Andhra: తొంగి చూస్తే ఒక్కసారిగా గుండె గుభేల్.. ఫ్రిడ్జ్‌లో దాగి ఉన్నదేంటో తెలుసా.. ఇదిగో వీడియో

ఈ మధ్యకాలంలో పాములు అక్కడ ఇక్కడ అని కాదు.. ఎక్కడికైనా వచ్చేస్తున్నాయి. ఆహారం కోసమో.. లేక ఆవాసం కోసమో.. జనావాసాల్లోకి వచ్చి చేరుతున్నాయి. కొన్ని ఇళ్లల్లోకి నేరుగా దూరిపోతుంటే.. మరికొన్ని ఏసీల్లోను, ఫ్రిజ్లలోను.. చొరబడుతున్నాయి. అలాంటి వింత అనుభవమే ఎదురైంది విశాఖ సిందియా లోని షాపియార్డ్ ఉద్యోగి కుటుంబానికి. క్వార్టర్ షిఫ్ట్ అయ్యే క్రమంలో.. రిఫ్రిజిరేటర్ ను ఖాళీ చేశారు. అదే సమయంలో ఫ్రిడ్జ్ పై భాగంలో.. లోపల నుంచి ఏదో తొంగి చూస్తున్నట్టు గుర్తించారు. బల్లి అయి ఉంటుందని అనుకుని.. తరిమే ప్రయత్నం చేశారు. కానీ అది బల్లి కాదు.. పాము అని గుర్తించి గుండెలు పట్టుకున్నారు. వెంటనే స్నేక్ క్యాచార్ నాగరాజుకు సమాచారం అందించారు.

రంగంలోకి దిగిన నాగరాజు.. పామును పట్టుకునే ప్రయత్నం చేస్తే.. అది ఎక్కడ నుంచి దూకి పారిపోయేందుకు యత్నించింది. వెంటనే దాన్ని పట్టుకున్నాడు నాగరాజు. దీంతో అంతా ఊపిరి పీల్చుకున్నారు.

వీడియో చూడండి..

ఆ పాము అదే..

దాన్ని బ్రాంజ్ బ్యాక్ వైన్ స్నేక్ గా గుర్తించారు. చెట్లపై ఎక్కువగా నివసిస్తూ.. కప్పలు, బల్లులు, కీటకాలను తింటూ ఉంటుంది. ఇది నాన్ వెనమస్.. అంటే విషరహిత సర్పం. సగటున నాలుగు అడుగుల వరకు ఈ పాములు పెరుగుతాయి. చెట్లు పొదలు బహిరంగ ప్రదేశాల్లో కనిపిస్తాయి. చాలా చురుగ్గా కదులుతూ.. దూకే స్వభావాన్ని కలిగి ఉంటాయి ఈ పాములు..

మరిన్ని ఆంధ్రప్రదేశ్ వార్తల కోసం ఇక్కడ క్లిక్ చేయండి..