Savings: డిపాజిట్లపై వడ్డీ రేట్లు పెంచిన బ్యాంకులు ఇవే.. ఫిక్స్‌డ్ డిపాజిట్ల కంటే ఎక్కువ వడ్డీనిచ్చే కంపెనీలున్నాయి తెలుసా?

Savings: డిపాజిట్లపై వడ్డీ రేట్లు పెంచిన బ్యాంకులు ఇవే.. ఫిక్స్‌డ్ డిపాజిట్ల కంటే ఎక్కువ వడ్డీనిచ్చే కంపెనీలున్నాయి తెలుసా?
Savings

రెండు నాన్ బ్యాంకింగ్ ఫైనాన్షియల్ కంపెనీలు బజాజ్ ఫైనాన్స్, హెచ్‌డిఎఫ్‌సి లిమిటెడ్ డిపాజిట్లపై వడ్డీ రేట్లను మార్చాయి. ఇప్పుడు మీరు 2, 3 - 5 సంవత్సరాలు డిపాజిట్ చేస్తే, మీకు ఎక్కువ వడ్డీ లభిస్తుంది.

KVD Varma

|

Dec 01, 2021 | 3:59 PM

Savings: రెండు నాన్ బ్యాంకింగ్ ఫైనాన్షియల్ కంపెనీలు బజాజ్ ఫైనాన్స్, హెచ్‌డిఎఫ్‌సి లిమిటెడ్ డిపాజిట్లపై వడ్డీ రేట్లను మార్చాయి. ఇప్పుడు మీరు 2, 3 – 5 సంవత్సరాలు డిపాజిట్ చేస్తే, మీకు ఎక్కువ వడ్డీ లభిస్తుంది.

2 సంవత్సరాల డిపాజిట్‌పై 6.4% వడ్డీ

మీరు ఇప్పుడు బజాజ్ ఫైనాన్స్ 2 సంవత్సరాల డిపాజిట్లపై 6.4% వడ్డీని పొందవచ్చు. గతంలో ఇది 6.1 శాతంగా ఉండేది. 3, 5 సంవత్సరాల డిపాజిట్లపై 6.8% వడ్డీ లభిస్తుంది. ఇంతకుముందు వడ్డీ రేటు 6.5%గా ఉండేది. హెచ్‌డిఎఫ్‌సి(HDFC) లిమిటెడ్‌లో 2 సంవత్సరాల డిపాజిట్‌పై 5.85% వడ్డీ లభిస్తుంది. అయితే 3 సంవత్సరాల డిపాజిట్లపై 6.1, 5 సంవత్సరాల డిపాజిట్లపై 6.5% వడ్డీ వస్తుంది. ఇందులో ఇప్పటి వరకు 3 సంవత్సరాల, 5 సంవత్సరాల డిపాజిట్లపై 6.5% వడ్డీ లభించేది. HDFC గ్రీన్ డిపాజిట్‌పై 3 సంవత్సరాలలో 6%, 5 సంవత్సరాలలో 6.4% వడ్డీ లభిస్తుంది. ఈ వడ్డీ రేట్లన్నీ డిసెంబర్ 1 నుంచి అమలులోకి వచ్చాయి. ఈ ఏడాది తొలిసారిగా వాటి వడ్డీరేట్లను పెంచారు.

వడ్డీ రేట్లు పెరగనున్నాయి

నిజానికి, ప్రపంచవ్యాప్తంగా ఉన్న సెంట్రల్ బ్యాంకులు ఇప్పుడు వడ్డీ రేట్లను పెంచాలనుకుంటున్నాయి. దీని వల్ల రానున్న కాలంలో బ్యాంకులు, ఇతర డిపాజిట్లపై వడ్డీ రేట్లు పెరగనున్నాయి. ఇప్పుడు అలాంటి కంపెనీలు క్రమంగా పెరుగుతున్నాయి. వచ్చే ఏడాది నాటికి డిపాజిట్లపై వడ్డీ రేట్లు పెరగడం వల్ల మీరు తీసుకునే రుణం కూడా ఖరీదైనదిగా మారుతుందని అర్థం.

కోటి పైన డిపాజిట్లపై 13% వడ్డీ

అదే విధంగా, మీరు ఒక కోటి రూపాయలు డిపాజిట్ చేస్తే, మీకు నాలుగు సంవత్సరాలకు 11 నుండి 13% వడ్డీ లభిస్తుంది. ఐసీఐసీఐ ప్రుడెన్షియల్ మ్యూచువల్ ఫండ్ రూ. 2,000 కోట్లను సమీకరించేందుకు క్రెడిట్ ఆల్టర్నేటివ్ ఇన్వెస్ట్‌మెంట్ ఫండ్ (ఏఐఎఫ్)ను ప్రారంభిస్తోంది. దీని బేస్ సైజు వెయ్యి కోట్ల రూపాయలు కాగా, అంతకంటే ఎక్కువ మొత్తం వస్తే రెండు వేల కోట్ల రూపాయలకు పెంచవచ్చు.

