Lunar Eclipse: ప్రేమ విషయంలో ఆందోళన చెందుతున్నారా.. ఈ చంద్రగ్రహణం ఈ రాశుల వారికి అదృష్టాన్ని తెస్తుందట..
ఈ సంవత్సరంలో రెండవ చంద్రగ్రహణం సెప్టెంబర్ 18న సంభవించబోతోంది. ఈ ఏడాదికి ఇదే చివరి గ్రహణం. అయితే ఈ చంద్ర గ్రహణం అన్ని రాశులకు చెందిన వ్యక్తులపై భిన్నమైన ప్రభావాన్ని చూపిస్తుంది. ఈ గ్రహణం కొన్ని రాశుల వారికి అదృష్టాన్ని తీసుకురాబోతోంది, ముఖ్యంగా ప్రేమ విషయంలో లేదా దంపతుల మధ్య వివాదాల విషయంలో ఆందోళన చెందుతున్న వారికి ఈ గ్రహణం చాలా అదృష్టాన్ని తీసుకొస్తుందని చెబుతున్నారు జ్యోతిష్కులు.
Updated on: Sep 10, 2024 | 7:11 AM
వేద జ్యోతిషశాస్త్రంలో గ్రహణాలకు ప్రత్యేక ప్రాముఖ్యత ఉంది.. ఎందుకంటే గ్రహణాలు అన్ని రాశులకు చెందిన వ్యక్తుల జీవితాల్లో మార్పులను తెస్తుంది. హిందూ క్యాలెండర్ ప్రకారం సంవత్సరంలో మొదటి చంద్రగ్రహణం మార్చి 25న హోలీ రోజున ఏర్పడింది. ఇక ఈ సంవత్సరంలో రెండవ చంద్రగ్రహణం సెప్టెంబర్ 18న సంభవించబోతోంది. ఈ ఏడాదికి ఇదే చివరి గ్రహణం. అయితే ఈ చంద్ర గ్రహణం అన్ని రాశులకు చెందిన వ్యక్తులపై భిన్నమైన ప్రభావాన్ని చూపిస్తుంది. ఈ గ్రహణం కొన్ని రాశుల వారికి అదృష్టాన్ని తీసుకురాబోతోంది, ముఖ్యంగా ప్రేమ విషయంలో లేదా దంపతుల మధ్య వివాదాల విషయంలో ఆందోళన చెందుతున్న వారికి ఈ గ్రహణం చాలా అదృష్టాన్ని తీసుకొస్తుందని చెబుతున్నారు జ్యోతిష్కులు.
చంద్ర గ్రహణ సమయం
- ఈసారి భాద్రపద మాసంలోని పౌర్ణమి రోజున సంవత్సరంలో రెండవ చంద్రగ్రహణం ఏర్పడనుంది. ఈ చంద్రగ్రహణం సెప్టెంబర్ 18 ఉదయం 6:11 గంటలకు ప్రారంభమై మరుసటి రోజు ఉదయం 10:17 గంటలకు ముగుస్తుంది. కనుక రెండో చంద్రగ్రహణం కూడా భారతదేశంలో కనిపించదు. సుతకాలం ఉండదు. అయితే ఈ గ్రహణ ప్రభావం అన్ని రాశులపై ఉంటుంది.
- వృషభ రాశి: ఈ చంద్ర గ్రహణం వృషభ రాశి వారికి శుభసూచకాలను తెస్తుంది. ఈ రాశి వారికి దీర్ఘకాలంగా పెండింగ్లో ఉన్న పనులు పూర్తవుతాయి. ఆకస్మిక ధనలాభానికి అవకాశాలు ఉంటాయి. దీని కారణంగా ఈ రాశికి చెందిన వ్యక్తుల ప్రేమ జీవితం మెరుగుపడుతుంది. వైవాహిక జీవితంలో సామరస్యం పెరుగుతుంది. ఆరోగ్యంపై కూడా మంచి ప్రభావం కనిపిస్తుంది.
- తులారాశి: ఈ ఏడాదిలో చివరి చంద్ర గ్రహణం తుల రాశి వారికి అదృష్టం తీసుకుని వస్తుంది. ఈ రాశి వారికి చంద్ర గ్రహణం చాలా ప్రయోజనకరంగా ఉంటుంది. దీంతో ఈ రాశి వారికి వివాహాలలో ఉన్న అడ్డంకులు తొలగిపోతాయి. ప్రేమిస్తున్న వారు అయితే పెళ్లి విషయంలో శుభవార్త వినే అవకాశం ఉంది. అయితే కొన్ని జాగ్రత్తలు తీసుకోవాల్సి ఉంటుంది.
- వృశ్చికరాశి: వృశ్చిక రాశి వారికి ఈ గ్రహణం చాలా మంచిది. ఈ రాశికి చెందిన వ్యక్తులు వ్యాపారంలో మాత్రమే కాదు ప్రేమ జీవితంలో గొప్ప విజయాన్ని పొందవచ్చు. ఆరోగ్యం కూడా మెరుగుపడే అవకాశం ఉంది.
మరిన్ని ఆధ్యాత్మిక వార్తల కోసం ఇక్కడ క్లిక్ చేయండి..
Note: ఈ కథనంలో అందించిన సమాచారం పూర్తిగా నిజం, ఖచ్చితమైనది అని మేము ధృవీకరించడం లేదు. వీటిని పాటించే ముందు ఖచ్చితంగా సంబంధిత రంగంలోని నిపుణుల సలహా తీసుకోండి
