ఆ హీరో అంటే నాకు చాలా ఇష్టం: శృతి హాసన్

చెన్నై: చెన్నై చిన్నది శృతిహాసన్ తనకు నచ్చిన హీరో ఎవరో చెప్పి అందరికీ షాకిచ్చింది. తమిళనాడు వేలూరులోని ఓ కాళాశాలలో జరిగిన కార్యక్రమంలో శృతిహాసన్‌ పాల్గొంది. అక్కడ ఆమెను విద్యార్ధులు పలు ప్రశ్నలు అడిగారు. మీరు ఇప్పటి వరకూ నటించిన హీరోల్లో ఎవరంటే ఇష్టం? ఏ సినిమా అంటే బాగా ఇష్టం? వంటి పలు ప్రశ్నలు వేశారు.

తనకు తమిళ్ హీరో అజిత్ అంటే ఇష్టం, ఆయన సంప్రదాయబద్ధమైన హీరో అని శృతిహాసన్ చెప్పింది. అయితే సినిమాల విషయానికొస్తే తన తండ్రి కమల్ హాసన్ నటించిన మహానది మూవీ అంటే ఇష్టమని శృతి చెప్పింది. సినిమా కెరీర్‌లో స్పీడ్ తగ్గించిన శృతిహాసన్ మళ్లీ మూవీలపై దృష్టి సారించినట్టు ఈ సందర్భంగా చెప్పింది.