ఇది సార్ మందుబాబుల సత్తా! ఒకేసారి 20 దేశాలను బీట్ చేసి.. వరల్డ్ నెం.1గా భారత్
ప్రపంచంలో అత్యధిక ఆల్కహాల్ వినియోగ వృద్ధిని భారత్ నమోదు చేసింది. జనవరి-జూన్ 2025లో మొత్తం పానీయాల ఆల్కహాల్ (TBA) 7 శాతం పెరిగింది. భారతీయ విస్కీ తన ఆధిపత్యాన్ని కొనసాగించగా, వోడ్కా, రమ్ కూడా వృద్ధి చెందాయి. 2027 నాటికి ప్రపంచంలోనే 5వ అతిపెద్ద ఆల్కహాల్ మార్కెట్గా భారత్ అవతరించనుంది.
Updated on: Nov 07, 2025 | 6:32 AM
ప్రపంచంలోనే నంబర్ వన్ ఆల్కహాల్ వినియోగం కలిగిన దేశంగా భారత్ నిలిచింది. గ్లోబల్ ఆల్కహాల్ రీసెర్చ్ సంస్థ IWSR ఈ విషయాన్ని వెల్లడించింది. నివేదిక ప్రకారం.. ప్రపంచంలోని 20 ప్రధాన మార్కెట్లలో భారత్ వరుసగా మూడవ అర్ధ సంవత్సరంలో మొత్తం పానీయాల ఆల్కహాల్ (TBA) వినియోగంలో అత్యధిక వృద్ధిని నమోదు చేసింది. IWSR నుండి తాజా అర్ధ-వార్షిక డేటా ప్రకారం.. భారత్లో TBA వాల్యూమ్లు జనవరి-జూన్ 2025 కాలంలో సంవత్సరానికి 7 శాతం పెరిగి 440 మిలియన్ 9-లీటర్ కేసులను అధిగమించాయి. IWSR ప్రామాణిక కొలత, 9-లీటర్ కేసు, 12 ప్రామాణిక 750 ml బాటిళ్లకు సమానం. స్పిరిట్స్ రంగంలో భారతీయ విస్కీ తన మార్కెట్ ఆధిపత్యాన్ని కొనసాగించింది. 7 శాతం వృద్ధి చెంది 130 మిలియన్ 9-లీటర్ కేసులను చేరుకుంది. అదే కాలంలో వోడ్కా 10 శాతం, రమ్ 2 శాతం, జిన్, జెనెవర్ 3 శాతం పెరిగాయి.
20 దేశాలను వెనక్కినెట్టి..
IWSRలో ఆసియా-పసిఫిక్ పరిశోధనా అధిపతి సారా కాంప్బెల్ మాట్లడుతూ.. మెరుగైన నాణ్యత, పెరుగుతున్న వినియోగదారుల స్థావరం, అనుకూలమైన ఆర్థిక పరిస్థితుల కారణంగా భారత్లో స్పిరిట్స్ విభాగానికి భారతీయ విస్కీ ఒక ప్రధాన వృద్ధి ఇంజిన్గా ఉందని చెప్పినట్లు చెప్పారు. అధిక స్థాయిలో ప్రామాణిక ధరల శ్రేణిలో ఉన్న స్పిరిట్లు ప్రీమియం స్పిరిట్లను అధిగమిస్తున్నాయి, ఇది దేశీయ డిస్టిలర్లలో మెరుగైన నాణ్యతను ప్రతిబింబిస్తుంది. చైనా, US, బ్రెజిల్, రష్యా, మెక్సికో, జర్మనీ, జపాన్, UK, స్పెయిన్, దక్షిణాఫ్రికా, ఇటలీ, ఫ్రాన్స్, పోలాండ్, ఫిలిప్పీన్స్, థాయిలాండ్, ఆస్ట్రేలియా, కెనడా, కొలంబియా మరియు నెదర్లాండ్స్తో సహా IWSR ట్రాక్ చేసిన 20 ప్రపంచ మార్కెట్లలో TBA వాల్యూమ్లో శాతం పెరుగుదలపై భారత్ ర్యాంకింగ్ ఆధారపడి ఉంటుంది.
5వ అతిపెద్ద ఆల్కహాల్ మార్కెట్గా..
IWSR దీర్ఘకాలిక అంచనా ప్రకారం.. భారత్ వాల్యూమ్ పరంగా ప్రపంచవ్యాప్తంగా 5వ అతిపెద్ద ఆల్కహాల్ మార్కెట్గా అవతరించే దిశగా పయనిస్తోంది, 2027 నాటికి జపాన్ను, 2033 నాటికి జర్మనీని అధిగమిస్తుందని అంచనా. చైనా, అమెరికా, బ్రెజిల్, మెక్సికో ఆధిక్యంలో ఉంటాయని అంచనా వేయబడిన నాలుగు మార్కెట్లు. భారతదేశంలో ప్రీమియం, అంతకంటే ఎక్కువ ఆల్కహాల్ వర్గాలు కూడా మొత్తం వృద్ధిని అధిగమించాయి, 2025 మొదటి అర్ధభాగంలో వాల్యూమ్, విలువ రెండింటిలోనూ 8 శాతం పెరిగాయి. కీలక విభాగాలలో రెడీ-టు-డ్రింక్ పానీయాలు 11 శాతం, బీర్ 7 శాతం, స్పిరిట్స్ 6 శాతం పెరిగాయి. వైన్ వృద్ధి స్థిరంగా ఉంది.
మరిన్ని బిజినెస్ వార్తల కోసం ఇక్కడ క్లిక్ చేయండి
