Breaking News
  • అమరావతి : మోటార్ వాహనాల నిబంధనల ఉల్లంఘన పై జరిమానాలు పెంచుతూ ప్రభుత్వం ఉత్తర్వులు. భారీగా వాహన జరిమానాలు పెంచుతూ ప్రభుత్వం ఉత్తర్వులు. బైక్ నుండి 7 సిటర్ కార్ల వరకు ఒక విధమైన జరిమానా . ఇతర వాహనాలకు మరింత అధిక జరిమానాలు.
  • విజయవాడ: ఇంద్రకీలాద్రి కి చేరుకున్న సీఎం జగన్. ఘాట్ రోడ్ మార్గంలో వచ్చిన సీఎం . సీఎం జగన్ కు స్వాగతం పలికిన ఆలయ అర్చకులు ,జిల్లా ప్రజా ప్రతినిధులు ,కలెక్టర్ ,సిపి [ సాంప్రదాయ వస్త్ర ధారణ పంచెకట్టు లో సీఎం జగన్. రాష్ట్ర ప్రభుత్వం తరపున అమ్మవారికి పట్టువస్త్రాలు సమర్పించిన సీఎం జగన్.
  • భారీ వర్షాలపై సీఎం కేసీఆర్‌ సమీక్ష. అధికారులు అప్రమత్తంగా ఉండాలని సీఎం కేసీఆర్‌ ఆదేశం. కనీసం 15 ప్రత్యేక బృందాలు ఏర్పాటు చేయాలి. నగరంలోని చెరువుల పరిస్థితిని ఎప్పటికప్పుడు పర్యవేక్షించాలి. వందేళ్లలో ఎప్పుడూ లేని విధంగా వర్షాలు పడ్డాయి. మరిన్ని భారీ వర్షాలు కురిసే అవకాశముంది. లోతట్టు ప్రాంతవాసులను సురక్షిత ప్రాంతాలకు తరలించాలి. ప్రజలు అప్రమత్తంగా ఉండాలి-సీఎం కేసీఆర్‌.
  • హైదరాబాద్‌: వీడిన కూకట్‌పల్లి కిడ్నాప్‌ మిస్టరీ. 24 గంటల్లో కిడ్నాప్‌ కేసు ఛేదించిన పోలీసులు. రహీంను ఆటోలో కిడ్నాప్‌ చేసిన ఇద్దరు దుండగులు. రహీంను పఠాన్‌చెరు తీసుకెళ్లిన కిడ్నాపర్లు. తల్లి రేష్మకు ఫోన్‌ చేసి రూ.మూడు లక్షలు డిమాండ్‌. భయంతో రూ.10 వేలు ట్రాన్సఫర్‌ చేసిన తల్లి. మొబైల్‌ లొకేషన్‌ ఆధారంగా కిడ్నాపర్ల గుర్తింపు. ప్రధాన నిందితుడు సలీంను అదుపులోకి తీసుకున్న పోలీసులు. పరారీలో మరో నిందితుడు లక్కీ. లక్కీ కోసం గాలిస్తున్న పోలీసులు.
  • విజయవాడ: ఇంద్రకీలాద్రికి పొంచి ఉన్న ముప్పు. కొండచరియలు విరిగిపడే ప్రమాదం ఉందని సమాచారం. భారీ వర్షాలకు 4 అంగుళాలు బీటలు వారిన కొండ. అప్రమత్తమైన ఇంజినీరింగ్‌ అధికారులు. ఈవో సురేష్‌బాబుకు సమాచారమిచ్చిన అధికారులు.
  • చిత్తూరు: చిత్తూరులో భారీ ఎత్తునపట్టుబడిన ఎర్రచందనం. ఐదు కార్లలో రెండు కోట్ల విలువైన రెండున్నర టన్నుల ఎర్రచందనం పట్టి వేత. వాహన తనిఖీల్లో పట్టుబడిన ఎర్రచందనం. 11మందిని అదుపులోకి తీసుకున్న పోలీసులు. మరో పదిమంది స్మగ్లర్ల పరారీ.. కార్లు, ఆటోలు, పాల వానలు లో ఎర్రచందనం తరలిస్తున్న స్మగ్లర్లు. ఈ మధ్యకాలంలో ఇంత భారీ ఎత్తున ఎర్రచందనం పట్టుబడటం ఇదే మొదటిసారి.

