13 ఏళ్ల బాలికను ముద్దు పెట్టుకున్నాడని కొడుకుతో పాటు తండ్రిని కూడా

×

13 ఏళ్ల బాలికను ముద్దు పెట్టుకున్నాడని కొడుకుతో పాటు తండ్రిని కూడా

సౌత్ కోల్‌కతాలో ఇటీవల చోటు చేసుకున్న ఒక ఘటన దేశవ్యాప్తంగా చర్చనీయాంశంగా మారింది. 13 ఏళ్ల బాలిక, 18 ఏళ్ల బాలుడు ముద్దు పెట్టుకుంటుండగా బాలిక మేనమామ చూశాడు. వెంటనే ఆ బాలుడిని, అతని స్నేహితుడిని కిడ్నాప్ చేసి, ఒక గదిలో బంధించి చిత్రహింసలు పెట్టాడు. ఆ తర్వాత బాలుడి తండ్రిని పిలిపించి, గన్‌తో బెదిరించి, తన కొడుకును స్వయంగా చంపమని లేదా నగ్నంగా రోడ్లపై నడవమని రెండు ప్రత్యామ్నాయాలను ఇచ్చాడు. బయటపడాలనే ఉద్దేశంతో బాలుడి తండ్రి వారి మాటలను అంగీకరించాడు. అనంతరం బాలుడిని, అతని స్నేహితుడిని, బాలుడి తండ్రిని అందరినీ బట్టలు విప్పించి, నగ్నంగా అపార్ట్‌మెంట్ నుంచి బయటకు తీసుకువచ్చి, స్థానిక వీధిలో 50 మీటర్ల దూరం నడిపించారు. ఈ ఘటన అనంతరం బాధితుడు పోలీసులకు ఫిర్యాదు చేశాడు. చట్టాన్ని చేతుల్లోకి తీసుకోవడం నేరమని, ఏమైనా ఫిర్యాదులు ఉంటే పోలీసులకు తెలియజేయాలని పోలీసులు స్పష్టం చేశారు. ప్రస్తుతం నిందితులపై కేసులు నమోదు చేయబడ్డాయి. దర్యాప్తు కొనసాగుతోంది.

Phani CH