వినియోగదారులకు భారీ షాకిచ్చిన ఎయిర్‌టెల్ ..

టెలికాం సంస్థలన్నీ ఇప్పుడు సామాన్యుడి నడ్డివిరిచేందుకు సిద్ధమైనట్లు కనిపిస్తోంది. మొన్నటి వరకు అన్‌లిమిటెడ్ అవుట్ గోయింగ్ కాల్స్‌ ఆఫర్లను ఇచ్చిన సంస్థలు.. తాజాగా వాటిపై షరతులు విధించిన విషయం తెలిసిందే. అయితే కొన్ని ఆపరేటర్లు మాత్రం.. ఛార్జీలను పెంచుతూ అన్‌లిమిటెడ్ అవుట్ గోయింగ్ ఆఫర్‌ను పునరుద్దరించి వినియోగదారులకు కాస్త ఊరటనిచ్చాయి. అయితే ఇందులో ముఖ్యంగా ఎయిర్‌టెల్ ఆఫర్ ప్లాన్లను మార్చుతూ వినియోగదారుల.. చాపకింద నీరులా తెలియకుండా ఛార్జీలన మోత మోగిస్తోంది.

తాజాగా మరోసారి ఎయిర్ టెల్ సంస్థ వినియోగదారులకు షాకిచ్చింది. అయితే ఈ సారి అన్‌లిమిటెడ్ అవుట్‌ గోయింగ్ కాల్స్‌ ఆఫర్ ఇస్తూనే.. గడువును కుదిస్తూ.. షాకిచ్చింది. రూ.558 ప్లాన్‌లో అనేక మార్పులు చేసింది. ప్లాన్‌ గడువును దాదాపు 26 రోజులు తగ్గించింది. అయితే మిగిలిన ఆఫర్లను యథాతథంగా ఉంచింది. అయితే ఇటీవలే టారీఫ్ ధరలను భారీగా పెంచి.. ఇప్పుడు గడువును కుదించింది.

ఈ రూ.558 ప్లాన్‌‌లో అన్‌లిమిటెడ్‌ వాయిస్‌ కాల్స్‌‌తో పాటుగా.. రోజుకు 3జీబీ డేటా, 100 ఎమ్మెస్‌లు లభిస్తాయి. అయితే దీని కాలపరిమితి 82 రోజులు ఉన్నదానిని.. ఇప్పుడు నాలుగు వారాలకు కుదించి.. 56 రోజులకు వర్తించేలా చేసింది. అయితే ఈ ప్లాన్‌‌తో పాటుగా అదనంగా వింక్‌ మ్యూజిక్‌ సబ్‌స్క్రిప్షన్‌తో పాటు ఎయిర్‌టెల్‌ ఎక్స్‌ట్రీమ్‌ యాప్‌ ప్రీమియమ్‌ సబ్‌స్క్రిప్షన్‌ లభించనుంది. దీంతోపాటు ఫాస్టాగ్‌పై రూ.100 క్యాష్‌బ్యాక్‌ కూడా ఈ ప్లాన్‌లో లభించనుంది.