How to Become Rich: కోటీశ్వరులు కావాలని ఉందా.. ఈ ఫార్ములా మీ కోసమే.. ఇలా చేయండి చాలు..

చిన్న చిన్న ఉద్యోగాలు చేసే వ్యక్తి నేటి కాలంలో కోటీశ్వరుడు కాగలడా..? బహుశా మీ సమాధానం.. ఇది సాధ్యం కాదు అని.. అయితే ఇది కష్టం కాదని చెబితే మీ సమాధానం ఏంటి.. మీరు ఖచ్చితంగా ఆశ్చర్యపోతారు. అవుంను సామాన్యుడు కూడా కోట్లకు పడగలెత్తవచ్చు. అవును ఇది నిజంగా నిజం.. నిజానికి.. మీరు కోటీశ్వరులు కావాలని నిర్ణయించుకుంటే.. మీరు లక్ష్యాన్ని నిర్ణయించుకోండి. దీనికి రాకెట్ సైన్స్ అవసరం లేదు. లక్ష్యం మాత్రమే అవసరం.

మిలియనీర్ కావాలంటే సంకల్ప శక్తి కంటే మీ జేబులో ఎక్కువ డబ్బు ఉండాలి మనతో చాలా మంది అంటారు. వెంటనే ఆ ఆలోచనను పక్కన పెట్టండి. ఈ ప్రత్యేక ఫార్ములా ప్రకారం ఎవరైనా కోటీశ్వరులు కావచ్చు. ఆదాయం తక్కువైనా.. ఎక్కువైనా.. చాలా సార్లు, ఎక్కువ జీతాలు ఉన్నవారు ఆలోచిస్తూ కూర్చుంటారు. తక్కువ జీతాలు ఉన్నవారు తమ ఆర్థిక లక్ష్యాలను సాధిస్తారు. ఒక వీధి వ్యాపారి కోటీశ్వరుడు ఎలా అవుతాడు.. అనే ప్రశ్న కూడా మీ మనస్సులో ఉంటే.. దానికి సమాధానం క్రింద దొరుకుతుంది. వదలిపెట్టకుండా చదవండి..

1. ఎవరు లక్షాధికారి కాగలరు?

సమాధానం ఏంటంటే.. ప్రతి ఒక్కరూ కోటీశ్వరులు కాగలరు. మిలియనీర్ కావడానికి.. సంపాదించడం పెద్దగా పట్టింపు లేదు. సరిగ్గా పెట్టుబడి పెట్టడం ద్వారా మాత్రమే మీరు మీ ఆర్థిక లక్ష్యాలను సాధించగలరు. పెట్టుబడి ప్రారంభించడానికి పెద్ద మొత్తం అవసరం లేదు. మీరు తక్కువ మొత్తంతో పెట్టుబడిని ప్రారంభించవచ్చు. సరైన దిశలో, పెట్టుబడి దీర్ఘకాలం కొనసాగాలి…

2. రోజూ రూ. 10 నుంచి రూ. 20 పొదుపు..

రోజూ 10-20 రూపాయలు పొదుపు చేయడం ద్వారా ఎవరైనా కోటీశ్వరులు కావచ్చు. దీని కోసం దీర్ఘకాలిక పెట్టుబడి మాత్రమే అవసరం. రోజూ రూ.10 పొదుపు చేస్తే నెలలో రూ.300 అవుతుంది. మ్యూచువల్ ఫండ్‌లో SIP చేయండి. మీరు 35 సంవత్సరాల పాటు ప్రతి నెలా రూ. 300 SIP చేసి, దానిపై 18% రాబడిని పొందినట్లయితే.. 35 సంవత్సరాల తర్వాత మీరు మొత్తం రూ. 1.1 కోట్ల రాబడిని పొందుతారు.

3. నెలకు రూ. 20-25 వేలు సంపాదించే ఎవరైనా..

ఖచ్చితంగా.. నెలకు రూ. 20 నుంచి 25 వేలు సంపాదించేవారు కూడా కోటీశ్వరులు కావచ్చు. ఇందుకోసం మ్యూచువల్ ఫండ్‌లో పెట్టుబడి పెట్టడానికి పెద్ద మొత్తం అవసరం లేదు. మీరు నెలకు రూ. 500తో ప్రారంభించవచ్చు. ప్రతి నెలా రూ.1,000-2,000 పొదుపు చేయడం పెద్ద విషయం కాదు. నెలకు రూ.20 నుంచి 25 వేలు సంపాదించే వ్యక్తులు ఎక్కువ కాలం పెట్టుబడి పెట్టడం ద్వారా సులభంగా కోటీశ్వరులవుతారు. దీని కోసం, మీరు ప్రతి నెలా SIP కొనసాగించాలి.. ఆపై జీతం పెరిగేకొద్దీ పెట్టుబడిని పెంచండి.. ప్రారంభంలో మీ ఆదాయంలో 20% పెట్టుబడి పెట్టండి.

4. మిలియనీర్ కావడానికి ఏ వయసులో పెట్టుబడి పెట్టాలి?

