UK lockdown: శాండ్‌విచ్ కోసం ఏకంగా 130 కి.మీ వెళ్లాడు.. అదికూడా హెలికాప్టర్‌లో.. వీడియో వైరల్

Helicopter pilot - sandwich: ఎవరైనా రుచికరమైన ఆహారాన్ని, పదార్థాలను తినాలనుకుంటుంటారు. ఇలాంటప్పుడు ఇష్టమైన ఫుడ్‌ తినాలనిపిస్తే.. ముందు వెనుక ఆలోచించకుండా.. ముందుకు వెళ్లిపోతుంటారు. ఆ ఆహారం వేరే..

Shaik Madar Saheb |
Updated on: Mar 08, 2021 | 9:35 PM

Helicopter pilot – sandwich: ఎవరైనా రుచికరమైన ఆహారాన్ని, పదార్థాలను తినాలనుకుంటుంటారు. ఇలాంటప్పుడు ఇష్టమైన ఫుడ్‌ తినాలనిపిస్తే.. ముందు వెనుక ఆలోచించకుండా.. ముందుకు వెళ్లిపోతుంటారు. ఆ ఆహారం వేరే ప్రదేశంలో ఉందన్నా కాస్త రిస్క్‌ చేసైనా అక్కడకు వెళ్లి తినేసి వస్తుంటారు. అది కూడా ఓ 10,20 ఇంకా 50 కిలోమీటర్ల అయినా పెద్ద పట్టించుకోకుండా.. వెళ్లి ఆ ఫుడ్‌‌ను ఆస్వాదిస్తూ తిని వస్తుంటారు. కానీ ఓ వ్యక్తి.. తనకు ఎంతో ఇష్టమైన శాండ్విచ్‌ కోసం.. ఏకంగా 128 కిలోమీటర్లు వెళ్లాడు. అదికూడా అతను వెళ్లింది ఓ హెలిక్యాప్టర్‌లో. అవును మీరు చదివింది ముమ్మాటికీ నిజం. కరోనా లాక్‌డౌన్ కారణంగా.. తనకిష్టమైన శాండ్‌విచ్ తినాలని ఓ వ్యక్తి హెలికాప్టర్‌లో ప్రయాణించాడు. ఈ సంఘటన యూకేలో జరిగింది.

కరోనా నిబంధనలు ఉండటతో యూకే జనజీవనం అస్తవ్యస్తంగా మారింది. ఈ క్రమంలో ఓ వ్యక్తి స్వయంగా హెలికాప్టర్ వేసుకోని వెళ్లి మరి శాండ్‌విచ్ కొనుగోలు చేశారు. ఇటీవల యూకేలోని లాంక్షైర్‌లో చిప్పింగ్ ఫార్మ్ షాప్ ముందు ఓ హెలికాప్టర్ ఆగింది. అందులో నుంచి దర్జాగా దిగిన ఓ వ్యక్తి శాండ్‌విచ్‌ను ఆర్డర్ చేశాడు. అనంతరం ఆ పార్శిల్ పట్టుకుని మళ్లీ హెలికాప్టర్‌లో వెనుతిరిగాడు. చిప్పింగ్ ఫార్మ్ షాప్ యాజమాన్యం ఈ వీడియోను ఇన్‌స్టాగ్రామ్‌లో పోస్ట్ చేయడంతో వైరల్‌గా మారింది. ప్రస్తుతం యూకేలో లాక్‌డౌన్ నడుస్తున్న నేపథ్యంలో ఆ పైలట్ ఇలా హెలికాప్టర్‌లో వచ్చాడని నిర్వాహకులు తెలిపారు. దీనికి సంబంధించిన వీడియో ప్రస్తుతం సోషల్‌ మీడియాలో వైరల్‌ అవుతుంది. ఈ వీడియోను చూసిన నెటిజన్స్‌ మాత్రం.. క్రేజీ కామెంట్స్ చేస్తున్నారు.

అయితే, తమకు నచ్చిన ఆహారం కోసం దూర ప్రయాణాలు చేయడం ఇదే తొలిసారి కాదు. 2020లో ఇలాంటివి చాలానే జరిగాయి. అయితే ఈ వ్యక్తికి గ్రేటర్ మాంచెస్టర్‌లోని సిటీ విమానాశ్రయం నుంచి ఫ్లైట్-ట్రాకింగ్ వెబ్‌సైట్‌ను ఉపయోగించి రెస్టారెంట్ కు చేరుకున్నాడని సమాచారం. ఏదీఏమైనప్పటకీ.. ఈ వీడియో బాగా చక్కెర్లు కొడుతోంది. మీరు కూడా ఈ వీడియోపై ఓ లుక్కెయండి.