Prime Day Sale: అమెజాన్‌లో ఆఫర్ల పండగ.. వారికి మాత్రమే అవకాశం
ప్రముఖ ఈ కామర్స్‌ సంస్థ అమెజాన్‌ వినియోగదారుల కోసం అదిరిపోయే ఆఫర్‌ను ప్రకటించింది. అమెజాన్‌ ప్రైమ్‌ డే సేల్‌ పేరుతో సేల్‌ను తీసుకురానుంది. అయితే అమెజాన్‌ అందించనున్న ఈ సేల్‌ కేవలం ప్రైమ్‌ యూజర్లకు మాత్రమే వర్తించనుంది. ఈ సేల్‌ కేవలం రెండు రోజులు మాత్రమే అందుబాటులో ఉండనుంది. జులై 21వ తేదీ, 22వ తేదీల్లో ఈ సేల్‌ను నిర్వహించనున్నారు...
ప్రముఖ ఈ కామర్స్‌ సంస్థ అమెజాన్‌ వినియోగదారుల కోసం అదిరిపోయే ఆఫర్‌ను ప్రకటించింది. అమెజాన్‌ ప్రైమ్‌ డే సేల్‌ పేరుతో సేల్‌ను తీసుకురానుంది. అయితే అమెజాన్‌ అందించనున్న ఈ సేల్‌ కేవలం ప్రైమ్‌ యూజర్లకు మాత్రమే వర్తించనుంది. ఈ సేల్‌ కేవలం రెండు రోజులు మాత్రమే అందుబాటులో ఉండనుంది. జులై 21వ తేదీ, 22వ తేదీల్లో ఈ సేల్‌ను నిర్వహించనున్నారు. 20వ తేదీన ఉదయం 12 గంటలకు మొదలై, 21వ తేదీ రాత్రి 11.59 గంటలకు ముగుస్తుంది.
సేల్‌ సమయంలో భారత్‌తో పాటు ఇతర దేశాలకు చెందిన 450 కొత్త ప్రొడక్ట్స్‌ అందుబాటులోకి రానున్నాయి. వీటిలో స్మార్ట్ ఫోన్‌లతో పాటు కిచెన్‌, ఫ్యాషన్‌, జువెలరీ, హ్యాండ్ మేడ్‌ ప్రొడక్ట్స్‌ అందుబాటులోకి రానున్నాయి. ముఖ్యంగా మొబైల్స్‌, ల్యాప్‌టాప్స్‌ వంటి ప్రొడక్ట్స్‌పై భారీ డిస్కౌంట్‌ను అందించనున్నారు. ఈ సేల్‌లో భాగంగా ఇంటెల్‌, శాంసంగ్‌, వన్‌ప్లస్‌, హానర్‌, ఐకూ, బజాజ్‌, ఆగ్రో, క్రాంప్టన్‌, సోనీ, ఐటీసీ, ఫాజిల్‌, పుమా, మోటోరొలా, బోట్‌ వంటి బ్రాండ్లపై భారీ డిస్కౌంట్స్‌ను అందించనున్నారు.
డిస్కౌంట్స్‌తో ప్రైమ్‌ వీడియోలో చిత్రాలు, వెబ్‌సిరీస్‌లు, అమెజాన్‌ మ్యూజిక్‌లో పాటలను కూడా పొందొచ్చని అమెజాన్‌ చెబుతోంది. ఇక ఆఫర్ల విషయానికొస్తే ఈ సేల్‌లో భాగంగా ఐసీఐసీఐ, ఎస్‌బీఐ డెబిట్‌/ క్రెడిట్‌ కార్డులతో కొనుగోలు చేసే అదనంగా 10 శాతం ఇన్‌స్టాంట్‌ డిస్కౌంట్ పొందొచ్చు. వీటితో పాటు ఐసీఐసీఐ, అమెజాన్‌ పే క్రెడిట్‌ కార్డుతో కొనుగోలు చేస్తే అదనంగా 5 శాతం డిస్కౌంట్ లభించనుంది.
అమెజాన్‌ పే క్రెడిట్‌ కార్డును కొత్తగా తీసుకునే వారికి ప్రైమ్‌ మెంబర్లకు రివార్డుల కింద రూ. 2500 వరకు అదనంగా ప్రయోజనాలను అందించనున్నారు. ఇక నాన్‌ ప్రైమ్‌ మెంబర్లకు రూ. 2 వేల వరకు ప్రయోజనాలు పొందొచ్చు. దీంతో పాటు 3 నెలల పాటు ప్రైమ్‌ మెంబర్‌ షిప్‌ అందిస్తారు. ఇక ఈ సేల్‌లో భాగంగా ఎకో స్మార్ట్ స్పీకర్లతో పాటు ఫైర్‌ టీవీ స్టిక్స్‌పై 55 శాతం డిస్కౌంట్ అందిస్తారు. అంతేకాకుండా ఈ సేల్‌లో కొనుగోలు చేసే ప్రొడక్ట్స్‌ను తర్వాతి రోజు డెలివరి చేసే అవకాశం ఉంటుంది. ఇక ప్రైమ్‌ మెంబర్‌షిప్‌ ధర విషయానికొస్తే నెలకు రూ. 299, మూడు నెలలకు రూ. 599, ఏడాదికి రూ. 1499గా నిర్ణయించారు. ప్రైమ్‌ మెంబర్‌షిప్‌ తీసుకున్న వారికి అమెజాన్‌ ప్రైమ్‌ వీడియోతో పాటు ప్రైమ్‌ మ్యూజిక్‌, ప్రైమ్‌ రీడింగ్‌ వంటి సదుపాయాలు పొందొచ్చు.
మరిన్ని బిజినెస్ వార్తల కోసం క్లిక్ చేయండి..
