షికాగోలో పేలిన తుపాకీ.. 13 మందికి గాయాలు..

అగ్రరాజ్యం అమెరికాలో మరోసారి తుపాకులు మోత మొగింది. ఆదివారం షికాగాలో కాల్పులు చోటుచేసుకున్నాయి. ఓ ఈవెంట్‌లో భాగంగా యువకుల మధ్య చెలరేగిన వివాదం.. చిలికిచిలికి గాలివానలా మారి.. కాల్పులకు దారితీసింది. ఈ ఘటనలో 13మందికి గాయాలయ్యాయి. సమాచారం అందుకున్న పోలీసులు ఘటనాస్థలికి చేరుకున్నారు. క్షతగాత్రులను స్థానిక ఆస్పత్రికి తరలించారు. అయితే గాయపడ్డ వారిలో నలుగురి పరిస్థితి విషమంగా ఉన్నట్లు తెలుస్తోంది. ఈ ఘటన ఆదివారం మధ్యాహ్నం చోటుచేసుకున్నట్లు.. పెట్రోలింగ్ చీఫ్‌.. ఫ్రెడ్‌ వాలర్‌ పేర్కొన్నారు. కాల్పుల్లో గాయపడ్డ వారంతా.. 16 నుంచి 48 మధ్య వయస్సు వారేనని తెలిపారు. కాగా, ఘటనపై కేసు నమోదు చేసుకున్న పోలీసులు.. కాల్పులకు పాల్పడిన వ్యక్తిని అదుపులోకి తీసుకున్నారు.