MLC దువ్వాడ పుట్టినరోజు.. స్పెషల్ గిఫ్ట్ ఇచ్చిన మాధూరి.. ఏంటో తెల్సా..?

ఎమ్మెల్సీ దువ్వాడ శ్రీనివాస్, దివ్వెల మాధురి ప్రస్తుతం నెట్టింట మంచి ట్రెండింగ్‌లో ఉన్న నేమ్స్. లివ్ ఇన్ రిలేషన్‌లో ఉంటూ గత కొన్ని రోజులుగా చెట్టాపట్టాలు వేసుకుని తిరుగుతున్న ఈ జంట ప్రవర్తన కాస్త వివాదాస్పదం అయింది కూడా. ఎవరేమన్నా, ఏదేమైనా మా ప్రేమను ఆపలేరు.. మమ్మల్ని విడదీయలేరు అంటూ వారు ప్రయాణం సాగిస్తున్నారు. ప్రస్తుతం తమ భాగస్వాములతో విడాకుల అంశం కోర్టు పరిధిలో ఉందని.. అది తేలిన తర్వాత మ్యారేజ్ చేసుకుంటామంటూ కుండబద్దలు కొట్టారు.

తాజాగా దువ్వాడ శ్రీనివాస్ బర్త్ డే సందర్భంగా వేడుకలు ఘనంగా జరిగాయి. దివ్వెల మాధురితో కలిసి…  దువ్వాడ శ్రీనివాస్ బర్త్ డే వేడుకలు జరుపుకున్నారు. ఇక దువ్వాడ పుట్టినరోజు సందర్భంగా దివ్వెల మాధురి కాస్ట్లీ గిఫ్ట్ ఇచ్చారు. దువ్వాడ శ్రీనివాస్‌కు బర్త్‌డే గిఫ్ట్‌గా ఖరీదైన వాచీ అందించారు. ఈ వాచ్ ఖరీదు సుమారుగా రూ.2 లక్షలు వరకూ ఉండొచ్చని చెబుతున్నారు.

View this post on Instagram

A post shared by Madhuri Divvala (@madhuri_me_telugu_ammai)

ఇక ఇటీవల ఈ జంట తిరుమల పర్యటన వివాదాస్పదమైంది. అనంతరం తిరు మాఢ వీధుల్లో ఫొటోలు దిగుతూ సందడి చేశారు. దీంతో విజిలెన్స్‌ అధికారులతో పాటు పలు సంఘాలు ఇద్దరి తీరుపై ఆగ్రహం వ్యక్తం చేశాయి. పవిత్రమైన మాఢవీధుల్లో ఫోటో షూట్లు చేయడం, తమ వ్యక్తిగత విషయాలు పంచుకోవడంపై అభ్యంతరం వ్యక్తం చేస్తూ పోలీసులకు ఫిర్యాదు చేశారు. దీంతో రంగంలోకి దిగిన పోలీసులు… ఇద్దరిపై పలు సెక్షన్ల కింద కేసు నమోదు చేసి…… 41ఏ నోటీసులు జారీ చేశారు. విచారణకు తిరుమల రావాలని ఆదేశించారు.

మరిన్ని ఆంధ్రప్రదేశ్ వార్తల కోసం ఇక్కడ క్లిక్ చేయండి..