కరోనా వాక్సిన్… క్లినికల్ ట్రయల్స్‌లో కీలక మార్పు

యావత్ ప్రపంచం ఎపుడెపుడా అని ఎదురు చూస్తున్న కరోనా వాక్సిన్‌ను రూపొందిస్తున్న భారత్ బయోటెక్ అత్యంత కీలక నిర్ణయం తీసుకుంది. క్లినికల్ ట్రయల్స్‌ను...

Crucial change in clinical trials, కరోనా వాక్సిన్… క్లినికల్ ట్రయల్స్‌లో కీలక మార్పు

Crucial change in clinical trials: యావత్ ప్రపంచం ఎపుడెపుడా అని ఎదురు చూస్తున్న కరోనా వాక్సిన్‌ను రూపొందిస్తున్న భారత్ బయోటెక్ అత్యంత కీలక నిర్ణయం తీసుకుంది. క్లినికల్ ట్రయల్స్‌ను వేగవంతంగా పూర్తి చేసి.. త్వరగా వాక్సిన్‌ను అందించాలనే ఉద్దేశంతోనే ఈ నిర్ణయం తీసుకున్నట్లు భారత్ బయోటెక్ సంస్థ ప్రకటించింది.

కోవిడ్-19 నిర్మూలన కోసం పరిశోధనలు నిర్వహిస్తున్న భారత్ బయోటెక్ తొలి దశ ప్రయోగాలను విజయవంతంగా పూర్తి చేసిన సంగతి తెలిసిందే. కోవాక్జిన్ పేరిట తయారు చేస్తున్న కరోనా వాక్సిన్ ప్రయోగాలు ప్రస్తుతం రెండో దశలో వున్నాయి. ఈ క్రమంలోనే భారత్ బయోటెక్ కీలక నిర్ణయం తీసుకుంది. భారత వైద్య పరిశోధనా మండలితో కలిసి జరుపుతున్న ఈ ప్రయోగాలలో వినియోగిస్తున్న వాలెంటీర్ల సంఖ్యను సగానికి కుదించింది భారత్ బయోటెక్.

తొలి దశ ప్రయోగాలలో 350 మంది వాలెంటీర్లను వినియోగించిన భారత్ బయోటెక్… రెండో విడత ప్రయోగాల కోసం ఏకంగా 750 మంది వాలెంటీర్లను ఎంపిక చేసుకుంది. అయితే తాజాగా వీరి సంఖ్యను ఏకంగా సగానికి సగం తగ్గించి 380 మంది వాలెంటర్లపైనే ప్రయోగాలు చేయాలని నిర్ణయించింది. దాని వల్ల ప్రయోగాల నిర్వహణలో వేగం పెరుగుతుందని భారత్ బయోటెక్ శాస్త్రవేత్తలు భావిస్తున్నారు.

వాలెంటీర్ల సంఖ్యను కుదించిన భారత్ బయోటెక్ ప్రయోగాలు నిర్వహిస్తున్న ప్రదేశాల సంఖ్యను కూడా తగ్గించుకుంది. తొలి దశ ప్రయోగాలు వయోజనులపై నిర్వహించిన భారత్ బయోటెక్ రెండో దశ ప్రయోగాలను 12 ఏళ్ళు దాటిన బాలురపై కూడా జరపనున్నారు. ఈ రెండు దశల్లో పాల్గొంటున్న వాలెంటీర్లలో ఇప్పటి వరకు ఎలాంటి సైడ్ ఎఫెక్ట్స్ కనిపించలేదని పరిశోధన నిర్వహిస్తున్న శాస్త్రవేత్తలు వెల్లడించారు.

ఇదిలా వుంటే భారత్ బయోటెక్, ఐసీఎంఆర్ సంయుక్తంగా తయారు చేస్తున్న కోవాక్జిన్ వచ్చే సంవత్సరం తొలి భాగంలో అందుబాటులోకి వస్తుందని భావిస్తున్నారు. కాగా ప్రస్తుతం రెండో దశ ప్రయోగాలు నిర్వహిస్తున్న భారత్ బయోటెక్ మూడో దశ ప్రయోగాలకు కూడా డీజీసీఐ నుంచి అనుమతి పొందింది. అయితే మూడో దశ ప్రారంభించాలంటే రెండో దశకు సంబంధించిన పూర్తి వివరాలను డీజీసీఐకి అందచేసి ఆమోదింపచేసుకోవాల్సి వుంది.

Also read: సోనుసూద్‌కు అరుదైన అవకాశం.. దానికి గుర్తింపుగానే! 

Also read: సముద్రంలో బోటు గల్లంతు

Related Tags