ఖమ్మంలో ఆర్టీసీ డ్రైవర్ ఆత్మహత్యాయత్నం

ఖమ్మం జిల్లాలో ఆర్టీసీ సమ్మె తీవ్ర స్థాయికి చేరింది. ఖమ్మం డిపోకు చెందిన శ్రీనివాస్ రెడ్డి అనే డ్రైవర్ పోట్రోల్ పోసుకుని నిప్పంటించుకున్నాడు. వెంటనే అప్రమత్తమైన స్థానికులు ఆయన్ని ఖమ్మం ప్రభుత్వ ఆస్పత్రికి తీసుకెళ్లారు. తొంభై శాతం గాయాలైన శ్రీనివాస్‌రెడ్డికి వైద్యులు చికిత్స అందిస్తున్నారు. అయితే ప్రస్తుతం శ్రీనివాస్‌ రెడ్డి పరిస్థితి విషమంగా ఉన్నట్లు వైద్యులు తెలిపారు. ఆసుపత్రి వద్దకు ఆర్టీసీ కార్మికులు పెద్ద ఎత్తున చేరుకుని.. ప్రభుత్వానికి వ్యతిరేకంగా నినాదాలు చేశారు. రోడ్డుపై బైఠాయించిన కార్మికులు ఆందోళనకు దిగారు. అదేసమయంలో అటుగా వస్తున్న ఆర్టీసీ బస్సును అడ్డుకుని.. అద్దాలను ధ్వంసం చేశారు.