Horoscope Today: ఆ రాశుల వారికి మంచి పెళ్లి సంబంధం కుదురుతుంది.. గురువారం రాశిఫలాలు..

ఉద్యోగ విషయాల్లో సమయం బాగుంది. ఉద్యోగంలో ఉన్నత స్థితికి వెళ్లే అవకాశం ఉంది. వృత్తి వ్యాపారాల్లో ఆర్థికంగా లాభపడతారు. ఎదురుచూస్తున్న పని పూర్తవుతుంది. మిత్రుల సహాయంతో..

Horoscope Today

TV9 Telugu Digital Desk | Edited By: Ravi Kiran|
Updated on: Feb 18, 2023 | 2:34 PM

రాశి ఫలాలను అనుసరించేవారు సమాజంలో చాలామంది ఉన్నారు. వారంతా రాశి ఫలాలతోనే రోజును ప్రారంభిస్తారు. ఇంకా వాటి ద్వారానే కార్యక్రమాలను మెదలు పెట్టడం లేదా పనులను వాయిదా వేసుకోవడం లాంటివి చేస్తుంటారు. మరి గురువారం (ఫిబ్రవరి 16న) రాశి ఫలాలు ఎలా ఉన్నాయో ఇప్పుడు చూద్దాం..

మేషం (అశ్విని, భరణి, కృత్తిక 1): ఉద్యోగ విషయాల్లో సమయం బాగుంది. ఉద్యోగంలో ఉన్నత స్థితికి వెళ్లే అవకాశం ఉంది. వృత్తి వ్యాపారాల్లో ఆర్థికంగా లాభపడతారు. ఎదురుచూస్తున్న పని పూర్తవుతుంది. మిత్రుల సహాయంతో ముఖ్యమైన పనులు పూర్తి చేస్తారు. ఆరోగ్యం మెరుగుపడుతుంది. ఆధ్యాత్మిక చింతన పెరుగుతుంది. ఆర్థిక లావాదేవీలకు దూరంగా ఉండండి. కొద్దిగా ఒత్తిడి ఉంటుంది.
వృషభం (కృత్తిక 2,3,4, రోహిణి, మృగశిర 1,2): ఆత్మీయుల సహాయంతో ఒక కుటుంబ సమస్య నుంచి బయటపడతారు. వ్యాపారం నిలకడగా ఉంటుంది. ఉద్యోగానికి సంబంధించి మంచి ఆఫర్ వస్తుంది. ఆరోగ్యం జాగ్రత్త. కొద్దిగా ఆదాయం పెరుగుతుంది. రుణ దాతల ఉత్తిడి తగ్గుతుంది. ఉద్యోగులు బాగా శ్రమ పడవలసి వస్తుంది. హామీలు ఉండవద్దు. వివాహ ప్రయత్నాలు ఫలిస్తాయి. సేవా కార్యక్రమాల్లో పాల్గొంటారు.
మిథునం (మృగశిర 3,4, ఆర్ద్ర, పునర్వసు 1,2,3): సమయం చాలా వరకు బాగుంది. వ్యక్తిగత సమస్యలు పరిష్కారం అవుతాయి. ఉద్యోగ సంబంధమైన ప్రయత్నాలు ఫలిస్తాయి. నలుగురికి మేలు జరిగే పనులు చేస్తారు. చాలాకాలంగా ప్రయత్నిస్తున్న పని ఒకటి అనుకోకుండా పూర్తవుతుంది. వృత్తి ఉద్యోగాల్లో ఆశించిన పురోగతి ఉంటుంది. సహచరులు బాగా సహకరిస్తారు. ఆదాయం నిలకడగా ఉంటుంది. ఆర్థిక సమస్య పరిష్కారం అవుతుంది.
కర్కాటకం (పునర్వసు 4, పుష్యమి, ఆశ్లేష): ఆశించిన స్థాయిలో ఉద్యోగంలో పురోగతి ఉంటుంది. మీ మనసులోని కోరిక ఒకటి నెరవేరుతుంది. అనుకున్న పనులు అనుకున్నట్టు పూర్తవుతాయి. ఇతరులకు ఆర్థికంగా సహాయం చేస్తారు. రాదనుకున్న డబ్బు చేతికి అందుతుంది. వ్యాపారంలో లాభాలు ఉన్నాయి. రుణ బాధ బాగా తగ్గుతుంది. వివాహ సంబంధం కుదురుతుంది. ఆరోగ్యం పర్వాలేదు.

