Horoscope Today: వారికి మంచి ఉద్యోగానికి ఆఫర్ అందే అవకాశం.. 12 రాశుల వారికి రాశిఫలాలు
Today Horoscope (January 14, 2026): మేష రావి వారికి వృత్తి, ఉద్యోగాలు చాలావరకు సానుకూలంగా సాగిపోతాయి. పని ఒత్తిడి బాగా పెరిగే అవకాశం ఉంది. వృషభ రాశి వారికి అనేక విధాలుగా ఆదాయం వృద్ధి చెందుతుంది. ముఖ్యంగా ఆర్థిక సమస్యలు పూర్తిగా తగ్గుతాయి. మిథున రాశి వారికి ఉద్యోగ జీవితం ఉత్సాహంగా సాగిపోతుంది. సహచరుల వివాదాల్లో తలదూర్చకపోవడం చాలా మంచిది. మేష రాశి మొదలు మీన రాశి వరకు 12 రాశుల వారికి బుధవారంనాటి రాశిఫలాలు ఎలా ఉన్నాయంటే..?
Updated on: Jan 14, 2026 | 5:31 AM
దిన ఫలాలు (జనవరి 14, 2026): మేష రావి వారికి వృత్తి, ఉద్యోగాల్లో పని ఒత్తిడి బాగా పెరిగే అవకాశం ఉంది. వృషభ రాశి వారికి అనేక విధాలుగా ఆదాయం వృద్ధి చెందే అవకాశముంది. మిథున రాశి వారికి ఉద్యోగ జీవితం ఉత్సాహంగా సాగిపోతుంది. మేష రాశి మొదలు మీన రాశి వరకు 12 రాశుల వారికి బుధవారంనాటి రాశిఫలాలు ఎలా ఉన్నాయంటే..?
మేషం (అశ్విని, భరణి, కృత్తిక 1)
వృత్తి, ఉద్యోగాలు చాలావరకు సానుకూలంగా సాగిపోతాయి. పని ఒత్తిడి బాగా పెరిగే అవకాశం ఉంది. ముఖ్యమైన వ్యవహారాలు సానుకూలంగా పూర్తవుతాయి. వ్యాపారాలు లాభదాయకంగా పురోగమిస్తాయి. ప్రయాణాల వల్ల లాభం ఉంటుంది. ఆర్థిక పరిస్థితి మెరుగుపడుతుంది. వృథా ఖర్చులు తగ్గించుకోవడం మంచిది. ఆర్థిక విషయాల్లో తొందరపాటు నిర్ణయాలు మంచివి కావు. ఆవేశకావేషాలకు ఇది సమయం కాదు. కుటుంబ సభ్యుల నుంచి ఆశించిన సహకారం అందుతుంది.
వృషభం (కృత్తిక 2,3,4, రోహిణి, మృగశిర 1,2)
అనేక విధాలుగా ఆదాయం వృద్ధి చెందుతుంది. కొన్ని కష్టనష్టాల నుంచి కొద్దిగా విముక్తి లభిస్తుంది. ముఖ్యంగా ఆర్థిక సమస్యలు పూర్తిగా తగ్గుతాయి. రాదనుకున్న డబ్బు చేతికి అందు తుంది. కొన్ని ముఖ్యమైన వ్యవహారాల్లో కుటుంబ సభ్యుల సలహాలు తీసుకోవడం మంచిది. వృత్తి, ఉద్యోగాల్లో ఆశించిన ప్రోత్సాహకాలు లభిస్తాయి. నిరుద్యోగుల ఉద్యోగ ప్రయత్నాలు సఫలం అవుతాయి. గృహ, వాహనాల కొనుగోలు మీద దృష్టి పెడతారు. ఆరోగ్యం మెరుగ్గా ఉంటుంది.
మిథునం (మృగశిర 3,4, ఆర్ద్ర, పునర్వసు 1,2,3)
ఉద్యోగ జీవితం ఉత్సాహంగా సాగిపోతుంది. సహచరుల వివాదాల్లో తలదూర్చకపోవడం చాలా మంచిది. వృత్తి, వ్యాపారాల్లో ఆర్థిక సమస్యలు బాగా తగ్గిపోతాయి. పెళ్లి ప్రయత్నాలకు ఆశించిన స్పందన లభిస్తుంది. ఆస్తి విషయాల్లో బంధుమిత్రులు సహాయం అందిస్తారు. కొన్ని కీలక నిర్ణయాలు తీసుకుని లాభపడతారు. నిరుద్యోగులకు దూర ప్రాంతంలో మంచి ఉద్యోగానికి ఆఫర్ అందే అవకాశం ఉంది. పిల్లల నుంచి శుభవార్తలు వింటారు. ప్రయాణాల్లో ఇబ్బందులు పడతారు.
