Sukanya Samriddhi Yojana: ఆ పథకంలో పెట్టుబడితో ఆడబిడ్డకు ఆర్థిక భరోసా.. పెట్టుబడికి ఆ ప్రూఫ్స్ మస్ట్
భారతదేశంలో ఇటీవల కాలంలో ఆడపిల్లలు అన్నింటా పోటీపడుతున్నారు. అయితే ఇప్పటికీ గ్రామాల్లో ఆడపిల్ల అంటే చిన్నచూపు అలానే ఉంటుంది. ఈ నేపథ్యంలో కేంద్ర ప్రభుత్వం ఆడపిల్లల ఆర్థిక భరోసా కల్పించేలా ఆడబిడ్డలు ఉన్న తల్లిదండ్రులు పొదుపు చేసేలా సుకన్య సమృద్ధి యోజన పథకం అందుబాటులోకి తీసుకొచ్చింది. పదేళ్లలోపు ఆడపిల్లలు ఉన్న కుటుంబాలు సుకన్య సమృద్ధి యోజన ఖాతాల్లో పెట్టుబడికి ఇష్టపడుతున్నారు.
Updated on: Aug 19, 2024 | 7:30 AM
భారతదేశంలో ఇటీవల కాలంలో ఆడపిల్లలు అన్నింటా పోటీపడుతున్నారు. అయితే ఇప్పటికీ గ్రామాల్లో ఆడపిల్ల అంటే చిన్నచూపు అలానే ఉంటుంది. ఈ నేపథ్యంలో కేంద్ర ప్రభుత్వం ఆడపిల్లల ఆర్థిక భరోసా కల్పించేలా ఆడబిడ్డలు ఉన్న తల్లిదండ్రులు పొదుపు చేసేలా సుకన్య సమృద్ధి యోజన పథకం అందుబాటులోకి తీసుకొచ్చింది. పదేళ్లలోపు ఆడపిల్లలు ఉన్న కుటుంబాలు సుకన్య సమృద్ధి యోజన ఖాతాల్లో పెట్టుబడికి ఇష్టపడుతున్నారు. సుకన్య సమృద్ధి యోజన సాపేక్షంగా అధిక వడ్డీ రేటు అందిస్తుంది. ముఖ్యంగా ఆడబిడ్డ విద్య, వివాహం కోసం ఉపయోగించేలా పెద్ద మొత్తంలో సొమ్ము పొదుపు చేయవచ్చుు. ఈ నేపథ్యంలో సుకన్య సమృద్ధి యోజన పథకం ద్వారా కలిగే లాభాలతో పాటు ఆ ఖాతా తీసుకోవాలంటే అవసరమైన పత్రాల గురించి మరిన్ని వివరాలను తెలుసుకుందాం.
ఆదాయపు పన్ను చట్టం 1961లోని సెక్షన్ 80సీ కింద సుకన్య సమృద్ధి యోజన పథకంపై వచ్చే రాబడిపౌ పన్ను రహిత మెచ్యూరిటీ, మినహాయింపును పొదవచ్చు. ఏ బ్యాంకులో లేదా పోస్టాఫీసు శాఖలో ఈ ఖాతాను తెరవవచ్చు. ప్రస్తుతం సుకన్య సమృద్ధి యోజన 8.2 శాతం వడ్డీ రేటును అందిస్తుంది. సుకన్య సమృద్ధి యోజన ఖాతాను పది సంవత్సరాల కంటే తక్కువ వయస్సు ఉన్న ఆడపిల్లల తల్లిదండ్రులు లేదా చట్టపరమైన సంరక్షకులు మాత్రమే తెరవగలరు. ఒక కుటుంబానికి గరిష్టంగా రెండు ఖాతాలు అనుమతిస్తారు. రెండోసారి జన్మించిన కవలలకు మినహాయింపు ఉంటుంది. మూడో ఖాతా కోసం అనుమతి ఉంటుంది. ఈ పథకంలో ఏడాదికి కనిష్టంగా రూ.250, గరిష్టంగా రూ.1.5 లక్షలతో ఎస్ఎస్వై ఖాతాకు డిపాజిట్లు చేయవచ్చు. ఖాతా తెరిచిన తేదీ నుంచి 21 సంవత్సరాలు లేదా అమ్మాయికి 18 సంవత్సరాలు నిండిన తర్వాత వివాహ సమయంలో ఖాతా మెచ్యూరిటీ ప్రయోజనాలను పొందవచ్చు.
సుకన్య సమృద్ధి యోజన కోసం అవసరమైన పత్రాలు
- ఎస్ఎస్వై అప్లికేషన్
- జనన ధృవీకరణ పత్రం
- తల్లిదండ్రుల చిరునామా, ఐడీ రుజువులు
- ఎస్ఎస్వై ఖాతా ప్రారంభ ఫారమ్ను పూరించిన తర్వాత అవసరమైన పత్రాలు, ఫోటోగ్రాఫ్లతో పాటు, అది రూ.250 నుంచి రూ.1.5 లక్షల వరకు ఉండే ప్రాథమిక చెల్లింపు ద్వారా ఖాతాను తెరవచ్చు.
- ఖాతా తెరవడం పూర్తయిన తర్వాత ఆన్లైన్ బ్యాంకింగ్ ఉపయోగించి డిపాజిట్లు చేయవచ్చు.
- వార్షిక డిపాజిట్లు చేయడంలో వైఫల్యం ఖాతా డిఫాల్ట్ కింద ఖాతాగా ఉంటుంది. అందువల్ల ఖాతా తెరిచినప్పటి నుంచి 15 సంవత్సరాల వరకు డిపాజిట్ చేయని ప్రతి సంవత్సరానికి రూ. 50 జరిమానా చెల్లించి తిరిగి యాక్టివేట్ చేసుకోవచ్చు.
మరిన్ని బిజినెస్ వార్తల కోసం క్లిక్ చేయండి..
