Multiple Bank Accounts: మీకు ఒకటి కంటే ఎక్కువ బ్యాంకు ఖాతాలు ఉన్నాయా? ఈ విషయాలను తెలుసుకోండి
చాలా మందికి చాలా క్రెడిట్ కార్డులు ఉంటాయి. కొందరికి ఒకటి, రెండు ఉంటే మరి కొందరికి 5 నుంచి 10 క్రెడిట్ కార్డులు కూడా ఉంటాయి. అలాగే ఒకటి కంటే ఎక్కువ బ్యాంకు ఖాతాలు ఉన్నవారు కూడా చాలా మందే ఉన్నారు. ఒక కంపెనీలో జాబ్‌ చేస్తున్నప్పుడు తీసిన అకౌంట్‌ ఒకటుంటే.. జాబ్‌ మానేసి ఇతర కంపెనీల్లో చేరిన సమయంలో అక్కడ కూడా అకౌంట్‌ తీస్తుంటారు. ఇలా చాలా మందికి ఒకంటి కంటే ఎక్కువ బ్యాంకు ఖాతాలు ఉంటాయి. ఇలాంటి విభిన్న కారణాల వల్ల మీరు ఎక్కువ బ్యాంక్ ఖాతాలను కలిగి ఉండవచ్చు. నేడు సాంకేతికత చాలా బలంగా మారింది. ఆన్‌లైన్‌లో కూడా బ్యాంక్ ఖాతా తెరవవచ్చు.
చాలా మందికి చాలా క్రెడిట్ కార్డులు ఉంటాయి. కొందరికి ఒకటి, రెండు ఉంటే మరి కొందరికి 5 నుంచి 10 క్రెడిట్ కార్డులు కూడా ఉంటాయి. అలాగే ఒకటి కంటే ఎక్కువ బ్యాంకు ఖాతాలు ఉన్నవారు కూడా చాలా మందే ఉన్నారు. ఒక కంపెనీలో జాబ్‌ చేస్తున్నప్పుడు తీసిన అకౌంట్‌ ఒకటుంటే.. జాబ్‌ మానేసి ఇతర కంపెనీల్లో చేరిన సమయంలో అక్కడ కూడా అకౌంట్‌ తీస్తుంటారు. ఇలా చాలా మందికి ఒకంటి కంటే ఎక్కువ బ్యాంకు ఖాతాలు ఉంటాయి. ఇలాంటి విభిన్న కారణాల వల్ల మీరు ఎక్కువ బ్యాంక్ ఖాతాలను కలిగి ఉండవచ్చు. నేడు సాంకేతికత చాలా బలంగా మారింది. ఆన్‌లైన్‌లో కూడా బ్యాంక్ ఖాతా తెరవవచ్చు. బ్యాంకింగ్ సులభం అయింది. యూపీఐని ప్రవేశపెట్టిన తర్వాత కూడా బ్యాంకు ఖాతా నుంచి నగదు బదిలీ, బిల్లు చెల్లింపు తదితర సౌకర్యాలు కల్పించారు.
ఎక్కువ బ్యాంక్ ఖాతాలను నిర్వహించడం కొన్ని సందర్భాల్లో ప్రయోజనకరంగా ఉంటుంది. వాటిని నిర్వహించడం ఎల్లప్పుడూ సులభం కాదు. కొన్ని సవాళ్లు, సమస్యలు కూడా ఉంటాయి.
మినిమమ్ బ్యాలెన్స్ ఉండాలి ఈ రోజుల్లో చాలా బ్యాంకులు జీతం కాని సేవింగ్స్ బ్యాంక్ ఖాతాలకు కనీస బ్యాలెన్స్ మొత్తాన్ని రూ.10,000గా నిర్దేశించాయి. అంటే బ్యాంకు ఖాతాలో కనీసం నెలకు ఒకసారి బ్యాలెన్స్ మొత్తం 10,000 ఉండాలి. వేర్వేరు బ్యాంకులు వేర్వేరు కనీస బ్యాలెన్స్ అవసరాలను కలిగి ఉండవచ్చు. ఖాతాలో మొత్తం లేకపోతే, బ్యాంకు పెనాల్టీ విధిస్తుంది.
