బ్రేకింగ్ : టీడీపీలో విషాదం.. మాజీ ఎమ్మెల్యే హఠాన్మరణం

టీడీపీలో విషాదం చోటుచేసుకుంది. పార్టీ కీలక నేత, ఏలూరు మాజీ ఎమ్మెల్యే బడేటి కోట రామారావు ( బుజ్జి) కన్నుమూశారు. గురువారం తెల్లవారుజామున గుండెపోటు రావడంతో వెంటనే ఆయన్ను స్థానిక ఆస్పత్రికి తరలించారు. అయితే ఆస్పత్రికి తరలిస్తుండగా.. మార్గమధ్యంలోనే ప్రాణాలు విడిచారు. గతంలో ఏలూరు మున్సిపాలిటీ వైస్‌ చైర్మన్‌గా బడేటి  బుజ్జి పనిచేశారు. 2009లో ప్రజారాజ్యం పార్టీ తరఫున ఏలూరు నుంచి పోటీ చేసి ఓడిపోయారు. ఆ తర్వాత 2014లో టీడీపీ నుంచి బరిలోకి దిగి.. ఘన విజయం సాధించారు. 2014 -19 వరకు ఏలూరు ఎమ్మెల్యేగా పనిచేశారు. కాగా ఇటీవల జరిగిన అసెంబ్లీ ఎన్నికల్లో వైసీపీ అభ్యర్థి చేతిలో నాలుగువేల ఓట్ల తేడాతో ఓటమిపాలయ్యారు.