కర్కాటకం (పునర్వసు 4, పుష్యమి, ఆశ్లేష)
ఉద్యోగ జీవితం సమస్యలు, ఒత్తిళ్లు లేకుండా సాగిపోతుంది. ఉద్యోగులకు ఆశించిన గుర్తింపు లభిస్తుంది. వృత్తి, వ్యాపారాలు అభివృద్ధి బాటపడతాయి. ఆధ్యాత్మిక చింతన పెరుగుతుంది. ఆస్తి వ్యవహారాలు ఒక కొలిక్కి వస్తాయి. ఆకస్మిక ప్రయాణాలకు అవకాశం ఉంది. నిరుద్యోగులకు దూర ప్రాంతం నుంచి ఆఫర్ అందే అవకాశం ఉంది. కుటుంబంలో ఒకటి రెండు చిన్నచిన్న సమస్యలు తలెత్తే సూచనలున్నాయి. ఆచితూచి వ్యవహరించడం మంచిది. ఆరోగ్యానికి ఢోకా ఉండదు.
సింహం (మఖ, పుబ్బ, ఉత్తర 1)
ఉద్యోగ జీవితం సాఫీగా, హ్యాపీగా సాగిపోతుంది. వృత్తి, వ్యాపారాల్లో శ్రమాధిక్యత ఉంటుంది. తొందర పాటు నిర్ణయాలు తీసుకోకపోవడం మంచిది. ముఖ్యమైన వ్యవహారాల్లో వ్యయప్రయాసలు తప్ప కపోవచ్చు. ఆదాయం బాగా కలిసి వస్తుంది. అదనపు ఆదాయ ప్రయత్నాలు సత్ఫలితాలని స్తాయి. బంధుమిత్రులతో అపార్థాలు తలెత్తుతాయి. స్వల్ప అనారోగ్య సమస్యలు ఇబ్బంది పెడతాయి. నిరుద్యోగులకు శుభవార్త అందే అవకాశం ఉంది. కొందరు మిత్రులకు సహాయం చేస్తారు.
కన్య (ఉత్తర 2,3,4, హస్త, చిత్త 1,2)
ఉద్యోగులకు శుభ వార్తలు అందుతాయి. వృత్తి, వ్యాపారాలు లాబాల బాటపడతాయి. చాలా కాలంగా పెండింగులో ఉన్న కొన్ని ముఖ్యమైన పనులు పూర్తి చేస్తారు. పిల్లలు బాగా వృద్ధిలోకి వస్తారు. చిన్ననాటి మిత్రుల నుంచి ఆశించిన సమాచారం అందుతుంది. దైవ కార్యాల్లో పాల్గొంటారు. ప్రయాణాల్లో జాగ్రత్తలు పాటించాల్సి ఉంటుంది. ఆర్థిక పరిస్థితి నిలకడగా ఉంటుంది. వృథా ఖర్చులు తగ్గించుకోవడం, పొదుపు చర్యలు చేపట్టడం మంచిది. నిరుద్యోగుల ప్రయత్నాలు ఫలి స్తాయి.
తుల (చిత్త 3,4,స్వాతి, విశాఖ 1,2,3)
ఉద్యోగంలో అధికారుల ఆదరణ లభిస్తుంది. తలపెట్టిన పనుల్ని పట్టుదలగా పూర్తి చేస్తారు. రావ లసిన డబ్బును వసూలు చేసుకోవడం మీద దృష్టి పెడతారు. ఆస్తి వ్యవహారం పరిష్కారం కావడానికి అవకాశముంది. ఆదాయ వృద్ధి సూచనలున్నాయి. వీలైనంతగా ఖర్చులు తగ్గించుకోవడం మంచిది. బంధుమిత్రులతో అపార్థాలు తలెత్తే అవకాశముంది. వ్యాపారులు కొద్ది మార్పులతో లాభాలు పెంచుకుంటారు. వ్యక్తిగత సమస్య ఒకటి పరిష్కారమవుతుంది. ఆరోగ్యం బాగానే ఉంటుంది.
