Aadhaar-PAN Card Link: గడువు దగ్గర పడుతోంది.. ఈ రెండింటిని లింక్‌ చేయకుంటే ఏమవుతుందో తెలుసా?

ఈ రోజుల్లో ప్రతి ముఖ్యమైన పనికి ఆధార్ కార్డ్ అవసరం. బ్యాంకుల నుండి ప్రారంభించి అన్ని ప్రభుత్వ కార్యక్రమాలకు ఆధార్ కార్డ్ అవసరం. ప్రభుత్వ పనిని సులభతరం చేసేందుకు పాన్ కార్డును ఆధార్ కార్డుతో లింక్ చేయడాన్ని ప్రభుత్వం తప్పనిసరి చేసింది. పాన్ కార్డులను ఆధార్‌తో అనుసంధానం చేసేందుకు ప్రభుత్వం ఇప్పటికే గడువు విధించింది. ఈ నిర్ణీత గడువులోగా మీ ఆధార్ కార్డు, పాన్ కార్డ్ లింక్ చేయకపోతే ఏమి జరుగుతుందో తెలుసా?

ఆధార్, పాన్ కార్డులను అనుసంధానించడానికి డిసెంబర్ వరకు గడువు ఉంది. ప్రతి ఒక్కరు ఈ తేదీలోగా తన ఆధార్ కార్డును తన పాన్ కార్డ్‌తో లింక్ చేయాలి. వివిధ నివేదికల ప్రకారం, డిసెంబర్‌లోగా ఆధార్ కార్డ్‌తో లింక్ చేయకపోతే ప్రభుత్వం పాన్ కార్డ్‌ని డియాక్టివేట్ చేసే లేదా రద్దు చేసే అవకాశం ఉంది. నిజంగా ఆధార్ కార్డుతో లింక్ చేయకపోతే పాన్ కార్డు రద్దు అవుతుందా? వివిధ చార్టర్డ్ అకౌంటెంట్లు, నిపుణులు ఈ సమాచారం తప్పు అని ఎత్తి చూపారు. గతంలో పాన్ కార్డులను ఆధార్ కార్డులతో అనుసంధానించడానికి గడువు విధించినప్పటికీ లింక్‌ చేసుకోలేని వారి పాన్‌ కార్డులు యాక్టివ్‌గానే ఉన్నాయి.

ఇది కూడా చదవండి: Elon Musk: చరిత్ర సృష్టించిన ఎలోన్ మస్క్.. 3 ఏళ్ల రికార్డు బద్దలు

ఆధార్-పాన్ లింక్ లేకపోతే, పాన్ కార్డ్ నిష్క్రియం కావచ్చు. కానీ అది ఎప్పటికీ రద్దు కాదు. జరిమానా చెల్లించిన తర్వాత మాత్రమే పాన్ కార్డును ఆధార్ కార్డుతో లింక్ చేయవచ్చు. 1,000 జరిమానా చెల్లించిన తర్వాతే పాన్ కార్డులు మళ్లీ యాక్టివేట్ చేస్తారు. మీరు ఆదాయపు పన్ను శాఖ ఆన్‌లైన్ పోర్టల్‌ని సందర్శించడం ద్వారా మీ ఆధార్ కార్డ్- పాన్ కార్డ్ లింక్ చేయబడిందో లేదో తనిఖీ చేయవచ్చు.

ముందుగా www.incometax.gov.in పై క్లిక్ చేయండి. తదుపరి ‘క్విక్ లింక్’ ఎంపికపై క్లిక్ చేయండి. అక్కడ ‘లింక్ ఆధార్ స్టేటస్’ ఎంచుకోండి. అప్పుడు కొత్త వెబ్‌పేజీ ఓపెన్‌ అవుతుంది. మీరు మీ ఆధార్ నంబర్, పాన్ నంబర్‌ను నమోదు చేయాలి. ‘వ్యూ లింక్ ఆధార్ స్టేటస్’పై క్లిక్ చేయండి. మీ ఆధార్ కార్డ్‌తో పాన్ లింక్ ఉందో లేదో ఇక్కడ తెలుసుకుంటారు.

ఇది కూడా చదవండి: Gold Price Today: మహిళలకు షాకిస్తున్న బంగారం ధరలు.. ఎంత పెరిగిందో తెలుసా..?

మరిన్ని బిజినెస్ వార్తల కోసం ఇక్కడ క్లిక్ చేయండి