Chaturgrahi Yoga: 500 ఏళ్ల తర్వాత ఏర్పడిన చతుగ్రాహి యోగం.. ఈ మూడు రాశుల వారు పట్టిందల్లా బంగారమే..

జ్యోతిష్య శాస్త్రంలో గ్రహణాలు ప్రత్యేక స్థానం ఉంది. గ్రహణ సమయం అశుభంగా పరిగణిస్తారు కూడా.. ఈ నేపథ్యంలో ఈ ఏడాదిలో మొదటి సూర్య గ్రహణం ఏర్పడింది. ఈ గ్రహణం అమెరికా, కెనెడా వంటి దేశాల్లో కనిపించినా మన దేశంలో కనిపించలేదు. అయినప్పటికీ గ్రహణ ప్రభావం రాశులపై ఉంటుందని జ్యోతిష్కులు పేర్కొన్నారు. అంతేకాదు ఉగాది ముందు రోజు ఏర్పడిన ఈ సూర్యగ్రహణానికి ప్రత్యేక ఉంది.  ఈ సూర్యగ్రహణం రోజే చతుగ్రాహి యోగం కూడా ఏర్పడింది. ఈ యోగం దాదాపు 500 సంవత్సరాల తర్వాత సూర్యగ్రహణం రోజున ఏర్పడినందున ఎంతో శుభప్రదమని జ్యోతిష్యులు చెప్పారు.

ఇప్పటికే సూర్యుడు మీన రాశిలో సంచరిస్తున్నాడు. దీంతో ఈ గ్రహం శుభస్థానంలో ఉన్నవారికి అనేక రకాల ప్రయోజనాలు కలుగుతాయి. ముఖ్యంగా కొన్ని రాశుల వారికి అదృష్టం కలుగుతుంది. ఆకస్మికంగా ధన లాభాన్ని పొందుతారు. ఈ నేపథ్యంలో చతుగ్రాహి యోగం వలన ఏ రాశుల వారు అదృష్ట వంతులో ఈ రోజు తెలుసుకుందాం..

మేష రాశి: ఈ రాశికి చెందిన వారికి సూర్య గ్రహణం రోజు ఏర్పడిన చతుగ్రాహి యోగం అదృష్టాన్ని తెచ్చింది. అనేక ప్రయోజనాలు కలుగనున్నాయి. ముఖ్యంగా  ఎప్పటి నుంచో ఇబ్బంది పెడుతున్న సమస్యల నుంచి విముక్తి లభిస్తుంది. ఆత్మవిశ్వాసంతో ఎలాంటి పని చేపట్టినా సక్సెస్ అయ్యేలా చేస్తారు. వృత్తి, వ్యాపార రంగంలో ఉన్నవారికి శుభ్ర ప్రదంగా ఉంటుంది. ఆర్థిక లాభాలు పొందే అవకాశాలుఉన్నాయి. ఉద్యోగం కోసం ఎదురు చూస్తున్నవారి ప్రయత్నాలు ఫలించి ఉద్యోగం లభించే అవకాశం ఉంది. పెద్దల ఆస్తులు పొందే అవకాశం ఉంది. అంతేకాదు ఆరోగ్యంగా ఉంటారు.

ఇవి కూడా చదవండి

క్రోధి నామ సంవత్సరం ఉగాది రోజున చేయాల్సిన పూజా విధానం

ఉగాది పండగను దేశ, విదేశాల్లో ఏయే పేర్లతో జరుపుకుంటారో తెలుసా

శ్రీశైలంలో వైభవంగా ఉగాది ఉత్సవాలు.. అగ్నిగుండంలో నడిచిన భక్తులు

ఆఫ్ఘనిస్తాన్‌కు గాంధారి 'శాపం'.. నేటికీ ఇబ్బందుల్లో ఉందా

ధనస్సు రాశి: ఈ రాశికి చెందిన వారికీ ఈ చతుగ్రాహి యోగం వలన ఆర్ధికంగా లాభాలను పొందుతారు. పట్టిందల్లా బంగారమే. సమస్యల నుంచి ఉపశమనం లభిస్తుంది. ఉద్యోగాలకు కొత్త అవకాశాలు లభిస్తాయి. వ్యాపారస్థులు కొత్త పెట్టుబడులను పెడతారు. ఏ పని చేపట్టినా విజయాన్ని పొందుతారు. ఉద్యోగ ప్రయత్నాలు చేస్తున్నవారు, మంచి అవకాశాల కోసం ఎదురుచూస్తున్న వారికి ఈ సమయం చాలా కలిసి వస్తుంది.

సింహ రాశి: ఈ రాశికి చెందిన వ్యక్తులకు చతుగ్రాహి యోగం శుభ ఫలితాలను తెస్తుంది. ఆత్మవిశ్వాసం పెరిగి చేపట్టిన పనులను పూర్తి చేస్తారు. కుటుంబ సభ్యులతో సంతోషంగా గడుపుతారు. పోత్సాహంతో జీవితంలో ముందడుగు వేస్తారు. వ్యాపారస్తులు లాభలను అందుకుంటారు. ఉద్యోగస్తులకు పనుల విషయంలో ప్రశంసలను అందుకుంటారు. సమాజంలో కీర్తి ప్రతిష్టలను సొంతం చేసుకుంటారు.

మరిన్ని ఆధ్యాత్మిక వార్తల కోసం ఇక్కడ క్లిక్ చేయండి..

గమనిక: పైన పేర్కొన్న అంశాలను మత గ్రంథాల ఆధారంగా ప్రజల సాధారణ ఆసక్తులను దృష్టిలో ఉంచుకుని ఇవ్వడం జరిగింది. దీనిని టీవీ9 తెలుగు ధృవీకరించడం లేదు