Mukesh Ambani: ఏడాది చివర్లో ముఖేష్ అంబానీకి బ్యాడ్ న్యూస్.. ఏంటో తెలుసా?
Mukesh Ambani: ముఖేష్ అంబానీకి చెందిన రిలయన్స్ ఇండస్ట్రీకి దేశంలో ప్రత్యేక స్థానముంది. రిలయన్స్, టీసీఎస్ మార్కెట్ క్యాప్ మధ్య వ్యత్యాసం ఇప్పుడు రూ.1.37 లక్షల కోట్లు మాత్రమే. ఈ గ్యాప్ వేగంగా తగ్గుతోంది. రిలయన్స్ పనితీరు మెరుగుపడకపోతే, 2025 నాటికి ఈ టైటిల్ TCSకి వెళ్లవచ్చు.
Updated on: Dec 27, 2024 | 5:53 PM
2024 సంవత్సరం భారతీయ కార్పొరేట్ ప్రపంచానికి హెచ్చు తగ్గులతో ముగుస్తుంది. రిలయన్స్ ఇండస్ట్రీస్, దేశంలోని అతిపెద్ద కంపెనీలలో ఒకటైన టాటా కన్సల్టెన్సీ సర్వీసెస్ (TCS) మధ్య మార్కెట్ క్యాప్ విషయంలో పోటీ పెట్టుబడిదారుల దృష్టిని ఆకర్షించింది.
రిలయన్స్ ఇండస్ట్రీస్ ప్రస్తుత పరిస్థితి:
చాలా కాలంగా దేశంలోనే అత్యంత విలువైన కంపెనీగా కొనసాగుతున్న రిలయన్స్ ఇండస్ట్రీస్ ఈ ఏడాది కష్టాలను ఎదుర్కొంటోంది. గత ఏడాది కాలంలో కంపెనీ షేర్లు 5.59% క్షీణించాయి. దీని కారణంగా దాని మార్కెట్ క్యాప్ రూ.16.45 లక్షల కోట్లకు తగ్గింది. 2024లో కంపెనీ రాబడులు ప్రతికూలంగా ఉంటాయని అంచనా. గత నెలలోనే దీని షేర్లు 6% క్షీణతను నమోదు చేశాయి. ఈ నష్టం కొనసాగడం కంపెనీకి ఆందోళన కలిగించే అంశం.
టీసీఎస్ బూమ్:
మరోవైపు టీసీఎస్ ఇన్వెస్టర్లకు సానుకూల రాబడులను అందించింది. గత సంవత్సరంలో కంపెనీ షేర్లు 9.87% పెరిగాయి. దీని కారణంగా దాని మార్కెట్ క్యాప్ రూ.15.08 లక్షల కోట్లకు చేరుకుంది. గత నెలలో టీసీఎస్ షేర్లు 4.20% క్షీణించినప్పటికీ, కంపెనీ మొత్తం స్థానం బలంగా ఉంది.
ఎంత తేడా ఉంది?
రిలయన్స్, టీసీఎస్ మార్కెట్ క్యాప్ మధ్య వ్యత్యాసం ఇప్పుడు రూ.1.37 లక్షల కోట్లు మాత్రమే. ఈ గ్యాప్ వేగంగా తగ్గుతోంది. అలాగే రిలయన్స్ పనితీరు మెరుగుపడకపోతే 2025 నాటికి మరింత తగ్గే అవకాశం ఉంది.
భారత ఆర్థిక వ్యవస్థకు ముఖ్యమైన మలుపు:
టీసీఎస్ పెరుగుతున్న డిజిటల్ వ్యాపారం, స్థిరత్వం రిలయన్స్కి వ్యతిరేకంగా బలమైన పోటీదారుగా మారాయి. అదే సమయంలో రిలయన్స్ తన ప్రస్తుత స్థితిని మెరుగుపరచుకోవడానికి కొత్త వ్యూహాలు, పెట్టుబడులు అవసరం. ఇది జరగకపోతే కంపెనీ దేశంలో అత్యంత విలువైన కంపెనీ టైటిల్ను కోల్పోవచ్చు. రిలయన్స్, టీసీఎస్ మధ్య ఈ పోటీ భారత ఆర్థిక వ్యవస్థకు ఒక మలుపు కావచ్చు. రాబోయే నెలల్లో ఏ కంపెనీ ఇన్వెస్టర్ల నమ్మకాన్ని గెలుచుకుంటుందనేది ఆసక్తికరంగా మారింది.
మరిన్ని బిజినెస్ వార్తల కోసం ఇక్కడ క్లిక్ చేయండి