బ్యాంకులు కూడా ఎక్కువ వడ్డీ ఇస్తున్నాయి

అయితే, కొన్ని బ్యాంకులు ఇప్పటికీ డిపాజిట్లపై అధిక వడ్డీని ఇస్తున్నాయి. ఇందులో, RBL బ్యాంక్ 3 సంవత్సరాల FDపై 6.30% వడ్డీని ఇస్తోంది. ప్రయివేటు బ్యాంకుల కంటే ఇది అత్యధిక వడ్డీని చెల్లిస్తోంది. అంటే మూడేళ్లకు రూ.లక్ష ఫిక్స్ చేస్తే రూ.1.21 లక్షలు అందుతాయి. యస్ బ్యాంక్ మూడేళ్ల ఎఫ్‌డిపై సంవత్సరానికి 6.25% వడ్డీని చెల్లిస్తుంది. అంటే ఇందులో లక్ష రూపాయలు పెట్టుబడి పెడితే మూడేళ్లలో 1.20 లక్షల రూపాయలు వస్తాయి. కనీస పెట్టుబడి 10 వేల రూపాయలు ఉండాలి.

ఇండస్‌ఇండ్ బ్యాంక్ 6% వడ్డీ ఇస్తోంది

ఇండస్‌ఇండ్ బ్యాంక్ మూడేళ్లపాటు FDపై 6% వడ్డీని చెల్లిస్తుంది. అంటే మూడేళ్లపాటు ఇందులో రూ.లక్ష పెట్టుబడి పెడితే రూ.1.19 లక్షలు వస్తాయి. ఇందులో కూడా కనీసం 10 వేల రూపాయలు పెట్టుబడి పెట్టాల్సి ఉంటుంది. అదేవిధంగా, ప్రైవేట్ రంగానికి చెందిన DCB బ్యాంక్ మీకు మూడేళ్ల పెట్టుబడిపై 5.95% వడ్డీని ఇస్తుంది. ఇందులో కూడా కనీసం పది వేల రూపాయలు పెట్టుబడి పెట్టాల్సి ఉంటుంది. ఇవి కాకుండా సౌత్ ఇండియన్ బ్యాంక్ మూడేళ్ల ఎఫ్‌డిపై 5.50% వడ్డీని ఇస్తోంది. పెద్ద బ్యాంకుల కంటే చిన్న పరిమాణ ప్రైవేట్ రంగ బ్యాంకులు పెట్టుబడిదారులకు ఎక్కువ వడ్డీని చెల్లిస్తున్నాయి.

కంపెనీల FDలపై అధిక వడ్డీ

మరోవైపు, మీరు కంపెనీల ఎఫ్‌డిలలో పెట్టుబడి పెడితే, మీకు దీని కంటే మెరుగైన వడ్డీ లభిస్తుంది. అయితే మీకు అక్కడ కొంత రిస్క్ ఉంటుంది. అందువల్ల, అటువంటి కంపెనీలలో తెలివిగా పెట్టుబడి పెట్టాలి. మీరు కంపెనీల FDలో అంటే కార్పొరేట్‌లో పెట్టుబడి పెట్టాలనుకుంటే, ముందుగా దాని రేటింగ్‌ను చూడండి. ICRA, CRISIL, CARE వంటి రేటింగ్ ఏజెన్సీలు కార్పొరేట్ FDలకు రేటింగ్ ఇస్తాయి. AAA లేదా AA వంటి రేటింగ్ పొందిన వారు ఇందులో బెస్ట్ రేటింగ్.

పెట్టుబడి పెట్టే ముందు కంపెనీలను చూడండి

ఇది కాకుండా, మీరు కంపెనీ ఏ వ్యాపార సంస్థ అనేది కూడా చూడాలి. అంటే ఆ కంపెనీ గ్రూప్ లేదా పేరెంట్ కంపెనీకి ఎంత విశ్వసనీయత ఉంది? అనేది పరిశీలించాలి. దీనితో పాటు కార్పొరేట్ గవర్నెన్స్, మేనేజ్‌మెంట్‌ను కూడా చూడాలి. కార్పొరేట్ FDలు సాధారణంగా సంవత్సరానికి 8 నుండి 9% వడ్డీని పొందుతాయి. కానీ ఎక్కువ వడ్డీ తీసుకోవడం అంటే ఎక్కువ రిస్క్ తీసుకోవడం లాంటి పరిస్థితి ఉంది. పెట్టుబడిదారులు మార్కెట్‌లో ఇలాంటి అధిక వడ్డీ పెట్టుబడుల దురాశలో చిక్కుకోకూడదని నిపుణులు సూచిస్తున్నారు.

ఇవి కూడా చదవండి: Afghanistan Crisis: ఆఫ్ఘనిస్తాన్ ఆకలితో పాకిస్తాన్ వ్యాపారం.. భారత్ చేస్తున్న సహాయాన్ని తనదిగా చెప్పుకునే ప్రయాస!

Omicron Spread: వేగంగా వ్యాపిస్తోన్న ఒమిక్రాన్ వేరియంట్..మరో రెండు దేశాల్లో కలకలం..ఒమిక్రాన్ లేటెస్ట్‌ అప్‌డేట్స్

GST Collections: జీఎస్టీ వసూళ్లు అదిరిపోయాయి.. నవంబర్ నెలలో టాక్సుల రూపేణా ఎంత వచ్చిందంటే..

Follow us on

Related Stories

Most Read Stories

Click on your DTH Provider to Add TV9 Telugu