కొత్త ఎలక్ట్రిక్‌ స్కూటర్‌ని ప్రారంభించిన EeVe ఇండియా.. సింగిల్ ఛార్జీతో 120KM.. ధర, పీచర్లు ఎలా ఉన్నాయంటే..

EeVe: భారతదేశంలో టూ వీలర్ సెగ్మెంట్ చాలా పెద్దది. గత ఏడాది కాలంలో ఎలక్ట్రిక్ సెగ్మెంట్ వేగంగా విస్తరిస్తోంది. ఈ విభాగంలో మరో భారతీయ కంపెనీ EeVe ఇండియా కూడా చేరింది. తన ద్విచక్ర వాహనాన్ని ప్రకటించింది. వచ్చే ఐదేళ్లలో 10 శాతం మార్కెట్ వాటాను స్వాధీనం చేసుకోవాలని లక్ష్యంగా పెట్టుకుంది. ఈ స్కూటర్‌ ఒక్కసారి ఛార్జ్ చేస్తే120కిమీల రేంజ్ ఇస్తుందని కంపెనీ పేర్కొంది. భారతీయ కంపెనీ ఈ సోల్ EV ధరను భారతీయ మార్కెట్లో రూ. 1,39,000 వేలు (ఆన్ రోడ్)గా నిర్ణయించింది.

అయితే ఇతర బైక్‌ల మాదిరిగానే దీనిపై ఈఎంఐ అందుబాటులో ఉంటుంది. అనేక రాష్ట్ర ప్రభుత్వాలు EVపై సబ్సిడీని కూడా ఇస్తున్నాయి. ఛార్జింగ్ కెపాసిటీ గురించి చెప్పాలంటే 100% ఛార్జ్ కావడానికి 3-4 గంటలు పడుతుంది. దీని గరిష్ట వేగం గంటకు 60 కిలోమీటర్లు. ఇండియాలో తొలిసారిగా హై క్లాస్ యూరోపియన్ టెక్నాలజీతో తయారైన స్కూటర్లను విడుదల చేస్తున్నారు. ఇది గొప్ప డ్రైవింగ్ అనుభవాన్ని అందిస్తుంది. దేశ భవిష్యత్తును దృష్టిలో ఉంచుకుని ఈవీ కంపెనీ హైస్పీడ్ ఎలక్ట్రిక్ వెహికల్ విభాగంలోకి ప్రవేశించింది.

సోల్ EV ఫీచర్స్ సోల్ EV ఫీచర్ల గురించి మాట్లాడుతూ ఇందులో యాంటీ థెఫ్ట్ లాక్ సిస్టమ్, GPS నావిగేషన్, USB పోర్ట్, కీలెస్ అనుభవం, క్రూయిజ్ కంట్రోల్, రివర్స్ మోడ్, సెంట్రల్ బ్రేకింగ్ సిస్టమ్, జియో ట్యాగింగ్, జియో ఫెన్సింగ్ ఉన్నాయి. ఇది పూర్తిగా లోడ్ చేయబడిన IoT ఎక్విప్డ్ స్కూటర్. ఈ స్కూటర్ ఒక అధునాతన లిథియం ఫెర్రస్ ఫాస్ఫేట్ (LFP) బ్యాటరీతో శక్తిని పొందుతుంది. దీనిని తొలగించలేరు. ఈ వాహనంపై మూడేళ్ల వారంటీ అందుబాటులో ఉంటుంది.

Indian Railways: ఏసీ కోచ్‌లు రైలు మధ్యలో.. అదే జనరల్‌ బోగీలు ముందు లేదా వెనకాల.. కారణం ఏంటో తెలుసా..?

పాడి పరిశ్రమ కోసం స్టార్టప్ పోటీలు.. గెలిచిన వారికి 10 లక్షలు.. రన్నరప్‌కి 7లక్షలు..

ఇంటర్‌ తర్వాత ఈ కోర్సు చేస్తే త్వరగా జాబ్‌.. ప్రభుత్వ, ప్రైవేట్‌ రంగంలో మెరుగైన అవకాశాలు..