ఇవి కూడా చదవండి

సింహం (మఖ, పుబ్బ, ఉత్తర 1): ఆరోగ్యం చాలావరకు మెరుగుపడుతుంది. బంధువులలో ఈ ప్రతిష్ట పెరుగుతుంది. వృత్తి ఉద్యోగ వ్యాపారాల్లో శ్రమ ఫలించి ఆదాయం పెరుగుతుంది. బాగా ఆలోచించి నిర్ణయాలు తీసుకోండి. మంచి పెళ్లి సంబంధం కుదురుతుంది. కొన్ని ముఖ్యమైన పనులు పూర్తవుతాయి. స్నేహితుల నుంచి ఒత్తిడి ఉంటుంది. హామీలు ఉండవద్దు.
కన్య (ఉత్తర 2,3,4, హస్త, చిత్త 1,2): కొద్దిగా ఆర్థిక సమస్యలు ఉంటాయి. ఉద్యోగ జీవితం మాత్రం ప్రశాంతంగానే సాగిపోతుంది. కొందరికి మీ వల్ల మేలు జరుగుతుంది. పట్టుదలకు పోకుండా పరిస్థితులను బట్టి వ్యవహరించండి. వృత్తి వ్యాపారాల్లో గౌరవ మర్యాదలు పెరుగుతాయి. ఒక ముఖ్యమైన కుటుంబ సమస్య నుంచి బయటపడతారు. ఆరోగ్యం నిలకడగా ఉంటుంది.
తుల (చిత్త 3,4, స్వాతి, విశాఖ 1,2,3): రోజంతా ప్రశాంతంగా గడిచిపోతుంది. ఉద్యోగంలో సామాన్య ఫలితమే ఉంటుంది కానీ, ఆర్థిక పరిస్థితి మాత్రం కొంతవరకు మెరుగ్గా ఉంటుంది. వృత్తి వ్యాపారాల్లో శ్రమ ఉన్నప్పటికీ ఫలితం ఉంటుంది. కొన్ని వ్యక్తిగత పనులు పూర్తి చేస్తారు. స్నేహితుల నుంచి అవసర సహాయం అందుతుంది. బంధువులు మీ సహాయం తీసుకుంటారు.
వృశ్చికం (విశాఖ 4, అనూరాధ, జ్యేష్ఠ): ఆర్థిక సమస్యలు ఇబ్బంది పెడతాయి. ఆర్థిక లావాదేవీలకు వీలైనంత దూరంగా ఉండండి. ఉద్యోగ వ్యాపారాలు నిలకడగా ముందుకు సాగుతాయి. అనవసర ఖర్చులు తడిసి మోపెడవుతాయి. కొత్త పరిచయాలు ఏర్పడతాయి. నిరుద్యోగులకు చిన్నపాటి ఉద్యోగం లభిస్తుంది. స్నేహితుల నుంచి సహాయ సహకారాలు లభిస్తాయి. ఆరోగ్యం పర్వాలేదు. శుభవార్త వింటారు.
ధనుస్సు (మూల, పూర్వాషాఢ, ఉత్తరాషాఢ 1): ఉద్యోగ పరంగా చాలా బాగుంది. నిరుద్యోగులు మంచి ఉద్యోగం సంపాదించుకుంటారు. వ్యాపారం నిలకడగా ముందుకు సాగుతుంది. ఖర్చులు తగ్గించుకోవాల్సిన అవసరం ఉంది. ముఖ్యమైన పనులు పూర్తవుతాయి. వివాహ ప్రయత్నాలు ఒక కొలిక్కి వస్తాయి. ఆనందం కలిగించే విషయాలు వింటారు. మంచి నిర్ణయాలు తీసుకోండి. ఈరోజు అంతా మంచే జరుగుతుంది.
మకరం (ఉత్తరాషాఢ 2,3,4, శ్రవణం, ధనిష్ఠ 1,2): కుటుంబ పరంగాను, ఉద్యోగ పరంగాను బాగా ఒత్తిడి ఉంటుంది. ఇతరుల సహాయంతో పనులు పూర్తి చేయాల్సి వస్తుంది. వృత్తి వ్యాపారాల్లో మరింత శ్రద్ధ అవసరం. ఇరుగుపొరుగుతో సమస్యలు ఉంటాయి. ఆదాయంతో పాటు ఖర్చులు బాగా పెరుగుతాయి. స్వల్పంగా అనారోగ్యం తప్పదు. వ్యాపారంలో పెట్టుబడి పెంచవలసి వస్తుంది. ఉద్యోగం మారటానికి ఇది సమయం కాదు.
కుంభం (ధనిష్ఠ 3,4, శతభిషం, పూర్వాభాద్ర 1,2,3): ఆర్థిక విషయాల్లో గ్రహ సంచారం చాలా వరకు అనుకూలంగా ఉంది. ముఖ్యమైన పనుల్లో ఏమాత్రం ఆలస్యం పనికిరాదు. వ్యాపారంలో శ్రమకు తగ్గ ప్రతిఫలం ఉంటుంది. సామాజిక సేవా కార్యక్రమాల్లో పాల్గొంటారు. రాజకీయ నాయకులతో మంచి పరిచయాలు ఏర్పడతాయి. ఉద్యోగంలో అధికారుల నుంచి ప్రోత్సాహం ఉంటుంది.
మీనం (పూర్వాభాద్ర 4, ఉత్తరాభాద్ర, రేవతి): చాలావరకు సమయం అనుకూలంగా ఉంది. ఆర్థిక సంబంధంగా ఒకటి రెండు శుభవార్తలు వింటారు. ఉద్యోగంలో ఉన్నత యోగం ఉంది. మీ ప్రతిభకు విశేషమైన గుర్తింపు ప్రోత్సాహం లభిస్తాయి. వ్యాపారంలో లాభాలు సంపాదిస్తారు. ఆరోగ్యం పరవాలేదు. మంచి కంపెనీ నుంచి ఆఫర్ వస్తుంది. దూరపు బంధువులు కలుస్తారు.