వార్నర్ “కి పోల్” ప్రశ్నకు మంచి స్పందన

కరోనాతో ఇంటికే పరిమితమైన సినీ, క్రికెట్ ఆటగాళ్లు సోషల్ మీడియాలో తెగ సందడి చేస్తున్నారు. తమ ఫ్యాన్స్‌కు ఉత్సాహాన్ని అందిస్తున్నారు. ఇలాంటివాటిలో ఆస్ట్రేలియా క్రికెటర్ డేవిడ్ వార్నర్ అందరికంటే ముందు వరసలో ఉన్నారు. డ్యాన్సులు, డైలాగులతో నెటిజన్లను తనవైపుకు తిప్పుకుంటున్నారు. ఇటీవల వార్నర్ బాహుబ‌లి చిత్రంలో ప్రభాస్ డైలాగ్‌కి టిక్ టాక్ వీడియో చేశాడు. ఇందులో భాగంగా ప్ర‌భాస్ మాదిరి కాస్ట్యూమ్ ధ‌రించి అద‌ర‌గొట్టాడు. ఈ వీడియోకి సూప‌ర్ రెస్పాన్స్ వ‌చ్చింది. తాజాగా అదే అంశంపై మరో పోస్ట్ పెట్టాడు. బాహుబలి చిత్రంలోని ప్రభాస్ ఫొటో పక్కన తన ఫోటో పోస్ట్ చేసి ఎవరి కాస్ట్యూమ్ బాగుంది అంటూ నెటిజెన్స్ “కి పోల్” పెట్టాడు. అయితే వార్నర్ పోల్ ప్రశ్నకు మంచి స్పందన వస్తోంది. నెటిజన్లు మాత్రం అతని “బాహుబ‌లి” కాస్ట్యూమ్‌కు “డేవిడ్‌బలి” అని కామెంట్స్ పెట్టారు.