అరె ! ట్రంప్ ఫేస్ తో ఫిష్ ! తినేశా మరి !

అమెరికాలో 36 ఏళ్ళ ఓ మహిళ ‘అమందా ‘.. టెస్కో స్టోర్ కి వెళ్లి కాస్త ఖరీదైన ట్యూనా జాతి చేపను కొనుక్కుని ఇంటికి తెచ్చుకుంది. దాన్ని ఫ్రీజర్ లో పెట్టి కొద్దిసేపయ్యాక చూస్తే అచ్ఛు అధ్యక్షుడు ట్రంప్ ఫేస్ మాదిరి కనబడిందట.. అంటే చల్లని ఐస్ లో ఉంచగానే ఆ ట్యూనా అలా మారిపోయిందని. తన కళ్ళను తానే నమ్మలేకపోయానని ఆమె అంటోంది. ట్రంప్ మాదిరే జుట్టు, కళ్ళు, చిన్నగడ్డం అంతెందుకు ? జూనియర్ ట్రంప్ చేప అంటే అతిశయోక్తి కాదని తెలిపింది. గడ్డ కట్టిన ఈ ట్యూనా ఫిష్ ఇలా మారడం థ్రిల్లింగ్ అనిపించిందని తెలిపింది. అయితే వండిన తరువాత దాని ఫేస్ మారిపోయిందట. కోకోనట్ రైస్ తో కలిపి దీన్ని నేనూ, నా ఇద్దరు పిల్లలూ తిన్నాం..భలే రుచిగా ఉంది అని చెప్పింది అమందా !