వృశ్చికం (విశాఖ 4, అనూరాధ, జ్యేష్ఠ)
ఉద్యోగుల శక్తి సామర్థ్యాలకు ఆశించిన గుర్తింపు లభిస్తుంది. వృత్తి, వ్యాపారాల్లో అంచనాలకు తగ్గ రాబడి ఉంటుంది. కుటుంబ సభ్యులతో సరదాగా గడుపుతారు. ఇష్టమైన ఆలయాలు సందర్శిస్తారు. ఆదాయానికి లోటుండదు. ఆస్తి వ్యవహారాలు ఒక కొలిక్కి వస్తాయి. బంధువుల్లో ఆశించిన పెళ్లి సంబంధం కుదిరే అవకాశం ఉంది. గృహ, వాహనాల కొనుగోలు మీద దృష్టి పెడతారు. ముఖ్య మైన వ్యవహారాల్ని కొద్ది శ్రమతో పూర్తి చేస్తారు. కుటుంబ వ్యవహారాల మీద శ్రద్ధ పెట్టడంమంచిది.
ధనుస్సు (మూల, పూర్వాషాఢ, ఉత్తరాషాఢ 1)
ఉద్యోగంలో మీ సలహాలు, సూచనలకు ప్రాధాన్యం పెరుగుతుంది. ముఖ్యమైన బాధ్యతల్లో కొన్ని సానుకూల మార్పులు చోటు చేసుకుంటాయి. వృత్తి, వ్యాపారాలు లాభాల బాటపడతాయి. ముఖ్యమైన వ్యవహారాలన్నీ విజయవంతంగా పూర్తవుతాయి. ఉద్యోగ ప్రయత్నాలకు సంబంధించి శుభవార్తలు వినే అవకాశం ఉంది. ఆకస్మిక ధన లాభ సూచనలున్నాయి. ఏ ప్రయత్నం తల పెట్టినా సఫలం అయ్యే అవకాశముంది. కుటుంబ జీవితం సుఖ సంతోషాలతో సాగిపోతుంది.
మకరం (ఉత్తరాషాఢ 2,3,4, శ్రవణం, ధనిష్ఠ 1,2)
ఉద్యోగులు తమ పనితీరుతో అధికారులను ఆకట్టుకుంటారు. వృత్తి, వ్యాపారాలు లాభసాటిగా సాగి పోతాయి. ఆర్థిక పరిస్థితి బాగా సంతృప్తికరంగా ఉంటుంది. ముఖ్యమైన పనులు, వ్యవహారాలు సకాలంలో, సంతృప్తికరంగా పూర్తవుతాయి. తల్లితండ్రుల జోక్యంతో ఆస్తి వివాదాలు సానుకూలంగా పరిష్కారం అవుతాయి. మితిమీరిన ఔదార్యంతో శక్తికి మించి ఇతరులకు సహాయం చేయడం జరుగుతుంది. ఇంటా బయటా కొద్దిగా ఒత్తిడి పెరుగుతుంది. ఆరోగ్యం అనుకూలంగా ఉంటుంది.
కుంభం (ధనిష్ఠ 3,4, శతభిషం, పూర్వాభాద్ర 1,2,3)
వృత్తి, ఉద్యోగాల్లో అనుకూలతలు బాగా పెరుగుతాయి. గౌరవ మర్యాదలకు లోటుండదు. ప్రముఖులతో పరిచయాలు పెరుగుతాయి. మిత్రుల సహాయంతో వ్యక్తిగత సమస్య ఒకటి పరిష్కారం అవుతుంది. అవసర సమయాల్లో కుటుంబ సభ్యుల నుంచి సహాయ సహకారాలు లభిస్తాయి. ఆర్థిక పరిస్థితి బాగా మెరుగుపడుతుంది. అనుకోకుండా మొండి బాకీలు, బకాయిలు వసూలవుతాయి. దైవ కార్యక్రమాల్లో పాల్గొంటారు. ఇంటా బయటా మీ మాటకు విలువ పెరుగుతుంది.
మీనం (పూర్వాభాద్ర 4, ఉత్తరాభాద్ర, రేవతి)
ఉద్యోగంలో శ్రమాధిక్యంత ఎక్కువగా ఉండే అవకాశం ఉంది. అధికారుల నుంచి ఒత్తిడి పెరుగుతుంది. అదనపు బాధ్యతలను సకాలంలో పూర్తి చేయడం జరుగుతుంది. వృత్తి, వ్యాపారాల్లో బాగా బిజీ అయిపోతారు. ఆదాయం స్థిరంగా ఉంటుంది కానీ, అనవసర ఖర్చులు పెరిగే అవకాశం ఉంది. కొద్ది శ్రమతో కొన్ని ముఖ్యమైన వ్యవహారాలను పూర్తి చేస్తారు. ఎవరినీ గుడ్డిగా నమ్మవద్దు. మిత్రుల వల్ల ఇరకాటంలో పడే అవకాశం ఉంది. కుటుంబ జీవితం ప్రశాంతంగా సాగిపోతుంది.
