Rare Fish: అరుదైన కొత్త జాతి చేపను కనుగొన్న శాస్త్రవేత్తలు.. దాన్ని చూసేందుకు మీ రెండు కళ్లు చాలవు

Rare Fish: సముద్ర గర్భంలో ఎన్నో రకాల జీవజాతులు ఉన్నాయి. ఇప్పటి వరకు గుర్తించినవి కొన్ని మాత్రమే ఉంటే.. ఇంకా గుర్తించలేనివి ఎన్నో ఉన్నాయి. అలాంటి గుర్తించని..

Rare Fish

Subhash Goud |

Updated on: Mar 14, 2022 | 1:36 PM

Rare Fish: సముద్ర గర్భంలో ఎన్నో రకాల జీవజాతులు ఉన్నాయి. ఇప్పటి వరకు గుర్తించినవి కొన్ని మాత్రమే ఉంటే.. ఇంకా గుర్తించలేనివి ఎన్నో ఉన్నాయి. అలాంటి గుర్తించని జాతులను శాస్త్రవేత్తలు వెలుగులోకి తీసుకువస్తూనే ఉన్నారు. ఇటీవల మల్దీవుల్లోని ఓ కొత్త జాతి చేప (New Fish Species)ను శాస్త్రవేత్తలు కనుగొన్నారు. ఇంత వరకు చూడని అందమైన రంగురంగుల చేపగా శాస్త్రవేత్తలు అభివర్ణిస్తున్నారు. ఈ చేపకు సిర్రిలాబ్రస్ ఫినిఫెన్మా అనే నామకరణం చేశారు శాస్త్రవేత్తలు. ఈ చేప గులాబీ రంగులో అందంగా ఉంది. అయితే నిజానికి చెప్పాలంటే ఈ చేపను మొట్టమొదటి సారిగా1990లలో గుర్తించారు. ఆ సమయంలో అది సిర్రిలాబ్రస్ రుబ్రుస్క్వామిస్ అనే జాతికి చెందిన వయసుమీరిన చేపగా భావించారు శాస్త్రవేత్తలు. అయితే ఇటీవల అధ్యయనంలో ‘సిర్రిలాబ్రస్ ఫినిఫెన్మా’ చేపలు ఒక ప్రత్యేక జాతిగా గుర్తించారు.

ఇలాంటి చూడముచ్చటగా ఉండే రంగులు, పరిమాణం, ప్రమాణాలను గమనించిన శాస్త్రవేత్తలు..ఇలాంటి జాతికి చెందిన చేపలను ఎన్నడూ కూడా గుర్తించలేదని పేర్కొన్నారు. ఇలాంటి కొత్త జాతులను గుర్తించడం ద్వారా సముద్ర జీవుల పరిరక్షణ, జీవవైవిధ్య నిర్వహణకు ఎంతగానో దోహదపడుతుందని యూనివర్సిటీ ఆఫ్‌ సిడ్నీ డాక్టోరల్‌ విద్యార్థి యుకై టీ వివరించారు.

Rare Fish

కాగా, సముద్ర జీవుల అన్వేషణలో ఇప్పటి వరకు అంతర్జాతీయ పరిశోధకులే కీలక పాత్ర పోషిస్తుండగా, మొదటిసారి మాల్దీవియాన్‌ శాస్త్రవేత్త ఈ కొత్త జాతి చేపలను గుర్తించడం మరింత ప్రాధాన్యత సంతరించుకుంది. అయితే చేపలు, సముద్ర జీవులపై పరిశోధనల కోసం అంతర్జాతీయ శాస్త్రవేత్తలు మాల్దీవులకు వస్తుంటారు. స్థానిక శాస్త్రవేత్తల ప్రమేయం లేకుండానే వారు సొంతంగా పరిశోధనలు నిర్వహిస్తుంటారు. ఈ నేపథ్యంలో మాల్దీవ్స్ మెరైన్ రీసెర్చ్ ఇఇన్సిట్యూటట్‌ జీవశాస్త్రవేత్తలు కొత్త చేప జాతిని గుర్తించారు.

ఇవి కూడా చదవండి: