Bangladesh Crisis: బంగ్లాదేశ్‌పై కన్నేసిన డ్రాగన్ కంట్రీ.. వస్త్రపరిశ్రమను దెబ్బకొట్టేందుకు సరికొత్త ప్లాన్..

బంగ్లాదేశ్‌లో(Bangladesh) ఆర్థిక సంక్షోభం ముంచుకొస్తోంది. ఇటీవల ప్రపంచ బ్యాంకు, ఆసియా అభివృద్ధి బ్యాంకు నుంచి రెండు బిలియన్ డాలర్లు డిమాండ్ చేసింది. ఈ రెండు సంస్థల నుంచి ఒక్కొక్కరికి ఒక బిలియన్ డాలర్ల రుణం తీసుకుంది. అంతర్జాతీయ ద్రవ్య నిధి (IMF) నుంచి బంగ్లాదేశ్ 4.5 బిలియన్ డాలర్ల రుణాన్ని కూడా కోరినట్లు నివేదికలు వెల్లడించాయి. బంగ్లాదేశ్ ఆర్థిక వ్యవస్థ విలువ 416 బిలియన్ డాలర్లు. దాని ఆర్థిక వ్యవస్థ ఇప్పటివరకు వేగంగా అభివృద్ధి చెందుతోంది. కానీ రష్యా-ఉక్రెయిన్ యుద్ధం కారణంగా అంతే వేగంతో బ్రేకులు పడ్డాయి. దీంతో ఒక్కసారిగా ఆ దేశం  ఆర్థిక ఆర్ధిక పరిస్థితి కుంటుపడింది. 

నిజానికి, ప్రపంచంలోనే అత్యధికంగా వస్త్రాలను ఎగుమతి చేసే దేశాలలో బంగ్లాదేశ్ ఒకటి. వస్త్ర పరిశ్రమలో చైనా  తర్వాత స్థానంలో ఉంది బంగ్లాదేశ్సం. రష్యా-ఉక్రెయిన్ యుద్ధం కారణంగా, ప్రపంచ మార్కెట్‌లో బంగ్లాదేశ్ వస్త్ర ఎగుమతుల డిమాండ్ మందగించింది. అలాగే దేశం కూడా ఇంధన సంక్షోభంతో చుట్టుముట్టింది. పెరిగిన ఆహార పదార్థాలు.. ఇంధన ధరలు ప్రజలను ఇబ్బంది పెడుతున్నాయి. ఇలాంటి పరిస్థితుల్లో బంగ్లాదేశ్‌లో శ్రీలంక లాంటి పరిస్థితి ఏర్పడుతున్నట్లు కనిపిస్తోంది.

అదే సమయంలో చిన్న అభివృద్ధి చెందుతున్న దేశాల సంక్షోభాలు తన ఆశయాలను నెరవేర్చడానికి చైనాను ఆకర్షించాయి. అందువల్ల బంగ్లాదేశ్‌ను కూడా చైనా అప్పుల ఊబిలో బంధించినా ఆశ్చర్యపోనక్కర్లేదు. శ్రీలంక చరిత్రాత్మక ఆర్థిక సంక్షోభం, సంక్షోభం వెనుక చైనా హస్తం కూడా ఉన్నట్లుగా తెలుస్తోంది. ఇలాంటి పరిస్థితుల్లో బంగ్లాదేశ్ విధ్వంసానికి చైనా స్క్రిప్ట్ రాస్తోందా..? అనే సందేహం కూడా కలుగుతోంది.

బంగ్లాదేశ్ విధ్వంసానికి చైనా స్క్రిప్ట్ 

కొన్ని ప్రాజెక్టుల అభివృద్ధి సాకుతో బంగ్లాదేశ్‌లోకి ఎంట్రీకి చైనా ప్రయత్నిస్తోంది. అదే సమయంలో బంగ్లాదేశ్ కూడా చైనా నుంచి ఆయుధాలను కొనుగోలు చేస్తుంది. బంగ్లాదేశ్‌లోని ముఖ్యమైన ఓడరేవుగా పరిగణించబడుతున్న చిట్టగాంగ్‌పై కూడా చైనా దృష్టి ఉంది. చైనా రాష్ట్ర కంపెనీలు చిట్టగాంగ్‌ను స్మార్ట్ సిటీగా మార్చాలని ప్రతిపాదించాయి. దీని కింద అక్కడ మెట్రో రైలును కూడా ప్రారంభించాలని ప్రతిపాదించాయి. దీనికి ప్రతిగా స్మార్ట్ సిటీ ప్లాట్ల విక్రయంలో వచ్చే లాభాల్లో వాటా ఇవ్వాలని చైనా కంపెనీలు కోరుతున్నాయి.

చైనా కంపెనీల ఉద్దేశాలపై బంగ్లాదేశ్ నిపుణులు ప్రశ్నలను లేవనెత్తుతున్నారు. ఈ ప్రాజెక్ట్ నుంచి పర్యావరణానికి హాని కలుగుతుందని అనుమానాలు వ్యక్తం చేస్తున్నారు. అయితే చైనా తన సాంకేతికత పర్యావరణ అనుకూలమని పేర్కొంది. వాస్తవానికి, చిట్టగాంగ్ అనేది పశ్చిమ దేశాల నుంచి బంగ్లాదేశ్ దిగుమతి-ఎగుమతులు చేసే ప్రాంతం. చైనా పాశ్చాత్య దేశాలతో సత్ సంబంధాలు లేవు. ఇప్పుడు చిట్టగాంగ్‌ను స్మార్ట్ సిటీగా మార్చే పేరుతో.. నెమ్మదిగా పాశ్చాత్య దేశాలతో ఓడరేవు నుంచి దిగుమతి-ఎగుమతులను నియంత్రించాలన్నారు.

బంగ్లాదేశ్‌లో ఇంధన సంక్షోభం కారణంగా రెట్టింపు నష్టం

చైనా జోక్యంతో బంగ్లాదేశ్‌లోనూ ఇంధన ధరలు ఆకాశాన్నంటుతున్నాయి. ఆదివారం మధ్యాహ్నం 12:00 గంటల నుంచి అమల్లోకి వచ్చిన కొత్త ధరల ప్రకారం.. బంగ్లాదేశ్‌లో పెట్రోల్, డీజిల్ ధరలలో 51 శాతానికి పైగా పెరుగుదల నమోదైంది. బంగ్లాదేశ్‌లో ఒక లీటర్ పెట్రోల్ ధర ఇప్పుడు టాకా 135కి చేరింది. ఇది గతంలో టాకా 89 వద్ద అందుబాటులో ఉంది. అయితే ఒక లీటర్ పెట్రోల్ ధర టాకా 130కి పెరిగింది. ఇందులో 44 టాకా పెరిగింది. తక్కువ ధరలకు ఇంధనాన్ని విక్రయించడం వల్ల బంగ్లాదేశ్ పెట్రోలియం కార్పొరేషన్ ఫిబ్రవరి, జూలై మధ్య టాకా 8,014.51 నష్టాన్ని చవిచూసింది.

మరిన్ని అంతర్జాతీయ వార్తల కోసం..