Apple iphone 13: ఐఫోన్‌-13 ప్రీ-బుకింగ్స్‌లో దుమ్మురేపిన భారతీయులు..!

Apple iphone 13: ఎప్పుడెప్పుడా అని ఎదురు చూసిన ఐఫోన్‌ 13 సిరీస్‌ స్మార్ట్‌ఫోన్‌ మార్కెట్లో విడుదలైన విషయం తెలిసిందే. ఈనెల 14 విడులైన ఈ ఫోన్‌.. భారత్‌లో ఐఫోన్‌ సెప్టెంబర్‌ 17 నుంచి ప్రీ-బుకింగ్‌ ఆర్డర్స్‌ జరుగుతాయని ఆపిల్‌ ప్రకటించింది. తాజాగా జరిగిన ఐఫోన్‌-13 సిరీస్‌ స్మార్ట్‌ఫోన్స్‌ ప్రీ-బుకింగ్స్‌లో భారతీయులు దుమ్మురేపారు. రిటైల్ ట్రేడ్ వర్గాల ప్రకారం.. గత సంవత్సరం లాగానే రికార్డు స్థాయిలో దేశవ్యాప్తంగా ఐఫోన్‌-13 స్మార్ట్‌ఫోన్లపై అభిమానుల నుంచి భారీ స్పందన వచ్చినట్లు తెలుస్తోంది. ఈ ట్రేండ్‌ ప్రకారం గత త్రైమాసికంలో ఐఫోన్‌-12 సిరీస్‌ స్మార్ట్‌ఫోన్ల అమ్మకాల తరహాలో ఐఫోన్‌-13 సిరీస్‌ స్మార్ట్‌ఫోన్‌ అమ్మకాలు ఉంటాయని నిపుణులు అభిప్రాయపడ్డారు.

వ్యాపార నిపుణుల అంచనా ప్రకారం..

ఐఫోన్‌-13 సిరీస్‌ స్మార్ట్‌ఫోన్ల విక్రయాలతో ఈ త్రైమాసికంలో యాపిల్‌ గణనీయమైన వృద్దిని సాధిస్తుందని వ్యాపార నిపుణులు అంచనా వేశారు. పండగ సీజన్‌తో భారత్‌లో ఆపిల్‌ భారీ వృద్దిని నమోదు చేస్తోందని కౌంటర్‌ పాయింట్‌ రీసెర్చ్‌ డైరక్టర్‌ తరుణ్‌ పాఠక్‌ తెలిపారు. అందుకు ఐఫోన్‌-13 సిరీస్‌ స్మార్ట్‌ఫోన్ల ప్రీ-బుకింగ్స్‌ ఆర్డర్సే స్పష్టం చేస్తుందని చెప్పారు. ఐడిసి ఇండియా, దక్షిణాసియా రీసెర్చ్ డైరెక్టర్ నవకేందర్ సింగ్ మాట్లాడుతూ, రాబోయే పండుగ సీజన్‌లో ఐఫోన్‌-12 సిరీస్‌, పాక్షికంగా ఐఫోన్‌-13, 13 ప్రో స్మార్ట్‌ఫోన్స్‌ ద్వారా యాపిల్ మంచి ఊపందుకుంటుందని అన్నారు.

సెప్టెంబర్‌ 24 నుంచి నాలుగు కొత్త ఐఫోన్ -13

సెప్టెంబర్ 24 నుంచి ఈ నాలుగు కొత్త ఐఫోన్‌ -13 స్మార్ట్‌ఫోన్స్‌ వినియోగదారులకు అందుబాటులో ఉండనున్నాయి. ఐఫోన్ 13 సిరీస్ రూ. 69,900 నుంచి ప్రారంభించి ప్రో మాక్స్ రూ .1,29,900 వరకు అందుబాటులో ఉన్నాయి.

ఇవీ కూడా చదవండి:

43 ఏళ్ల కిందట కొనుగోలు చేసిన షేర్లు.. ఇప్పుడు దాని విలువ రూ.1448 కోట్లు.. క్లెయిమ్‌ కోసం పోరాటం..!

Gram Suraksha Scheme: పోస్టాఫీసులో అదిరిపోయే స్కీమ్‌.. రూ.1500 పెట్టుబడితో చేతికి రూ.35 లక్షలు.. పూర్తి వివరాలు..!