IT Returns: గడువులోగా ఐటీ రిటర్న్స్ దాఖలు చేయకపోతే చిక్కులు తప్పవు.. ఆన్‌లైన్ లో రిటర్న్స్ ఎలా దాఖలు చేయాలో తెలుసుకోండి

IT Returns: ఆదాయపు పన్ను రిటర్న్స్ దాఖలు చేయడానికి కేంద్ర ప్రభుత్వం గడువును పొడిగించింది. అయితే, మీరు ఆ సమయంలోగా కూడా మీ రిటర్నులను దాఖలు చేయడంలో విఫలమైతే, మీరు ఆలస్యంగా పన్ను రిటర్న్స్ దాఖలు చేయడానికి రూ. 5,000 రుసుము చెల్లించాల్సి ఉంటుంది. ఆర్థిక మంత్రిత్వ శాఖ అందించిన సమాచారం ప్రకారం, పన్ను చెల్లింపుదారుల ద్వారా ITR ని దాఖలు చేయడానికి గడువు తేదీ సెప్టెంబర్ 30, 2021 వరకు పొడిగించడం జరిగింది. అయితే, సెక్షన్ 139 ప్రకారం ఆదాయ వివరాల్ని అందించాల్సిన వ్యక్తి ఆ పని సమయంలోగా పూర్తి చేయలేకపోతే వారు ఆదాయపు పన్ను శాఖ చట్టం ప్రకారం, చెల్లించాల్సిన పన్నుపై వడ్డీని చెల్లించాల్సి ఉంటుంది.

ఇంకా, సెక్షన్ 234 ఎఫ్ ప్రకారం, సెక్షన్ 139 (1) ప్రకారం పేర్కొన్న గడువు తేదీ తర్వాత సమర్పించినట్లయితే ఆలస్యంగా దాఖలు చేసే రుసుము రూ. 5,000 చెల్లించాలి. అయితే వ్యక్తి మొత్తం ఆదాయం రూ. 5 లక్షలు మించకపోతే ఆలస్యంగా దాఖలు చేసే ఫీజు మొత్తం రూ .1,000 చెల్లించాలి.

సెక్షన్ 139 ప్రకారం ఐటిఆర్ దాఖలు చేయాల్సిన అవసరం లేనప్పటికీ, గడువు తేదీ తర్వాత స్వచ్ఛందంగా దాఖలు చేయాల్సిన అవసరం లేనట్లయితే సెక్షన్ 234 ఎఫ్ కింద ఆలస్యంగా దాఖలు చేసే రుసుము విధించడం జరగదు.

ఎలక్ట్రానిక్ పద్ధతిలో ఆదాయ రిటర్న్ ఫైల్ చేయడం ఎలా?

1. ఆదాయ రిటర్న్ ఇ-ఫైలింగ్ కోసం అధికారిక వెబ్‌సైట్ https://www.incometax.gov.in కి వెళ్లండి.

2. యూజర్ ఐడి (పాన్), పాస్‌వర్డ్, క్యాప్చా కోడ్‌ను నమోదు చేయడం ద్వారా ఇ-ఫైలింగ్ పోర్టల్‌కి లాగిన్ అవ్వండి. ‘లాగిన్’ క్లిక్ చేయండి.

3. ‘ఇ-ఫైల్’ మెనుపై క్లిక్ చేయండి. ‘ఆదాయపు పన్ను రిటర్న్’ లింక్‌పై క్లిక్ చేయండి.

4. ఆదాయపు పన్ను రిటర్న్ పేజీలో: PAN ఆటో-పాపులేషన్ చేయబడుతుంది. ‘అసెస్‌మెంట్ ఇయర్’ ఎంచుకోండి, ‘ITR ఫారం నంబర్’ ఎంచుకోండి, ‘ఒరిజినల్/రివైజ్డ్ రిటర్న్’ గా ‘ఫైలింగ్ టైప్’ ఎంచుకోండి, ‘ఆన్‌లైన్‌లో ప్రిపేర్ చేయండి. సబ్మిట్ చేయండి’ గా ‘సబ్మిషన్ మోడ్’ ఎంచుకోండి.

5. కొనసాగించుపై క్లిక్ చేయండి.

6. సూచనలను జాగ్రత్తగా చదవండి. ఆన్‌లైన్ ITR ఫారమ్‌లోని అన్ని వర్తించే, తప్పనిసరి ఫీల్డ్‌లను పూరించండి.

7. ‘పన్నులు చెల్లించిన..ధృవీకరణ’ ట్యాబ్‌లో తగిన ధృవీకరణ ఎంపికను ఎంచుకోండి.

8. ‘ప్రివ్యూ మరియు సమర్పించు’ బటన్‌పై క్లిక్ చేయండి, ITR లో నమోదు చేసిన మొత్తం డేటాను ధృవీకరించండి.

9. ITR ని ‘సమర్పించండి’.

Also Read: BH Series Registration: వాహనాల తాజా రిజిస్ట్రేషన్ విధానం బీహెచ్ సిరీస్ ఏమిటి? దాని గురించి పూర్తిగా తెల్సుకుందాం..

Indian Currency: మన రూపాయి నోట్లు ఎవరు ముద్రిస్తారో తెలుసా? భారత కరెన్సీ సెక్యూరిటీ ఫీచర్లు ఎలా ఉంటాయంటే..