Service Sector: దేశంలో వేగంగా అభివృద్ధి చెందుతున్న సేవా రంగం.. మేలో రికార్డ్‌స్థాయిలో వృద్ధి..

దేశంలో సేవా రంగం వేగంగా అభివృద్ధి చెందుతుంది. భారతదేశ సేవా రంగం 11 సంవత్సరాలలో అత్యంత వేగంగా అభివృద్ధి చెందింది. ద్రవ్యోల్బణం పెరిగినప్పటికీ , మంచి డిమాండ్ కారణంగా మే నెలలో సేవా రంగానికి సంబంధించిన PMI సూచిక వార్షిక ప్రాతిపదికన 58.9 వద్ద ఉంది. ఏప్రిల్‌లో ఈ వృద్ధి 57.9గా ఉంది. ఏప్రిల్ 2011 తర్వాత ఇదే అత్యంత వేగవంతమైన వృద్ధి. రాయిటర్స్ సర్వేలో మే నెలలో సేవా రంగానికి చెందిన PMI ఇండెక్స్ 57.5గా ఉండవచ్చని అంచనా వేశారు. భారతదేశ ఆర్థిక వ్యవస్థకు సేవా రంగం భారీ సహకారం అందిస్తోంది. దేశ జీడీపీలో సేవా రంగం సహకారం 50 శాతానికి పైగా ఉంది. భారతదేశంలో అత్యధిక విదేశీ ప్రత్యక్ష పెట్టుబడులు సేవా రంగంలోనే ఉన్నాయి. భారతదేశం సేవా రంగంలో కూడా పెద్ద ఎత్తున ఎగుమతులు చేస్తుంది. PMI సూచిక 50 కంటే ఎక్కువ ఉంటే అది వృద్ధిగా పరిగణిస్తారు. అంతకంటే తక్కువగా ఉంటే క్షీణతగా పరిగణిస్తారు. సేవా రంగానికి సంబంధించిన PMI ఇండెక్స్ 50 కంటే ఎక్కువగా ఉండడం వరుసగా పదవ నెల.

ద్రవ్యోల్బణం తీవ్రమైన సమస్య అని, దీని కారణంగా కంపెనీల ఇన్‌పుట్ కాస్ట్ పెరిగిందని ఎస్‌అండ్‌పి గ్లోబల్ మార్కెట్స్ అసోసియేట్ డైరెక్టర్ పౌలియానా డి లిమా అన్నారు. కంపెనీల ముందు ద్రవ్యోల్బణం పెద్ద ఆందోళనగా మారింది. అయితే కొన్ని కంపెనీలు దీనిని సీరియస్‌గా పరిగణించడం లేదు. పెరుగుతున్న ఇన్‌పుట్ ధర కారణంగా, కంపెనీలు తమ తుది ఉత్పత్తుల ధరలను పెంచుతున్నాయి. అయితే, దీని కారణంగా, వారి సంపాదన దెబ్బతింటుందని భావిస్తున్నారు. మార్చి త్రైమాసికంలో భారత ఆర్థిక వ్యవస్థ వృద్ధి రేటు 4.1 శాతంగా ఉంది. ఇదిలా ఉండగా మే నెలలో తయారీ రంగంలో స్థిరమైన వృద్ధి ఉంది. ద్రవ్యోల్బణం మధ్య ఉత్పత్తుల ధరలు పెరిగినప్పటికీ ఈ రంగంలో రికవరీ ఉందని సూచిస్తుంది.