికి ‘సర్కాడియన్ రిథమ్’ అనే ఒక సహజ గడియారం ఉంటుంది. మనం పడుకునే సమయాలు ఈ గడియారానికి అనుగుణంగా లేకపోతే (ముఖ్యంగా షిఫ్ట్ వర్క్ చేసేవారిలో), నిద్ర నాణ్యత దెబ్బతింటుంది. అలాగే నిద్రపోయే ముందు కెఫీన్ (కాఫీ/టీ) లేదా నికోటిన్ తీసుకోవడం వల్ల గాఢ నిద్ర (REM sleep) కష్టమవుతుంది. పడకగదిలో మొబైల్ వాడటం, ఆలస్యంగా భారీ భోజనం చేయడం వంటి చెడు జీవనశైలి అలవాట్లు కూడా మీ నిద్రకు భంగం కలిగించి, మరుసటి రోజు మిమ్మల్ని నిస్సత్తువగా మారుస్తాయి. నిరంతర అలసట అనేది మీ శరీరం ఇస్తున్న హెచ్చరిక కావచ్చు. సరైన నిద్ర వేళలను పాటిస్తూ, ఆరోగ్యకరమైన జీవనశైలిని అలవాటు చేసుకోవడం ద్వారా ఈ సమస్య నుండి బయటపడవచ్చు.
