Indigo Sweet 16: విమాన ప్రయాణికులకు ఇండిగో బంపరాఫర్‌.. రూ. 1600కే ఫ్లైట్‌ జర్నీ చేసే అవకాశం..
Indigo Sweet 16: ప్రముఖ విమానయాన సంస్థ ఇండిగో ప్రారంభమై 16 ఏళ్లు గడుస్తోంది. ఈ సందర్భంగా ఇండిగో తమ ప్రయాణికుల కోసం ఓ బంపరాఫర్‌ను ప్రకటించింది. 'స్వీట్‌ 16'పేరుతో తీసుకొచ్చిన ఈ ఆఫర్‌తో..
Updated on: Aug 03, 2022 | 5:27 PM
Indigo Sweet 16: ప్రముఖ విమానయాన సంస్థ ఇండిగో ప్రారంభమై 16 ఏళ్లు గడుస్తోంది. ఈ సందర్భంగా ఇండిగో తమ ప్రయాణికుల కోసం ఓ బంపరాఫర్‌ను ప్రకటించింది. ‘స్వీట్‌ 16’పేరుతో తీసుకొచ్చిన ఈ ఆఫర్‌తో ప్రయాణికులు తక్కువ ధరకే ప్రయాణం చేయొచ్చు. అన్ని దేశీయ విమాన సర్వీసులకు ఈ ఆఫర్‌ వర్తిస్తుంది. ఆఫర్‌లో భాగంగా కేవలం రూ. 1616కే విమానంలో ప్రయాణించే అవకాశాన్ని కల్పించింది. ఈ ఆఫర్‌ కింద వినియోగదారులు ఆగస్టు 3 నుంచి 5వ తేదీ వరకు టికెట్స్‌ బుక్‌ చేసుకోవచ్చని కంపెనీ తెలిపింది.
ఇప్పుడు టికెట్ కొనుగోలు చేసిన వారు 18-08-2022 నుంచి 16-07-2023 మధ్య ఎప్పుడైనా ప్రయాణం చేయొచ్చు. ఎప్పుడు ప్రయాణం చేయాలనుకుంటున్నారో టికెట్ బుకింగ్‌ చేసే సమయంలో ఎంచుకోవాల్సి ఉంటుంది. అయితే గ్రూప్‌ టికెట్స్‌పై, ఇతర ఆఫర్లతో కలుపుతూ రూ. 1616 ఆఫర్‌ వర్తించదని ఇండిగో సంస్థ తెలపింది. వార్షికోత్సవ ఆఫర్‌ను ఇండిగో సంస్థ ట్విట్టర్‌ వేదికగా పంచుకుంది.
Our #Sweet16 is here and we’ve got a sweet deal for you. ??
Book your flights with fares starting at ₹1,616*. Don’t wait up, offer only valid till 5th August, 2022 for travel between 18th August, 2022 and 16th July, 2023. https://t.co/ViwbeYHuhQ#6ETurns16 #LetsIndiGo pic.twitter.com/CsekvQJtsx
— IndiGo (@IndiGo6E) August 3, 2022
ఇదిలా ఉంటే దీంతో పాటు ఇండిగో మరో ఆఫర్‌ను ప్రకటించింది. హెచ్‌ఎస్‌బీసీ క్రెడిట్‌ కార్డుతో టికెట్ బుక్‌ చేసుకునే వారికి రూ. 800 వరకు క్యాష్‌బ్యాక్‌ను అందించనుంది. కనీసం రూ. 3500 బుకింగ్‌పై ఈ ఆఫర్‌ వర్తిస్తుంది. ఆగస్టు 3 నుంచి 8వ తేదీ వరకు టికెట్ బుక్‌ చేసిన వారకి మాత్రమే ఈ ఆఫర్‌ వర్తిస్తుంది.
మరిన్ని బిజినెస్ వార్తల కోసం క్లిక్ చేయండి..
