AP News: పొదల్లోకి డ్రోన్ ఎగరేసిన పోలీసులు.. ఊహించని విధంగా చిక్కారుగా
అక్రమాలకు పాల్పడే మీకే అంతుంటే... ఐపీఎస్ చదివిన మాకెంత ఉండాల్రా అంటున్నారు పోలీసులు. ఎత్తులేయడమూ తెలుసు... చిత్తుచేయడమూ తెలుసంటున్నారు. అల్లూరి పోలీసులు... గంజాయి బ్యాచ్ ఆట కట్టించిన తీరు అదుర్స్ అనే చెప్పాలి...!
Updated on: Nov 11, 2024 | 8:54 PM
పైన ఫోటోలో మీరు చూస్తున్నది…! ఏ కవిరేపాకు తోటనో…! మలబారు వేపనో అనుకునేరు…! అస్సల్ కానేకాదు. మత్తుగాళ్ల కోసం కంత్రిగాళ్లు సాగుచేస్తున్న గంజాయి పంటిది. పంట అంటే మామూలు పంటకాదు… 5 ఎకరాల్లో అలుపెరగకుండా కల్తీగాళ్లు వేసిన సాగు ఇది.
అల్లూరి జిల్లా జీ.మాడుగుల మండలం డేగలరాయిలో కనిపించిందీ సీన్. చిన్నాచితకా చెట్లతో ఏముంది లాభం…! కొడితే కుంభస్థలం బద్దలు కావాలన్నట్లు ఏకంగా ఐదు ఎకరాల్లో గంజాయి చెట్లను ఏపుగా పెంచారు ఘనులు. చాలా పకడ్భందీగా ఎవరికి అనుమానం రాకుండా ప్లాన్ చేశారు. ఇక గతకొన్ని రోజులుగా మత్తుపదార్ధాలపై ఉక్కుపాదం మోపుతున్న పోలీసులు… ఈ విషయాన్ని పసిగట్టారు. అక్రమార్కులు మీకే అంతుంటే… ఎన్నో కేసులను చేధించిన విక్రమార్కులం మాకెంత ఉండాలంటూ… ఏకంగా గంజాయి తోటపై డ్రోన్లతో దాడి చేశారు. చెట్లను నరికేసి… నిప్పంటించి కంత్రీగాళ్లకు కళ్లెం వేశారు.
మొత్తంగా… గంజాయి సాగు, డ్రగ్స్ వాడకంపై మున్ముందు వణుకుపుట్టించేలా యాక్షన్ ఉంటుందంటున్నారు పోలీసులు. గంజాయి చూస్తేనే గజగజ వణికే పరిస్థిలొస్తాయని హెచ్చరిస్తున్నారు.
మరిన్ని ఆంధ్రప్రదేశ్ వార్తల కోసం ఇక్కడ క్లిక్ చేయండి..