బ్యాంక్ ఖాతా డియాక్టివేట్ కావచ్చు
మీరు వరుసగా 3 నెలల పాటు ఎలాంటి లావాదేవీలు చేయకుంటే బ్యాంకు ఖాతా డీయాక్టివేట్ చేయబడుతుంది. దీన్ని యాక్టివేట్ చేయగలిగినప్పటికీ, అదనపు ఛార్జీలు మొదలైనవి ఎదుర్కొవచ్చు. మీకు మూడు లేదా నాలుగు బ్యాంకు ఖాతాలు ఉంటే మీరు ఎలాగైనా నిర్వహించవచ్చు. ఎక్కువ బ్యాంక్ ఖాతాలు ఉంటే కొన్ని ఖాతాలు క్లోజ్ చేసుకోవచ్చు.
బ్యాంక్ సర్వీస్ ఛార్జీలను ట్రాక్ చేయడం
కొన్ని బ్యాంకింగ్ సేవలు ఉచితంగా లభిస్తాయి. మళ్లీ కొందరికి ఫీజు ఉంటుంది. ఈ ఫీజు విధానం ఒక్కో బ్యాంకులో ఒక్కోలా ఉంటుంది. మీకు ఎక్కువ బ్యాంక్ ఖాతాలు ఉంటే అన్ని బ్యాంకుల ఫీజు విధానాలను ట్రాక్ చేయడం కష్టం. ఈ ఫీజులు చిన్నవి అయినప్పటికీ, అన్ని ఖాతాల నుంచి రుసుములు చాలా పెద్దవిగా ఉంటాయి. అందుకే మీ ఖాతా ఉన్న బ్యాంకు నుంచి ఎలాంటి ఛార్జీలు వసూలు చేస్తున్నారో పూర్తి జాబితాను పొందడం మంచిది.
ఎక్కువ బ్యాంక్ ఖాతాలను నిర్వహించడానికి యాప్‌ల సహాయం
ఇప్పుడు వివిధ బ్యాంకులను ఒకే ప్లాట్‌ఫారమ్‌పైకి తీసుకొచ్చే బ్యాంకింగ్ యాప్‌లు, ఆన్‌లైన్ సాధనాలు ఉన్నాయి. చెల్లింపు గడువు ఉంటే ఇవి మిమ్మల్ని అలర్ట్ చేస్తాయి. బ్యాంకు ఖాతా నుంచి లావాదేవీలు చేయాల్సి ఉన్నా హెచ్చరికలు అందుతాయి. అయితే ఈ మధ్యకాలంలో రిజర్వ్‌ బ్యాంక్ ఆఫ్‌ ఇండియా ఆదేశాల ప్రకారం కొన్ని బ్యాంకులు మినిమమ్ బ్యాలెన్స్ విధానాన్ని ఎత్తివేశాయి. వినియోగదారుల నుంచి వస్తున్న ఫిర్యాదుల నేపథ్యంలో రిజర్వ్‌ బ్యాంక్ మినిమమ్ బ్యాలెన్స్ మెయింటెన్‌ చేయడం విధానాన్ని ఎత్తివేశాయి. అయినా సరే మీకు ఒకటి కంటే ఎక్కువ బ్యాంకు ఖాతాల ఉండి, మినిమమ్ బ్యాలెన్స్ ఉండకపోతే అప్రమత్తం కావాల్సిందే. సదరు బ్యాంకు కనీస బ్యాలెన్స్ లేకపోతే పెనాల్టీ ఏమైనా విధిస్తుందా? అనే విషయాన్ని తెలుసుకోండి.
మరిన్ని బిజినెస్ వార్తల కోసం ఇక్కడ క్లిక్ చేయండి
