Google Pixel 9a: గూగుల్ పిక్సెల్ నయా ఫోన్ వివరాల లీక్.. ప్రధాన మార్పులు ఏంటంటే?

Google Pixel 9a

గూగుల్‌కు సంబంధించిన రాబోయే మిడ్ రేంజ్ స్మార్ట్‌ఫోన్ పిక్సెల్ 9ఏ త్వరలో లాంచ్ చేస్తారనే విషయంలో టెక్ రంగంలో చాలా మంది తెలుసు. ఈ నేపథ్యంలో ఈ వార్తలను నిజం చేస్తూ గూగుల్ పిక్సెల్ 9ఏను సూచించే సర్టిఫికేషన్ ఇటీవల ఓ వెబ్‌సైట్‌లో ప్రత్యక్షమైంది. ఈ ఫోన్ ఆండ్రాయిడ్ 15, గూగుల్‌కు సంబంధించిన ఇన్-హౌస్ టెన్సర్ జీ4 ప్రాసెసర్‌తో ప్రారంభించే అవకాశం ఉందని భావిస్తున్నారు. లీక్‌లు నిజమైతే పిక్సెల్ 9ఏ గూగుల్ ఐ/ఓ 2025 కంటే ముందే లాంచ్ అయ్యే అవకాశం ఉంది. ఈ ఫోన్ పిక్సెల్ ఏ-సిరీస్ లైనప్‌లోని తొలిసారి రిలీజయ్యే ఒకటిగా మారుతుంది. ఇటీవల వచ్చిన ఓ టెక్ నివేదిక ప్రకారం గూగుల్ పిక్సెల్ 9ఏ ఫోన్ ఈఎంవీ సీఓ సర్టిఫికేషన్ వెబ్‌సైట్‌లో కనిపించింది. అధికారిక పేరు స్పష్టంగా ప్రస్తావించకపోయినా ఈ స్మార్ట్‌ఫోన్ మోడల్ నంబర్ జీటీఎఫ్7పీని కలిగి ఉందని జాబితా వెల్లడిస్తుంది.

అయితే ఈ జాబితా ప్రకారం పిక్సెల్ 9ఏ ఆండ్రాయిడ్ 15 తో అవుట్-ఆఫ్-ది-బాక్స్ తో లాంచ్ అవుతుందని సూచిస్తుంది. ఇది మేలో గూగుల్‌కు సంబంధించిన వార్షిక ఐ/ఓ ఈవెంట్ కంటే ముందు మార్చి 2025 లాంచ్ అయ్యే అవకాశం ఉందని తెలుస్తుంది. డిసెంబర్ 2024 నుంచి వచ్చిన లీక్‌లకు అనుగుణంగా గూగుల్ పిక్సెల్ 9ఏకు అనేక ప్రీమియం అప్‌గ్రేడ్‌లను తీసుకువస్తుందని అంచనా వేస్తున్నారు. ఈ ఫీచర్స్ వల్ల ఈ ఫోన్ మిడిల్-రేంజ్ విభాగంలో బలమైన పోటీదారుగా మారుతుంది.

గూగుల్ పిక్సెల్ 9ఏ ఫీచర్స్ ఇవే

• 6.3 అంగుళాల యాక్టువా డిస్‌ప్లే, 2,700 నిట్స్ పీక్ బ్రైట్‌నెస్, గొరిల్లా గ్లాస్ 3 ప్రొటెక్షన్.
• గూగుల్ టెన్సర్ జీ4 చిప్‌సెట్, 8జీబీ + 256 జీబీ వేరియంట్‌లో అందుబాటులో ఉంటుంది.
• బ్యాక్ సైడ్ 48 ఎంపీ ప్రైమరీ సెన్సార్, 13 ఎంపీ అల్ట్రావైడ్ కెమెరా, సెల్ఫీల కోసం 13 ఎంపీ కెమెరా
• 5,100 ఎంఏహెచ్ బ్యాటరీతో 23 వాట్స్ వైర్డ్ ఛార్జింగ్, 7.5 వాట్స్ వైర్‌లెస్ ఛార్జింగ్.
• దుమ్ము, నీటి నిరోధకత కోసం ఐపీ 68 రేటింగ్.
• భద్రత విషయానికి వస్తే ఇన్-డిస్ప్లే ఫింగర్ ప్రింట్ స్కానర్‌తో ఆకట్టుకుంటుంది. 

మరిన్ని బిజినెస్ వార్తల కోసం క్లిక్ చేయండి..