వ్యక్తిని అమాంతం మింగేసిన భారీ తిమింగలం ..అంతలోనే ..

చిలీలోని పటగోనియా సముద్ర తీరంలో ఘటన జరిగింది. డేల్, ఆడ్రియన్ అనే తండ్రీకొడుకులు కలిసి చిన్న బోట్లలో సముద్రంలోకి వెళ్లారు. విడిగా కయాకింగ్‌ చేస్తున్న ఆడ్రియన్ పడవను ఓ పెద్ద తిమింగలం అటాక్ చేసింది. బోటు పక్కగా వచ్చి నోరు తెరచింది. దీంతో యువకుడు చూస్తుండగానే పడవతో పాటూ తిమింగలం నోట్లోకి వెళ్లిపోయాడు. తన కొడుకు తిమింగలం లోపలికి వెళ్లడం చూసిన తండ్రి డేల్ ఒక్కసారిగా షాక్ అయ్యాడు. అయితే అంతలోనే ఆశ్చర్యం జరిగింది. తిమింగలం ఏమనుకుందో ఏమో కానీ .. ఆడ్రియన్‌ని పడవతో సహా బయటకు ఉమ్మి వేసింది. కాసేపటికే బోటుతో సహా ఆడ్రియన్‌ నీటిపై తేలియాడాడు. కొడుకు ప్రాణాలతో బయటపడేసరికి తండ్రి డేల్ ఎంతో మురిసిపోయాడు.తన కొడుకును పడవలోకి ఎక్కించుకున్నాడు. కొడుక్కి ధైర్యం చెప్పిన తండ్రి.. పడవను వేగంగా నడుపుతూ దూరంగా తీసుకెళ్లాడు. ఇద్దరూ సురక్షితంగా అక్కడ్నుంచి బయటపడ్డారు. ఈ ఘటన మొత్తాన్ని తండ్రి డేల్‌ రికార్డ్‌ చేసాడు. ఈ వీడియో ప్రస్తుతం సోషల్ మీడియాలో తెగ వైరల్ అవుతోంది. దీనిపై నెటిజన్లు వివిధ రకాలుగా స్పందిస్తున్నారు.