జూలియన్ అస్సాంజేకు 50 వారాల జైలు శిక్ష!

వికిలీక్స్ వ్యవస్థాపకుడు జూలియన్ అస్సాంజేకు బుధవారం లండన్ న్యాయస్థానం 50 వారాల జైలు శిక్ష విధించింది. అమెరికన్ సైనికుల అరాచాకాలను తన వికీలీక్స్ ద్వారా బయటపెట్టి అగ్ర రాజ్యాన్ని గడ గడ లాడించిన వికీలీక్స్ అధినేత జులియన్ అసాంజేను బ్రిటిష్ పోలీసులు అదుపులోకి తీసుకున్నారు. గత ఏడేళ్లుగా బ్రిటన్ కోర్ట్ లో ఆయనపై స్వీడన్‌లో నమోదైన ఆరోపణలపై విచారణ జరుగుతోంది. దాంతో ఆయన అరెస్ట్ నుంచి తప్పించుకునేందుకు లండన్‌లోని ఈక్వడేరియన్ ఎంబసీలో తలదాచుకున్నాడు. బ్రిటన్ కోర్ట్ విచారణ పూర్తయితే తాము అసాంజేను అదుపులోకి తీసుకోవాలని అమెరికా ఎదురు చూస్తోంది. తాజాగా ఈక్వడేరియన్ ఎంబసీ ఆయనకు ఆశ్రయం ఇవ్వడానికి నిరాకరించింది. దీంతో బ్రిటిష్ పోలీసులు ఆయనను అరెస్ట్ చేశారు.