దీపావళి పండుగను ఆసరాగా చేసుకొని సైబర్ నేరగాళ్లు సరికొత్త మోసాలకు పాల్పడుతున్నారు. “ప్రధానమంత్రి దీపావళి కానుక రూ.8000” అంటూ వాట్సాప్ ద్వారా నకిలీ సందేశాలను పంపుతున్నారు. ఈ సందేశాలు కేంద్ర ప్రభుత్వం నుండి వచ్చినవి కావు. దీపావళి సందర్భంగా కేంద్ర ప్రభుత్వం రూ.8000 ఇస్తోందని, ఈ పథకం ప్రయోజనం పొందాలంటే లింక్ను క్లిక్ చేయాలని కోరుతూ మోసగాళ్లు వల వేస్తున్నారు. ఇలాంటి లింకులను క్లిక్ చేస్తే మీ వ్యక్తిగత వివరాలు, బ్యాంకింగ్ సమాచారం సైబర్ నేరగాళ్ల చేతిలోకి వెళ్లిపోతాయి. దీనివల్ల మీ బ్యాంక్ ఖాతాలు ఖాళీ అయ్యే ప్రమాదం ఉంది. ఈ విషయమై తెలంగాణ స్టేట్ సైబర్ సెక్యూరిటీ హెచ్చరికలు జారీ చేసింది. ప్రజలు అప్రమత్తంగా ఉండాలని, ఇలాంటి మెసేజ్లను నమ్మవద్దని, ఇతరులకు ఫార్వర్డ్ చేయవద్దని సూచించింది. ఒకవేళ మీరు తెలియక ఈ లింక్లను క్లిక్ చేసి డబ్బులు పోగొట్టుకుంటే, వెంటనే 1930 హెల్ప్లైన్ నంబర్కు కాల్ చేయండి లేదా www.cybercrime.gov.in వెబ్సైట్లో ఫిర్యాదు చేయండి. ఈ ముఖ్యమైన విషయాన్ని మీ స్నేహితులు, కుటుంబ సభ్యులకు తెలియజేసి వారిని కూడా అప్రమత్తం చేయండి.