Bank Cheque Bounce: మీరు చెక్కు ద్వారా చెల్లింపులు చేస్తున్నారా..? ఇవి గుర్తించుకోండి.. లేకపోతే భారీ నష్టం
మీరు ఎవరికైనా చెల్లించడానికి చెక్కును ఉపయోగిస్తే అనేక విషయాలపై శ్రద్ధ వహించడం చాలా ముఖ్యం. లేదంటే చెక్ బౌన్స్ అయితే భారీ జరిమానా చెల్లించాల్సి రావచ్చు..
Updated on: Dec 19, 2022 | 3:24 PM
మీరు ఎవరికైనా చెల్లించడానికి చెక్కును ఉపయోగిస్తే అనేక విషయాలపై శ్రద్ధ వహించడం చాలా ముఖ్యం. లేదంటే చెక్ బౌన్స్ అయితే భారీ జరిమానా చెల్లించాల్సి రావచ్చు. దీంతో పాటు జైలుకు కూడా వెళ్లాల్సి వస్తుంటుంది. అందుకే చెక్ బౌన్స్ విషయంలో జాగ్రత్తగా ఉండాలి. ఎందుకంటే చెక్ బౌన్స్ అయితే కోర్టు చట్టపరమైన నేరంగా పరిగణిస్తుంది. ఇందులో నెగోషియబుల్ ఇన్‌స్ట్రుమెంట్స్ యాక్ట్ 1881 ప్రకారం జరిమానాతో పాటు శిక్ష విధించే నిబంధనను రూపొందించారు. కొన్ని కారణాల వల్ల బ్యాంక్ చెక్‌ను తిరస్కరించినప్పుడు, చెల్లింపు జరగనప్పుడు, అది చెక్ బౌన్స్‌గా పరిగణిస్తారు. ఇలా జరగడానికి కారణం చాలా వరకు ఖాతాల్లో బ్యాలెన్స్ లేకపోవడమే. అంతే కాకుండా వ్యక్తి సంతకంలో తేడా వచ్చినా బ్యాంకు చెక్కును తిరస్కరిస్తుంది. దీని కారణంగా మీరు అనేక సమస్యలను ఎదుర్కొవలసి రావచ్చు.
చెక్ బౌన్స్ కారణాలు:
- చెల్లింపుదారుడి బ్యాంక్ ఖాతాలో తగినంత నిధులు లేకపోవడం
- సంతకం ఒకేలా ఉండకుంటే
- ఖాతా సంఖ్యతో సరిపోలకపోతే
- చెక్కు తేదీతో సమస్య
- చెక్‌లో పదాలు సరిపోలకపోవడం
- చెక్కుపై రాతలు గానీ, చిరిగిపోవడం గానీ జరిగినప్పుడు
- ఓవర్‌డ్రాఫ్ట్ పరిమితిని మించిపోవడం
చెక్ బౌన్స్ అయినప్పుడు, చెక్కు ఇస్తున్న వ్యక్తి దాని గురించి తెలియజేయాలి. ఆ తర్వాత అతను మీకు 1 నెలలోపు చెల్లించాలి. అలా చేయడంలో విఫలమైతే వ్యక్తికి లీగల్ నోటీసు పంపిస్తారు. ఆ తర్వాత కూడా 15 రోజుల వరకు స్పందన రాకపోతే అతనిపై నెగోషియబుల్ ఇన్‌స్ట్రుమెంట్ యాక్ట్, 1881లోని సెక్షన్ 138 కింద కేసు నమోదు చేస్తారు. నెగోషియబుల్ ఇన్‌స్ట్రుమెంట్స్ యాక్ట్, 1881 ప్రకారం.. వ్యక్తిని ప్రాసిక్యూట్ చేయవచ్చు. అలాగే చెక్ డ్రాయర్‌కు రెండేళ్ల వరకు శిక్ష విధించవచ్చు.
వ్యవధి 3 నెలలు మాత్రమే
చెక్కులు, బ్యాంక్ డ్రాఫ్ట్‌లు ప్రస్తుతం వాటి జారీ నుండి 3 నెలల వరకు చెల్లుబాటు అవుతాయి. 3 నెలల కంటే ఎక్కువ అయితే అది చెల్లనిదిగా పరిగణిస్తారు.
ఈ విషయాలపై ప్రత్యేక శ్రద్ధ వహించండి:
- మీరు ఎవరికైనా చెక్ ఇచ్చినప్పుడల్లా మీ ఖాతాలో డబ్బు ఉందని నిర్ధారించుకోండి.
- చెక్కును తీసుకున్న వ్యక్తి మూడు నెలల్లోగా నగదు పొందాలి.
- మీరు ఎవరికైనా చెక్ ద్వారా చెల్లించినప్పుడల్లా, పేరు, మొత్తానికి సంబంధించి పదాల మధ్య ఎక్కువ ఖాళీని ఇవ్వకుండా ఉండండి.
- మీరు బ్యాంక్ చెక్‌పై సంతకం చేసినప్పుడల్లా సంబంధిత బ్యాంక్ బ్రాంచ్ రికార్డులలో ఇప్పటికే నమోదు చేయబడిన విధంగానే మీరు సంతకం చేయాలని గుర్తుంచుకోండి.
- మీరు బ్యాంక్ చెక్కు ద్వారా ఎవరికైనా చెల్లించినప్పుడల్లా, చెక్కు నంబర్, ఖాతా పేరు, మొత్తం, తేదీ వంటి చెక్కు వివరాలను నమోదు చేసుకోండి.
- ఎల్లప్పుడూ ఖాతా చెల్లింపుదారు చెక్కులను జారీ చేయండి.
- చెక్కుపై సంతకం బ్యాంకులో నమోదు చేయాలి.
- చెక్‌లోని సమాచారాన్ని జాగ్రత్తగా, సరిగ్గా పూరించండి.
మరిన్ని హ్యుమన్ ఇంట్రెస్ట్ వార్తల కోసం ఇక్కడ క్లిక్ చేయండి
