బందర్ తీరంలో శ్రీలంక బోటు హల్చల్!
ఆంధ్రప్రదేశ్ సముద్ర తీరంలో శ్రీలంక బోటు కలకలం రేపింది. భారత సముద్ర జలాల్లోకి దూసుకొచ్చిన శ్రీలంక బోటును గమనించిన కోస్ట్ గార్డ్ సిబ్బంది అప్రమత్తమయ్యారు.
Updated on: Jul 13, 2020 | 3:59 PM
ఆంధ్రప్రదేశ్ సముద్ర తీరంలో శ్రీలంక బోటు కలకలం రేపింది. భారత సముద్ర జలాల్లోకి దూసుకొచ్చిన శ్రీలంక బోటును గమనించిన కోస్ట్ గార్డ్ సిబ్బంది అప్రమత్తమయ్యారు. మచిలీపట్నం తీరానికి 10 కిలోమీటర్ల దూరంలో ఆ బోటును పట్టుకున్న సిబ్బంది దానిని కాకినాడ తరలించారు. చేపల వేట కోసం కేజీ బేసిన్ పరిధి వరకు ఇందువర ఫిషింగ్ బోట్ వచ్చేసింది. భారత కోస్ట్ గార్డ్ బృందాన్ని చూసి పరారయ్యేందుకు ప్రయత్నించిన ఆరుగురు శ్రీలంక మత్స్యకారులను అదుపులోకి తీసుకున్నారు. ఆ మత్స్యకారుల నుంచి భారీ టునా చేపను స్వాధీనం చేసుకున్నారు. అయితే, టునా చేపల ప్రత్యుత్పత్తికి ఇది సీజన్ అంటున్నారు మత్స్యకారులు. అయితే, ఈ సీజన్లో వాటిని పట్టుకోకూడదని నిషేధాజ్ఞలు అమల్లో ఉన్నాయని కోస్ట్గార్డ్ అధికారు వెల్లడించారు. బోటులో ఉన్నవారిని అదుపులోకి తీసుకున్న కోస్ట్ గార్డు సిబ్బంది విచారిస్తున్నట్లుగా తెలిపారు.
