Bumper Offer: వాహనదారులకు బంఫరాఫర్.. ఈ కారుపై రూ.3.90 లక్షల వరకు డిస్కౌంట్
Bumper Offer: ఈ డిస్కౌంట్లన్నీ పరిమిత కాలానికి మాత్రమే. 30 జూన్ 2025 వరకు మాత్రమే వర్తిస్తాయి. అలాగే, డీలర్షిప్ను బట్టి ఆఫర్లు కొద్దిగా మారవచ్చు. అందుకే కారు కొనడానికి ముందు మీ సమీపంలోని జీప్ షోరూమ్లో ఆఫర్ల వివరాలు తెలుసుకోండి. మీరు..
Updated on: Jun 16, 2025 | 7:11 PM
జీప్ జూన్ 2025లో భారత మార్కెట్లో అద్భుతమైన ఆఫర్లను అందించింది. ఇటాలియన్-అమెరికన్ కంపెనీ జీప్ తన ప్రసిద్ధ SUVలు – కంపాస్, మెరిడియన్, గ్రాండ్ చెరోకీలపై భారీ తగ్గింపులను అందిస్తోంది. ఇది టయోటా వంటి కంపెనీలకు పోటీ ఇవ్వనుంది. డీలర్షిప్ల వద్ద చాలా పాత స్టాక్ మిగిలి ఉంది. వాటిని క్లియర్ చేయడానికి బ్రాండ్ పరిమిత కాల ఆఫర్లను ప్రవేశపెట్టింది. మీరు జీప్ SUV కొనాలని ఆలోచిస్తుంటే ఈ సమయం మీకు సరైనది కావచ్చు.
జీప్ కంపాస్:
జీప్ కంపాస్పై కంపెనీ మొత్తం రూ.2.95 లక్షల వరకు తగ్గింపును అందిస్తోంది.
రూ. 1.70 లక్షల వరకు వినియోగదారుల తగ్గింపు
రూ.1.10 లక్షల వరకు కార్పొరేట్ బెనిఫిట్
రూ.15,000 ప్రత్యేక ఆఫర్
కంపాస్లో 2.0-లీటర్ టర్బో డీజిల్ ఇంజిన్ ఉంటుంది. ఇది 170hp పవర్, 350Nm టార్క్ను ఉత్పత్తి చేస్తుంది. దీనితో ఆల్-వీల్ డ్రైవ్ ఎంపిక కూడా అందుబాటులో ఉంది. కంపాస్ ధర రూ.18.99 లక్షల నుండి ప్రారంభమై రూ. 32.41 లక్షల వరకు (ఎక్స్-షోరూమ్) ఉంటుంది.
ఇది కూడా చదవండి: Post Office: రోజుకు రూ.333 డిపాజిట్ చేస్తే చేతికి రూ.17 లక్షలు.. అద్భుతమైన స్కీమ్
జీప్ మెరిడియన్: డిస్కౌంట్లలో అగ్రస్థానం:
ఈ జూన్ నెలలో మెరిడియన్ SUV పై అతిపెద్ద డిస్కౌంట్ అందుబాటులో ఉంది. ఈ మోడల్ పై కంపెనీ మొత్తం రూ. 3.90 లక్షల వరకు డిస్కౌంట్ అందిస్తోంది.
వినియోగదారులకు రూ.2.30 లక్షల వరకు ఆఫర్లు
రూ.1.30 లక్షల వరకు కార్పొరేట్ డిస్కౌంట్
రూ.15,000 ప్రత్యేక ప్రయోజనం
మెరిడియన్ ఎక్స్-షోరూమ్ ధర రూ.24.99 లక్షల నుండి రూ.38.79 లక్షల వరకు ఉంటుంది. ఇది రెయిన్ సెన్సింగ్ వైపర్లు, రిక్లైనింగ్ రెండవ వరుస సీట్లు, 6 ఎయిర్బ్యాగ్ల వంటి భద్రతా అంశాల వంటి అధునాతన లక్షణాలను అందిస్తుంది.
గ్రాండ్ చెరోకీ SUV పై 3 లక్షల డిస్కౌంట్
జీప్ ఫ్లాగ్షిప్ SUV గ్రాండ్ చెరోకీ కూడా ఈ జూన్లో రూ.3 లక్షల వరకు తగ్గింపుతో అందిస్తోంది. ఈ కారు ప్రస్తుతం భారతదేశంలో ఒకే ఒక వేరియంట్లో అందుబాటులో ఉంది. దీని ధర రూ.67.50 లక్షలు (ఎక్స్-షోరూమ్). లగ్జరీ విభాగంలోకి ప్రవేశించాలని ఆలోచిస్తున్న వారికి ఈ డీల్ ప్రత్యేకమైనది.
ఈ ఆఫర్లు జూన్ వరకు మాత్రమే:
ఈ డిస్కౌంట్లన్నీ పరిమిత కాలానికి మాత్రమే. 30 జూన్ 2025 వరకు మాత్రమే వర్తిస్తాయి. అలాగే, డీలర్షిప్ను బట్టి ఆఫర్లు కొద్దిగా మారవచ్చు. అందుకే కారు కొనడానికి ముందు మీ సమీపంలోని జీప్ షోరూమ్లో ఆఫర్ల వివరాలు తెలుసుకోండి. మీరు వాహనం తీసుకునే ప్రాంతంలో ఉండే డీలర్షిప్ను బట్టి డిస్కౌంట్లలో తేడా ఉండవచ్చని గమనించండి.
ఇది కూడా చదవండి: Health Tips: పొరపాటున కూడా ఈ 10 ఆహారాలను పచ్చిగా తినకండి.. ప్రమాదమే..!
ఇది కూడా చదవండి: DoT New Rule: మొబైల్ యూజర్లకు గుడ్న్యూస్.. ఇక నెట్వర్క్ మారాలంటే 90 రోజులు కాదు.. 30 రోజులే..
మరిన్ని బిజినెస్ వార్తల కోసం ఇక్కడ క్లిక్ చేయండి
