New Tata Tiago: కొత్త టియాగో లుక్ అదరహో.. 2025 మోడల్ ఈవీ విడుదల
మన దేశంలో ప్రజల ఆదరణ పొందిన ఎలక్ట్రిక్ కార్లలో టాటా టియాగో ముందు వరుసలో ఉంటుంది. మెరుగైన రేంజ్, ఆధునిక ఫీచర్లు, లేటెస్ట్ లుక్, నమ్మకమైన బ్రాండ్ కారణంగా ఈ కారు విక్రయాలు జోరుగా సాగుతున్నాయి. ఈ నేపథ్యంలో టియాగోని ఆధునికరించి 2025 మోడల్ గా విడుదల చేశారు. పాత కారుతో పోల్చితే కొన్ని మార్పులు చేశారు. ఇటీవల విడుదలవుతున్న ఈవీలకు అనుగుణంగా లోపల, వెలువల సూక్ష్మ నవీకరణలు జరిగాయి. అయితే పాత, కొత్త టియాగో ఎలక్ట్రిక్ కార్ల మధ్య వ్యత్యాసాలను తెలుసుకుందాం.
Updated on: Feb 15, 2025 | 2:15 PM
కొత్త టియాగో ఈవీ డిజైన్ లో పెద్దగా మార్పు రాలేదు. కొలతలు, వీల్ బేస్, బూట్ స్పేస్ అలాగే ఉన్నాయి. 3,769 ఎంఎం పొడవు, 1,677 వెడల్పు, 1,536 ఎంఎ ఎత్తు, 2400 ఎంఎం వీల్ బేస్, 240 లీటర్ల బూట్ స్పేస్ అలాగే కొనసాగాయి. బయట మార్పులకు సంబంధించి కొత్త మోడల్ ఎల్ఈడీ హెడ్ లైట్లు, ముందు బంపర్ కోసం గ్రిల్ పునర్మిర్మించారు. పాత మోడల్ లో క్లోజ్ ఆఫ్ గ్రిల్ పై ఉన్న ఈవీ బ్యాడ్జీని ఇప్పుడు ముందు డోర్లకు ఇరువైపులా ఏర్పాటు చేశారు. పాత, కొత్త మోడళ్ల సైడ్ ప్రొఫైల్ లేఅవుట్ దాదాపు ఒకేలా ఉన్నప్పటికీ, కొత్త మోడల్ లో జీపీఎస్ తో కూడిన షార్క్ ఫిన్, 14 అంగుళాల వీల్ కవర్లు అదనంగా కనిపిస్తున్నాయి. వెనుక వైపు భాగం పాత కారు మాదిరిగానే ఉంది. టియాగో ఈవీ లేటెస్ట్ మోడల్ కొత్త రంగుల్లో అందుబాటులోకి వచ్చింది. చిల్ లైమ్, అరిజోనా బ్లూ, సూపర్ నోవా కాపర్ షేడ్స్ తో తీసుకువచ్చారు. అలాగే ప్రిస్లైన్ వైట్, డేటోనా గ్రే, టీల్ బ్లూలను పాత మోడల్ నుంచి తీసుకున్నారు.
ఇంటీరియర్
కొత్త మోడల్ లోపలి భాగంలోని ఇంటిరియల్ లో మార్పులు చేశారు. టచ్ స్క్రీన్ ఇన్ఫోటైన్ మెంట్ సిస్టమ్ ఆకట్టుకుంటోంది. సీట్ కవర్లు కొత్త రంగులో ఆకర్షణీయంగా ఉన్నాయి.
ఫీచర్లు
టియాగో 2025 మోడల్ లో కొత్త ఎల్ఈడీ హెడ్ లైట్లు, 10.25 అంగుళాల సమాచార వ్యవస్థ, వైర్ లెస్ ఆపిల్ కార్ ప్లే, ఆడ్రాయిట్ ఆటో, 45 డబ్లూ యూఎస్ బీ – సీ చార్జింగ్ పోర్టు ఉన్నాయి. భద్రతా పరంగా పార్కింగ్ సెన్సార్లు, హిల్ హూల్డ్ కంట్రోల్, ఎలక్ట్రానిక్ స్టెబిలిటీ ప్రోగ్రామ్ (ఈఎస్పీ) కలిగిన హెచ్ డీ రియల్ వ్యూ కెమెరా అమర్చారు.
ప్రత్యేకతలు
బ్యాటరీ ప్యాక్ పాత కారులో 19.2 కేడబ్ల్యూహెచ్ కాగా, కొత్త మోడల్ లో 24 కేడబ్ల్యూహెచ్ ఏర్పాటు చేశారు. పుల్ చార్జింగ్ తో పాత మోడల్ 223 కిలోమీటర్లు, కొత్త మోడల్ 293 కిలోమీటర్ల రేంజ్ ఇస్తాయి.
ధర
టియాగో కొత్త మోడల్ రూ.8 లక్షల నుంచి 11.14 లక్షల (ఎక్స్ ఫోరూమ్) మధ్య ధరలో అందుబాటులో ఉంది. ప్రస్తుతం మార్కెట్ లో ఉన్న ఎంజీ కామెట్ ఈవీ, సిట్రోయెన్ ఈసీ3లతో పోటీ పడనుంది. పాత టియాగోతో పోల్చితే కొత్త మోడల్ లో గణనీయమైన మార్పులు లేవు. డిజైన్, ఇంటిరియర్ పరంగా కొన్ని మార్పులు చేశారు. అయితే కొత్త మోడల్ కొంచెం ఎక్కువ రేంజ్ ఇస్తుంది.
మరిన్ని బిజినెస్ వార్తల కోసం ఇక్కడ క్లిక్ చేయండి
