PMJDY Accounts: 51 కోట్లకు పైగా పీఎం జన్ధన్ అకౌంట్లు.. రూ.2 లక్షల కోట్లకుపైగా డిపాజిట్
Pradhan Mantri Jan Dhan Yojana: రాజ్యసభలో ఒక ప్రశ్నకు మంత్రి లిఖితపూర్వక సమాధానంలో నవంబర్ 29 వరకు 510.4 మిలియన్ పీఎం జన్ధన్ యోజన ఖాతాలు 2.08 లక్షల కోట్ల రూపాయల డిపాజిట్ మొత్తంతో ప్రారంభం అయ్యాయి. పిఎంజెడివైని 2014 ఆగస్టు 28న జాతీయ మిషన్గా ప్రారంభించినట్లు మంత్రి తెలిపారు. ప్రజలందరికీ బ్యాంకింగ్ సౌకర్యాలు కల్పించడమే దీని లక్ష్యం. పీఎం జన్ధన్ యోజన స్కీమ్లో ఫ్లెక్సీ-రికరింగ్ డిపాజిట్ల వంటి చిన్న పెట్టుబడులకు
Updated on: Dec 13, 2023 | 3:37 PM
Pradhan Mantri Jan Dhan Yojana: దేశ ప్రధానమంత్రి 9 సంవత్సరాల క్రితం ప్రధానమంత్రి జన్ ధన్ యోజనను ప్రారంభించారు. దీని కింద దేశంలో ప్రజల ఉచిత ఖాతాలు ఓపెన్ చేసుకున్నారు. ప్రస్తుతం ఈ ఖాతా సంఖ్య 51 కోట్లు దాటింది. విశేషమేమిటంటే.. ఈ ఖాతాల్లో ప్రజలు రూ.2 లక్షల కోట్లకు పైగానే నిల్వ ఉంచారు. మంగళవారం పార్లమెంటులో దేశంలోని కేంద్ర ఆర్థిక శాఖ సహాయ మంత్రి డాక్టర్ భగవత్ కిషన్రావ్ కరద్ 9 ఏళ్ల ప్రధాన మంత్రి జన్ ధన్ యోజన (PMJDY) కింద బ్యాంకు ఖాతాల గురించి సమాచారాన్ని అందించారు. దేశంలో జన్ ధన్ ఖాతాల సంఖ్య 500 మిలియన్ల మార్కును అధిగమించిందని, మొత్తం డిపాజిట్లు రూ.2 లక్షల కోట్లకు పైగానే ఉన్నాయని తెలిపారు. అంటే దేశంలోని జన్ ధన్ ఖాతాల్లో సగటున రూ.4000 జమ అవుతోంది.
రూ.4 కోట్లకు మించి ఖాతాలో డబ్బులు లేవు
రాజ్యసభలో ఒక ప్రశ్నకు మంత్రి లిఖితపూర్వక సమాధానంలో నవంబర్ 29 వరకు 510.4 మిలియన్ పీఎం జన్ధన్ యోజన ఖాతాలు 2.08 లక్షల కోట్ల రూపాయల డిపాజిట్ మొత్తంతో ప్రారంభం అయ్యాయి. పిఎంజెడివైని 2014 ఆగస్టు 28న జాతీయ మిషన్గా ప్రారంభించినట్లు మంత్రి తెలిపారు. ప్రజలందరికీ బ్యాంకింగ్ సౌకర్యాలు కల్పించడమే దీని లక్ష్యం. పీఎం జన్ధన్ యోజన స్కీమ్లో ఫ్లెక్సీ-రికరింగ్ డిపాజిట్ల వంటి చిన్న పెట్టుబడులకు ఎటువంటి నిబంధన లేదని మంత్రి తెలిపారు. అయితే పీఎం జన్ధన్ యోజన ఖాతాదారులు తమ బ్యాంకుల నుండి చిన్న పెట్టుబడి సౌకర్యాన్ని పొందవచ్చు. నవంబర్ 22 నాటికి, 43 మిలియన్ల PMJDY ఖాతాలలో జీరో బ్యాలెన్స్ ఉందని, ఈ ఖాతాలలో కనీస నిల్వను నిర్వహించాల్సిన అవసరం లేదని మంత్రి చెప్పారు.
ప్రయివేటు రంగం ముందుకు రావాలి?
అంతకుముందు, 20వ గ్లోబల్ ఇన్క్లూజివ్ ఫైనాన్స్ సమ్మిట్లో ఫైనాన్స్ సర్వీసెస్ సెక్రటరీ వివేక్ జోషి మాట్లాడుతూ.. పీఎం జన్ధన్ యోజన, జన్ సురక్ష వంటి ప్రభుత్వ కార్యక్రమాలలో తమ భాగస్వామ్యాన్ని పెంచాలని ప్రైవేట్ రంగ బ్యాంకులను కోరారు. ప్రభుత్వ రంగ బ్యాంకులు చురుగ్గా పాల్గొంటున్నప్పటికీ, ప్రధానంగా ప్రైవేట్ రంగ బ్యాంకులు ఇందులో పాల్గొనడం లేదని జోషి అన్నారు. దీంతో పాటు ముద్రా యోజన, స్టాండప్ ఇండియా స్కీమ్లను కూడా ప్రభుత్వం ప్రారంభించింది. ప్రస్తుతం 18 శాతం పీఎం జన్ధన్ యోజన ఖాతాలు నిష్క్రియంగా ఉన్నాయని జోషి చెప్పారు. ఇది కాకుండా, అతను బ్యాంకులు, ఆర్థిక సంస్థలను మూడు రంగాలలో పని చేయాలని కోరారు. నిలిచిపోయిన ఖాతాలకు కేవైసీ చేయడం, బ్యాంక్ ఖాతాల కోసం నమోదు చేయడం, సైబర్ భద్రతను బలోపేతం చేయాలని కోరారు.
మరిన్ని బిజినెస్ వార్తల కోసం ఇక్కడ క్లిక్ చేయండి
