Breaking News
  • రైతు వేదికల ప్రారంభానికి ముహూర్తం ఖరారు. జనగామ జిల్లా కొడకండ్ల మండల కేంద్రంలో ఈ నెల 31న మద్యాహ్నం 12.30 గంటలకు ప్రారంభించనున్న ముఖ్యమంత్రి కె.చంద్రశేఖర్ రావు. రైతు వేదిక సమీపంలోని పల్లె ప్రకృతి వనాన్ని సందర్శించనున్న సిఎం. రైతులు, ప్రజలను ఉద్దేశించి మాట్లాడనున్న ముఖ్యమంత్రి. ప్రభుత్వం రైతు వేదికల నిర్మాణాన్ని చేపట్టిన ఉద్దేశాన్ని, రైతు వేదికల ఆవశ్యకతను, వాటి ద్వారా జరిగే కార్యకలాపాలను వివరించనున్న ముఖ్యమంత్రి. ఉమ్మడి వరంగల్ జిల్లాకు చెందిన రైతుబంధు జిల్లా, మండల, గ్రామ కమిటీలను ఈ సమావేశానికి ఆహ్వానం. పాల్గొననున్న వ్యవసాయ శాఖ మంత్రి ఎస్.నిరంజన్ రెడ్డి, ఉమ్మడి వరంగల్ జిల్లాకు చెందిన మంత్రులు ఎర్రబెల్లి దయాకర్ రావు, సత్యవతి రాథోడ్, రైతుబంధు రాష్ట్ర అధ్యక్షుడు పల్లా రాజేశ్వర్ రెడ్డి, ఉమ్మడి వరంగల్ జిల్లాకు చెందిన ఎంపిలు, ఎమ్మెల్యేలు, ఎమ్మెల్సీలు.
  • విశాఖ గ్యాస్ లీకేజీ ఘటనపై సుప్రీంకోర్టులో విచారణ. ఎల్జీ పాలిమర్స్ దాఖలు చేసిన పిటిషన్ ను విచారించిన జస్టిస్ యూయూ లలిత్ ధర్మాసనం. ఎల్జీ పాలిమర్స్ తరపున వాదనలు వినిపించిన సీనియర్ న్యాయవాది ముకుల్ రోహత్గి. ఎన్జీటీ లో కేసు విచారణ నవంబర్ 3న ఉందని కోర్టుకు తెలిపిన ముకుల్ రోహత్గి. ఎన్జీటీలో కమిటీ నివేదికపై పది రోజుల్లో అభ్యంతరాలను సమర్పించాలన్న సుప్రీంకోర్టు. సుప్రీం కోర్టు తదుపరి ఆదేశాల వరకు కేసు ఎన్జీటీలో విచారణను వాయిదా వేయాలని సూచించిన సుప్రీంకోర్టు. తదుపరి విచారణ నవంబర్ 16 వాయిదా.
  • శాసన మండలి : ఎమ్మెల్సీ గా ప్రమాణస్వీకారం కల్వకుంట్ల కవిత. శాసన మండలి చైర్మన్ కార్యాలయంలో ప్రమాణస్వీకారం చేసిన కవిత. హాజరయిన మండలి చైర్మన్ గుత్తా సుఖేందర్ రెడ్డి, మంత్రులు ప్రశాంత్ రెడ్డి,సత్యవతి రాథోడ్,ఎమ్మెల్యేలు, ఎమ్మెల్సీ లు. ఎమ్మెల్సీ ఎన్నికల్లో ఓటు వేసిన స్థానిక సంస్థల ప్రతినిధులతో కవిత మర్యాదపూర్వక భేటీ.
  • చెన్నై: నటుడు రజినీకాంత్ ఆరోగ్యం ఫై, పార్టీ ఫై వస్తున్న ప్రచారాలపై ప్రకటన విడుదల చేసిన రజినీకాంత్ . నా ఆరోగ్యం ఫై సోషల్ మీడియా లో జరుగుతున్న వివాదం లో నిజం లేదు. నేను డాక్టర్లను కలిసిన మాట నిజమే . నా ప్రస్తుత ఆరోగ్యం ఫై వారి సలహాలు , సూచనలు తీసుకున్నాను . ఇప్పుడు రాజకీయాలు వద్దని , నా ఆరోగ్యం నిలకడగా ఉండాలంటే రాజకీయాలకు దూరంగా ఉండాలని వైద్యులు సూచించారని వస్తున్న వార్తలపై త్వరలోనే వివరణ ఇస్తాను. నేను పార్టీ పెట్టడం ఫై , నా రాజకీయ ఆలోచనల గురించి నా అభిమానులకు నేను పూర్తి వివరాలు త్వరలో వెల్లడిస్తాను.
  • అమరావతి: విశాఖ గీతం యూనివర్సిటీ అక్రమ కట్టడాల కూల్చివేతపై అప్పీల్ కు వెళ్లిన గీతం యాజమాన్యం. దీనిపై హైకోర్టులో దాఖలైన పిటీషన్ విచారించిన హైకోర్టు. వచ్చే సోమవారం రెగ్యులర్ కోర్టులో విచారణకి వాయిదా వేసిన న్యాయస్థానం. అప్పటి వరకు మధ్యంతర ఉత్తర్వులు కొనసాగుతాయన్న హైకోర్టు.
  • బిగ్ బాస్‌ హోస్ట్ చేయటంపై సమంత కామెంట్‌. నాగార్జున కోరితేనే షో చేశానంటూ సోషల్ మీడియాలో పోస్ట్ చేసిన సామ్‌. 'గతంలో ఒక్క బిగ్‌ బాస్‌ ఎపిసోడ్ కూడా చూడలేదు. యాంకరింగ్ చేసిన అనుభవం కూడా లేదు. తెలుగు సరిగా మాట్లాడగలనో లేదో. అందుకే మామగారు బిగ్‌ బాస్‌ హోస్ట్ చేయమన్నప్పుడు భయపడ్డాను. అవన్నీ పక్కన పెట్టి నన్ను నమ్మి నాకు ఈ బాధ్యత అప్పగించినందుకు థ్యాంక్యూ మామ. ఎపిసోడ్ టెలికాస్ట్ తరువాత నాకు అందుతున్న ప్రేమకు మీ అందరికీ కూడా థ్యాంక్స్‌'.
  • టిఎస్ ఎంసెట్లో 45 శాతం మార్కుల నిబంధన తొలగిస్తూ రాష్ట్ర ప్రభుత్వం ఉత్తర్వులు. TSEAMCET-2020 లో అర్హత సాధించిన విద్యార్థులను TS EAMCET (అడ్మిషన్స్) -2020 కౌన్సెలింగ్ కు హాజరుకావడానికి అనుమతి. 10 + 2 ఉత్తీర్ణత సాధించిన విద్యార్థులకు TS EAMCET-2020 లో అడ్డంకిగా మారిన 45 శాతం మార్కుల నిబంధన. ఈ నిబంధన 2020- 21 విద్యా సంవత్సరానికి మాత్రమే వర్తింపు. భవిష్యత్తులో 2021-22 సంవత్సరానికి ఈ నిబంధన వర్తించదు. శ్రీమతి చిత్రా రామచంద్రన్, స్పెషల్ చీఫ్ సెక్రటరీ, ఎడ్యుకేషన్.

