World’s Largest Bottle: ప్రపంచంలో అతిపెద్ద విస్కీ బాటిల్.. వేలంలో పలికిన ధర తెలిస్తే షాక్..

World’s Largest Bottle: ప్రపంచంలోనే అతిపెద్ద స్కాచ్ విస్కీ బాటిల్ వేలం ప్రక్రియ పూర్తి అయిందని ప్రముఖ వేలం సంస్థ లియోన్ అండ్ టర్న్‌బుల్ ప్రకటించింది. దాదాపు 6 అడుగుల పొడవైన బాటిల్‌ను “ది ఇంట్రెపిడ్” అని పిలుస్తారు. ఈ  పొడవైన బాటిల్ లో 311 లీటర్ల విస్కీని నింపి ఉంది. అంటేఈ బాటిల్‌లో దాదాపు 444 విస్కీ బాటిళ్లతో సమానమైన ఆల్కహాల్ ఉన్నట్లు సమాచారం. ఈ విస్కీ బాటిల్  32 సంవత్సరాల కాలం నాటిది. దీన్ని 1989లో స్పైసైడ్ ప్రతిష్టాత్మకమైన ది మకాలన్ నెలకొల్పగా.. సెప్టెంబర్ 2021లో విస్కీని నింపారు.

ఈ జెయింట్ విస్కీ బాటిల్ గత ఏడాది అతి పెద్ద విస్కీ బాటిల్ గా గిన్నిస్ వరల్డ్ రికార్డ్స్ లో స్థానం సంపాదించుకుంది.  తాజాగా ఈ విస్కీ బాటిల్ ను ఇటీవలే స్కాట్‌లాండ్‌లోని స్పీసైడ్‌లో ఆన్ లైన్ లో వేలానికి ఉంచగా భారీ ధరకు అమ్ముడైంది. ఈ బాటిల్ ద్వారా వచ్చిన డబ్బును స్వచ్చంద సంస్థలకు విరాళంగా ఇవ్వనున్నారని తెలుస్తోంది.

ఆన్ లైన్ లో ఈ అతిపెద్ద విస్కీ బాటిల్ ను సుమారు  1.4 మిలియన్లు డాలర్లకు దక్కించుకున్నారు. మనదేశ కరెన్సీలో దాదాపు రూ. 10,85,88,900లకు అమ్ముడైనట్లు తెలుస్తోంది. ఇదే విషయాన్ని లియోన్ అండ్ టర్న్‌బుల్  సంస్థ సోషల్ మీడియా వేదికగా ప్రకటించింది.

#TheIntrepid – officially the world’s largest bottle of Scotch #whisky – reaches £1.1 million in today’s auction. An adventure from the start, The Intrepid project is dedicated to the spirit & experience of exploration. pic.twitter.com/9G6TJ8nLQg

— Lyon & Turnbull (@LyonandTurnbull) May 25, 2022

మరిన్ని ట్రెండింగ్ వార్తల కోసం ఇక్కడ క్లిక్ చేయండి..