‘మళ్ళీ కోవిడ్ టెస్ట్ చేయించా..! మందులూ, మాకులూ మానేశా’, ట్రంప్

ఆ మధ్య కోవిడ్ బారిన పడి చికిత్స పొందిన అమెరికా అధ్యక్షుడు ట్రంప్..ఇప్పుడిక తను మందులూ, మాకులూ మానేశానని ప్రకటించారు.చాలా ఫ్రీగా ఉన్నా అని చెప్పారు. ఫ్యాక్స్ కంట్రిబ్యూటర్ డాక్టర్ మార్క్ సీగల్ రిమోట్ గా తన మెడికల్ ఎవాల్యుయేషన్ నిర్వహించారని చెప్పిన ఆయన..బహుశా 8 గంటల క్రితం మెడిసిన్స్ వేసుకున్నానని, ప్రస్తుతం ఏమీ తీసుకోవడంలేదన్నారు. ట్రంప్ సారు వారికి ఎక్కువ పవర్ ఉన్న కాక్ టైల్ థెరాపెటిక్ డ్రగ్స్, స్టెరాయిడ్ డెక్సోమీథాసోన్ ఇచ్చామని డాక్టర్లు ఈ మధ్యే చెప్పారు. అంటే సీరియస్ కోవిడ్ కేసులవారికే ఇలాంటివి ఇస్తామని వారు తెలిపారు.

ఇక …మళ్ళీ నేను కరోనా వైరస్ టెస్ట్ చేయించుకున్నా..ఎలాంటి కోవిడ్ లక్షణాలూ కనబడలేదు, మళ్ళీ ఎప్పుడు చేయించుకుంటానో తెలియదు.. రేపు కావచ్ఛు..లేదా రెండు రోజుల తరువాత కూడా కావచ్ఛు అని ట్రంప్ అదోలా మాట్లాడారు. చెప్పిందే చెప్పి మీడియాను తికమక పెట్టారు.