సముద్రంలో బోటు గల్లంతు

సముద్రంలో బోటు గల్లంతైంది. బంగాళాఖాతంలో మత్స్యకారుల బోటు తప్పిపోయింది. వాయుగుండం సమయంలో సముద్రంలో చేపల వేట కొనసాగిస్తున్న బోటు గల్లంతవడంతో మత్స్యకారులు ఘొల్లుమంటున్నారు.

Boat missing in the sea, సముద్రంలో బోటు గల్లంతు

Boat missing in the sea: కాకినాడ సమీపంలో సముద్రంలో ఓ బోటు గల్లంతైంది. అందులో ఏడుగురు మత్స్యకారులున్నట్లు సమాచారం. తమ వారి ఆచూకీ తెలియక మత్స్యకారుల కుటుంబీకులు కన్నీరుమున్నీరవుతున్నారు. బోటును గాలించేందుకు అధికార యంత్రాంగం రంగంలోకి దిగింది.

కాకినాడ దుమ్ములపేటకు చెందిన మత్స్యకార బోటులో ఏడుగురు మత్స్యకారులు అక్టోబర్ 7వ తేదీన బంగాళాఖాతంలో చేపట వేటకు వెళ్ళారు. వారు వెళ్ళి రెండ్రోజుల తర్వాత సముద్రంలో వాయుగుండం ఏర్పడింది. ఆ తర్వాత వాయుగుండం కాస్తా తీవ్ర వాయుగుండంగా మారి అక్టోబర్ 13న మధ్యాహ్నం కాకినాడకు సమీపంలో తీరం దాటింది. అయితే వాయుగుండం ప్రభావం ఎక్కువగా వున్న సమయంలో దుమ్ములపేట బోటు గల్లంతైనట్లు మత్స్యకారులు చెబుతున్నారు. గల్లంతైన బోటులో దుమ్ములపేటకు చెందిన పేర్ల రాంబాబు, దుర్గ, పొలయ్య, తాతారావు, సింగరాజు, యల్లజీ వున్నారు.

ఏడవ తేదీన వేటకు వెళ్ళిన బోటు ఆ తర్వాత సముద్రంలో వాయుగుండం కారణం ఏర్పడిన అల్లకల్లోలంతో గల్లంతైనట్లు భావిస్తున్నారు. ఈ బోటు సముద్రంలో మునిగిపోయిందేమో అన్న ఆందోళన మత్స్యకారుల కుటుంబాల్లో వ్యక్తమవుతోంది. అయితే.. బోటును వెతికే పనిని ప్రారంభించిన అధికార యంత్రాంగం చుట్టు పక్కల జిల్లాలకు సమాచారం అందించింది.

అయితే, సముద్రంలో పదిహేను కిలోమీటర్ల దూరంలో బోటు ఆగిపోవడంతో చిక్కుకుపోయినట్లు మత్స్యకారులు టీవీ9కు సమాచారం అందించారు. బోటు ఇంజిన్ చెడిపోవడంతో చిక్కుకుపోయామని, తమకు సాయం చేసే వారు కనుచూపు మేరలో కనిపించడం లేదని వారు తెలిపారు. తినేందుకు ఏమీ లేక అలమటిస్తున్నామని, తమను ఆదుకోవాలని వారు టీవీ9కు పంపిన మెసేజ్‌లో పేర్కొన్నారు.

Also read: సోనుసూద్‌కు అరుదైన అవకాశం.. దానికి గుర్తింపుగానే! 

Also read: కరోనా వాక్సిన్… క్లినికల్ ట్రయల్స్‌లో కీలక మార్పు

Related Tags