ఇతరుల పేరుతో ఉన్న SIM వాడుతున్నారా?అయితే నవంబర్ 1 నుంచి మీకు ఇబ్బందే!

×

ఇతరుల పేరుతో ఉన్న SIM వాడుతున్నారా?అయితే నవంబర్ 1 నుంచి మీకు ఇబ్బందే!

నవంబర్ 1 నుంచి దేశంలో కొత్త టెలికాం నిబంధనలు అమలులోకి రాబోతున్నాయి. వీటి ప్రకారం, మీ మొబైల్‌కు వచ్చే అపరిచితుల కాల్స్‌కు సంబంధించిన సిమ్ ఓనర్ పేరు మీ స్క్రీన్‌పై డిస్‌ప్లే అవుతుంది. ఇది స్పామ్, సైబర్ ఫ్రాడ్‌లను తగ్గించడంలో సహాయపడుతుంది. అయితే, మీరు గనుక ఇతరుల పేరు మీద ఉన్న సిమ్ కార్డును వాడుతున్నట్లయితే నవంబర్ 1 నుంచి అనేక సమస్యలు ఎదుర్కోవాల్సి ఉంటుంది. ఎవరికైనా కాల్ చేసినప్పుడు మీ పేరు కాకుండా అసలు సిమ్ ఓనర్ పేరే కనిపిస్తుంది. దీనివల్ల ఆఫీస్, బిజినెస్ కాల్స్‌లో గందరగోళం ఏర్పడవచ్చు. కొత్త నిబంధనల ప్రకారం, సిమ్ కార్డ్ ఎవరి పేరు మీద ఉంటే, ఆ నంబర్ ద్వారా జరిగే ఏ తప్పైనా, సైబర్ ఫ్రాడ్ అయినా వారికే వర్తిస్తుంది. ఇతరుల ఐడెంటిటీతో సిమ్ వాడితే మూడేళ్ల జైలు శిక్ష, 50 లక్షల వరకు జరిమానా పడే అవకాశం ఉంది. అలాగే, సిమ్ రీప్లేస్‌మెంట్, MNP, బ్యాంక్ OTPలకు సంబంధించి కూడా ఇబ్బందులు వస్తాయి. ఈ సమస్యలను నివారించడానికి, వెంటనే మీ సిమ్ కార్డును మీ ఆధార్ కార్డ్‌తో మీ పేరు మీదకు మార్చుకోవాలని టెలికాం ఆపరేటర్లు సూచిస్తున్నారు.

Phani CH