సమయం ఎవరి కోసం ఎదురుచూడదు. అందుకే ‘నిద్ర పోవడం.. నిద్రలేవడం…’ అయితే ఎంత త్వరగా జరిగిపోతుందో అంతే అంత త్వరగా సమయం గడిచిపోతుంది. పెట్టుబడిని ప్రారంభిస్తే లక్ష్యం అంత సులువవుతుందనేది కూడా పూర్తి నిజం. మీరు మ్యూచువల్ ఫండ్‌లలో SIP ద్వారా పెద్ద లక్ష్యాలను సాధించవచ్చు. 20 ఏళ్ల యువకుడు రోజూ రూ. 30 SIP చేయగలిగితే.. అతను పదవీ విరమణ సమయంలో అంటే 60 ఏళ్ల తర్వాత 12 శాతం వడ్డీతో రూ. 1.07 కోట్లు మూటగట్టుకోవచ్చు. ఈ కాలంలో రూ.4,32,000 పెట్టుబడి పెట్టాల్సి ఉంటుంది. రాబడి 15% అయితే, మీరు పొందే మొత్తం రూ. 2.82 కోట్లు.

5. వయసు 40 దాటితే కోటీశ్వరుడు ఎలా అవుతాడు?

ఈ ప్రశ్నకు కూడా మా వద్ద సమాధానం ఉంది. మీ వయస్సు 40 దాటినప్పటికీ.. మీరు 60 సంవత్సరాల వయస్సులోపు మీ కోసం రూ. 1 కోటి నిధిని సేకరించవచ్చు. దీని కోసం మీరు మిగిలిన 20 సంవత్సరాలలో ప్రతి నెలా కొంచెం ఎక్కువ పెట్టుబడి పెట్టవలసి ఉంటుంది. మీరు ప్రతి నెలా రూ. 10 వేలు SIP చేస్తే.. 60 ఏళ్ల వయస్సులో.. 12 శాతం రాబడితో.. మీరు సుమారు రూ. 1 కోటి (99.91 లక్షలు) పొందుతారు. 15% వడ్డీ లభిస్తే రూ.1.5 కోట్లు కూడా సమీకరించవచ్చు.

6. కేవలం 10 నుండి 15 సంవత్సరాలలో మిలియనీర్ అవ్వడం ఎలా?

10 నుండి 15 సంవత్సరాలలో మిలియనీర్ అవ్వాలంటే.. మీరు ప్రతి నెలా పెట్టుబడి డబ్బును పెంచుకోవాలి. SIP కాలిక్యులేటర్ ప్రకారం.. 15 సంవత్సరాలలో మిలియనీర్ కావడానికి… మీరు ప్రతి నెలా కనీసం రూ. 15 వేలు SIP చేయాలి.  మీరు దానిపై కనీసం 15 శాతం వడ్డీని పొందవచ్చు. అయితే, 10 సంవత్సరాలలో రూ. 1 కోటి సేకరించడానికి.. ప్రతి నెలా కనీసం రూ. 35,000 SIP చేయాల్సి ఉంటుంది, ఇది కొంచెం కష్టం.. అయినా కోటీశ్వరులు కావాలనే లక్ష్యం ఉంటే ఇది పెద్ద సమస్య కాదు.

7. మ్యూచువల్ ఫండ్స్‌లో పెట్టుబడి పెట్టడం ద్వారా ఎవరైనా మిలియనీర్ కాగలరా?

గత రెండు దశాబ్దాలలో, మ్యూచువల్ ఫండ్స్ పెట్టుబడిదారులకు మంచి రాబడిని ఇచ్చాయి. ఈక్విటీలో నేరుగా ఇన్వెస్ట్ చేయడం ద్వారా ఇంతకంటే ఎక్కువ ఆశించడం సాధ్యమవుతుంది. కానీ రిస్క్ ఎక్కువగా ఉంటుంది. షేర్ మార్కెట్లో పెట్టుబడి పెట్టడానికి అనుభవం అవసరం. మ్యూచువల్ ఫండ్లలో SIP చేయడం అందరికీ సులభం.. ఇక్కడ పెట్టుబడి కోసం భారీ మొత్తం అవసరం లేదు. మీరు నెలకు కేవలం రూ.500తో పెట్టుబడిని ప్రారంభించవచ్చు. ఆపై ఆదాయం పెరిగే కొద్దీ పెట్టుబడిని పెంచుకోవచ్చు.

(నోటు: మ్యూచువల్ ఫండ్స్‌లో ఇన్వెస్ట్ చేయడం కూడా స్టాక్ మార్కెట్‌కు లోబడి ఉంటుంది. ఇందులో కూడా రిస్క్ ఉంటుంది. అందుకే వార్తల ఆధారంగా పెట్టుబడి పెట్టకండి. ఎక్కడైనా పెట్టుబడి పెట్టే ముందు కచ్చితంగా ఆర్థిక సలహాదారుని సహాయం తీసుకోండి. టీవీ9 ఎలాంటి బాధ్యత వహించదు)

మరిన్ని బిజినెస్ న్యూస్ కోసం