Bigg Boss 4: ఉన్నట్లుండి నోయల్‌కి ఏమైంది.. ఇవాళ నాగ్‌తో బయటపెడతాడా..!

Bigg Boss 4 Neol: ప్రేక్షకులను మరింత ఆకట్టుకునేందుకు బిగ్‌బాస్‌లో ఎంటర్‌టైన్‌మెంట్‌ డోస్‌ని కాస్త పెంచారు. అయితే ఈ సీజన్‌లో కంటెస్టెంట్‌లు చాలా మంది నిబంధనలు పాటించడం లేదు. ముఖ్యంగా తెలుగులో మాట్లాడాలి అన్న నిబంధనను కొంతమంది లైట్ తీసుకున్నారు. దీంతో బిగ్‌బాస్‌కి కోపం వచ్చి అందరికీ పనిష్మెంట్ ఇచ్చారు. బిగ్‌బాస్ న‌న్ను క్ష‌మించండి, ఇప్ప‌టి నుంచి తెలుగులోనే మాట్లాడ‌తాము అని అందరినీ బోర్డు మీద రాయమన్నారు. అయితే ఈ పనిష్మెంట్‌పై నోయల్ కాస్త హర్ట్ అయ్యారు. బోర్డు మీద రాసేటప్పుడు ఒక్క‌సారిగా బిగ్‌బాస్ త‌న‌కు క్ష‌మాప‌ణ‌లు చెప్పాల‌ని ప‌ట్టుప‌ట్టారు.

అంతేకాదు ఇతర కంటెస్టెంట్‌లకు ఛాలెంజ్ విసిరారు. శనివారం నాగార్జున వస్తారుగా, ఆయనను ఒప్పించి వెళ్లిపోతా అని కోపడ్డారు. అయితే బిగ్‌బాస్‌ సారీ చెప్పాలంటూ అంత బిల్డప్‌ ఇచ్చినప్పటికీ, ఆ తరువాత కాసేపటికే సభ్యుల ఏకాభిప్రాయంతో కెప్టెన్‌గా ఎన్నికయ్యారు. అంతేకాదు బాధ్యతలు కూడా ప్రారంభించారు. మరి ఉన్నట్లుండి నోయెల్‌ ఎందుకు అంతలా కోపడ్డారన్నది ఎవరికీ అర్థం కావడం లేదు. హౌజ్‌లో స్ట్రాంగ్‌గా ఉన్న కంటెస్టెంట్‌లలో నోయెల్ ఒకరు కాగా.. అతడికి ఏమైంది అన్న కామెంట్లు వినిపిస్తున్నాయి. మరి ఇంటి నుంచి వెళ్లాలనుకున్న నోయెల్‌, ఆ తరువాత కెప్టెన్‌గా ఎందుకు బాధ్యతలు తీసుకున్నారు అన్న అభిప్రాయాలు వ్యక్తమవుతున్నాయి. ఇక ఇవాళ నాగార్జున రానుండగా.. అప్పుడైనా నోయెల్‌ తన మనసులోని కోపాన్ని కింగ్ ముందు ఉంచుతారేమో చూడాలి.

Read More:

తిరిగి ప్రారంభమైన దుబాయ్ విమాన సర్వీసులు

దుర్గం చెరువు కేబుల్ బ్రిడ్జి ప్రారంభోత్సవం వాయిదా !