Watch: ఇంద్రకీలాద్రి కొండపై నుంచి కిందపడ్డ కొండచిలువ.. ఎటు వెళ్లాలో తెలియక అవస్థలు.. చివరకు అలా..
ఉన్నట్టుండి నడిరోడ్డుపై ప్రత్యక్షమైన కొండచిలువను చూసిన స్థానికులు ఆశ్చర్యపోయారు. భయపడుతూనే.. కొండచిలువను తమ మొబైల్స్లో వీడియోలు తీశారు.
Updated on: Feb 07, 2023 | 3:08 PM
సోషల్ మీడియాలో తరచూ పాములు, జంతువుల వీడియోలు బాగా వైరల్ అవుతుంటాయి. ముఖ్యంగా పాముల వీడియోలైతే ఇంకా ఆకట్టుకుంటాయి. పాములంటే సాధారణంగానే చాలా మంది భయం. కాబట్టి భయం కల్గించే వాటిని వీడియోల్లో దగ్గర చూసేందుకు జనాలు ఎక్కువ ఆసక్తి చూపుతుంటారు. ఈ వీడియో కూడా అలాంటిదే. రోడ్డుపై ఉన్నట్టుండి పాము ప్రత్యక్షమైతే ఎలా ఉంటుంది. పామును చూడగానే పక్కాగా భయంతో పరుగులు తీస్తారు. అదే భారీ కొండచిలువ కనబడితే ఏం చేస్తారు.. ఇంకేముంది.. బతుకు జీవుడా అని ప్రాణాలు అరచేతిలో పెట్టుకుని పరారవుతారు.అయితే, ఇదేదో సోషల్ మీడియాలో వైరల్ అవుతున్న వీడియో కాదు. విజయవాడ కనకదుర్గమ్మ సన్నిధిలో జరిగిన యధార్థ సంఘటన. బెజవాడ దుర్గమ్మ సన్నిధిలో కొండచిలువా..? అయ్యాబాబోయ్ అనుకుంటున్నారా..? వివరాల్లోకి వెళితే..
విజయవాడలో కొండచిలువ ప్రత్యక్షమైంది. కనక దుర్గమ్మ కొండ కింద హెడ్ వాటర్ వర్క్స్ ఎదురుగా కొండపై నుంచి రోడ్డు పై కి వచ్చి చేరింది ఒక భారీ కొండచిలువ. చుట్టూ వాహనాల రద్దీ, ప్రజల రాకపోకలతో భయపడిపోయిన కొండచిలువ కంగారుపడింది. ఎటూ వెల్లేందుకు దారి లేక పాపం కొండచిలువ అవస్థలు పడింది. విషయం తెలిసిన అటవీశాఖ అధికారులు వచ్చి కొండచిలువను బంధించారు. రోడ్డుపై భారీగా ఏర్పడ్డ ట్రాఫిక్ జామ్ని క్లీయర్ చేశారు. అనంతరం ఆ పామును సమీప అటవీ ప్రాంతంలో విడిచిపెట్టారు.
మరోవైపు, ఉన్నట్టుండి నడిరోడ్డుపై ప్రత్యక్షమైన కొండచిలువను చూసిన స్థానికులు ఆశ్చర్యపోయారు. భయపడుతూనే.. కొండచిలువను తమ మొబైల్స్లో వీడియోలు తీశారు. దీంతో రోడ్డుపై ఎక్కడి వాహనాలు అక్కడే నిలిచిపోయి ట్రాఫిక్ అంతరాయం ఏర్పడింది.
మరిన్ని ఏపీ వార్తల కోసం ఇక్కడ క్లిక్ చేయండి..
